Khaw tin tuk  19h harei  2.6 saong 6h30 harei 3-6

# Patui danakdak ngak bruk mbang nyaom ka  9, Quốc hội mbang 13, harei 2-6,  Quốc hội pang harak langyah, tiếp thu, ramik pasiam dự thảo hokum kadung jien karja pasiam veik saong ginum biai ka dom asal kadha daok hu panuac karei di gauk dalam dự thảo hukum ini. Dự thảo hukum kadung jien karja pataom tame pasiam dom quy đinh pambuak tal bruk thu – chi kadung jien karja, pablak tame kadung jien karja; nguyên tắc cân đối saong khik ramik kadung jien karja…Ndom biai ka bruk khik ramik kadung jien karja, rilo urang QH caong Dự thảo hukum kadung jien karja (pasiam veik) njauk ramik pasiam bruk pablak tame di dom pakat kadung jien karja piah langyah ka nyu salah dom bruk daok tavak taviay urak ini dalam khik ramik kadung jien karja.

/ Di ban sit Yên Bái, tỉnh Yên Bái, hội đồng đội TƯ, kadung jien daong ka uranaih VN peih bruk pok meyaom 200 uranaih gaok kan kandah kahm merat yam tagok bac da-a naih joi di 6 tỉnh bhum ceik gah brak mbang ka sa. Tapa nan, 200 uranaih mai meng dom tỉnh: Hà Giang, Tuyên Quang, Yên Bái, Hòa Bình, Sơn La, Lào Cai gaok biak kan kandah (metui medhua, joh jo, anek kamuan bhap bini bangsa takik), kham merat yam tagok bac da-a naih joi, taduan hu pandap, mot bảo hiểm di UB an toàn jalan mbak pakat negar saong jien bac meng kadung jien daong ka uranaih VN (yaok paok jien bac yaom sa triệu đồng).

# Dalam bilan ngak bruk kayua uranaih thun 2015,  Sở Lao động - Thương binh saong Xã hội tỉnh Vĩnh Phúc peih ngak rilo danakdak, bruk ngak siam lagaih caik ka uranaih. Di harei ba tabiak bruk,  kadung jien daong uranaih tỉnh taduan hu bruk daong brei di 15 đơn vị, doanh nghiệp, urang hảo tâm saong yaom jien labaih 3 tỷ đồng. Sở Lao động - Thương binh saong  Xã hội alin 30 paok pandap, yaok paok yaom 1 triệu đồng ka dom anek saih sang kan kandah, kham merat yam tagok bac joi di  huyện Tam Dương. 

/ Tak urak ini, tỉnh Đắc Lắc hu daong padang, ngak pasiam 888 baoh sang ka urang hu buh pren yava ka cách mạng gaok kan kandah ka sang daok tui quyết định 22/2013/QĐ-TTg di thủ tướng rajaei. Min daok 400 baoh sang urang hu buh pren yava daok gaok kan kandah ka sang daok jeng oh ka hu daong kayua kurang jien. Urak ini, sở lao động, TB saong XH Đắc Lắc daok pambuak bruk saong sở xây dựng tỉnh duah thau, pataom iek piah pok tagok TƯ pasang iek piah daong ka urang buh pren yava ka cách mạng ngak sang daok.

# Piah pandar siam taneh riya, urang ngak, daong urang nong bhum taneh njaom mbak tapen tasik Gò Công tani tanat bruk ngak mbang saong raidiuk, Tiền Giang hu padang bhum pala chuyên canh sơri praong jaik 300ha. Tiền Giang ba tabiak danakdak daong phun  sơri piah ba mbuan lagaih ka phun pala ini patagok tui jalan khang kajap, sangka pandar alamu cong nghe thâm canh piah paglaong năng suất saong baok.  

/ Yaom lac gaok kan kandah kayua halau ia bilan pandiak biak takik, halak halin prai kaik min năng suất vụ padai ini di tỉnh Tiền Giang jeng mek hu labaih 7 tấn sa ha. Tui panuac khan di urang nông dalam tỉnh, năng suất padai mek hu biak glaong kayua langik tasik siam lagaih, taphia di nan urang nông pandar hu siam dom jalan pala drak kayua gah chuyên môn daong, abih di nyu nan lac pandar công nghệ sinh thái angaok mblang hamu.

# Harei 1/6, Chi cục khik ramik  chất lượng kaya nong, kaya glai, kaya ikan tỉnh Bình Thuận hu panuac xử phạt vi phạm hành chính 2 labik ngak saong  chế biến pandap mbang menyum kayua hu pandar phụ gia daok langiu  danh mục brei adat, oh cambaih asal di nyu, ngak jhak tal pren yava di urang blei. Cambaih laih nan lac, labik ngak – pablei salih rabung di amuk Dương Thị Lập (di xã Hàm Trí, huyện Hàm Thuận Bắc) taong phạt 40 triệu đồng saong padheih ngak bruk 2 bilan. Labik ngak  ini hu pandar hóa chất meng tapung racin sambo patih saong sambo kanhik piah tẩy mbon, tram tẩm, ngak ka rabung hu sambo kanhik gheih meta, hadei nan ba nao plaik mối di darak Phan Thiết yaok harei meng 100 tal 120 kg. Labik ngak saradang di amuk Lý Lệ Châu (di phường Đức Long, ban sit Phan Thiết) jeng gaok taong phạt 30 triệu đồng saong brei padheih ngak bruk 2 bilan. Labik ngak  ini  pandar axít photphoric, tapung sambo srau saong saradang mbong piah ngak saradang kanhik, yaok harei pablei tabiak jaik 1 tan saradang di ban sit Phan Thiết. 

Patui di ini dom khau tin dunya:

/ Yaok ribau tuai damuai meda nao tal tòa tháp pasak pablei salih dunya WTC barau di New York, Mỹ, piah jeng dom urang camereip di abih hu maong iek taong abih cảnh ban praong meng angaok glaong yaok rituh mét, tuk đài quan sát angaok tabung tòa tháp peih pabah mbang taduan tuai. Tòa tháp WTC barau hu ngak salah bloh saong peih pabah mbang taduan dom bhap bini camereip di abih meng puac thun 2013. Đài quan át ini hu caik angaok dom tal meng tal 100 tal tal 102 di tòa tháp. Meng labik glaong 380 mét, tuai damuai meda maong iek taong abih cảnh ban New York praong ini.

# Di harei ”dunya oh pakao hala ”(31/5), gah Y tế dunya hu panuac cảnh báo ka bruk kanjaih jhak di pakao hala ngan saong pren yava anek menuac, ieu abih menuac urang, abih di nyu nan lac dom urang nghiện pakao hala brei thau cambaih dom kanyaih jhak di pakao hala saong klak bruk randap njuk pakao hala. Langiu di nan, gah y tế dunya jeng hu panuac ieu dom taneh ia thành viên ba tabiak dom jalan ngak catang piah pakauk pablei salih saong pandar pakao hala lậu. 

/ labaih 680 urang di HQ daok hu cách li hadei di tuk taom gaok  dom urang njom virut ngak jeng hội chứng laka jalan suak yava Trung Đông (ieu lac MERS), chủng virut bhian ngak metai yaok rituh urang di Trung Đông. HQ brei thau hu duah mboh 17 urang njauk virut MERS meng tuk jit rah tabiak di akaok bilan 5. Urang ruak camereip duk iek brei mboh dương tính saong virut MERS hadei di tuk mai veik meng Arập Xêut. Tal urak ini virút MERS ralo meng njom mbak dalam dom urang bhian daok gam saong urang ruak, atau lac  urang y tế iek ruak ka urang ruak akaok meti. Jit MERS tamuh tabiak di thun 2012, ralo meng lac di Arập Xêut. Triệu chứng di urang njauk ruak nan lac pandiak, kan suak yava, laka phổi saong suy thận. Tal urak ini, angaok dunya hu 1167 urang njauk ruak MERS, dalam nan 479 urang metai./.