# Patui veik danak dak mbang nyaom ka 34, page 20-1, Ủy ban Thường vụ Quốc hội brei panuac ka dự án Hukum tổ chức chính quyền puk palei. Tui jalan roh duah, taduan mek panuac di urang Quốc hội, duah thau ilamu di dom negar angaok dunya, Thường trực Ủy ban pháp luật saong jabat dang akaok soạn thảo hu ba tabiak 2 jalan ngak ka bruk tổ chức karja puk palei.    

# Urak ini, dom tỉnh Tây Nguyên hu  33 xã  ngak hu 19 tiêu chí ka padang ngak palei pala barau; dalam nan, tỉnh Lâm Đồng lac labik hu rilo xa ngak hu chuan palei pala barau abih duk saong dom tỉnh karei dalam bhum Tây Nguyên, ngan saong 18 xã.  Thun 2015, dom  tỉnh Tây Nguyên kham merat hu veik meng 40 xã ngak hu 19 tiêu chí di chuẩn palei pala barau saong huyện Đơn Dương (Lâm Đồng) ngak hu chuan huyện palei pala barau akaok mereip di bhum Tây Nguyên.

 # Vụ mùa meng blaoh, bhap bani huyện Tu Mơ Rông, tỉnh Kon Tum,  pala jaik 130 héc-ta bo bo, năng suất hu jaik 32 tạ yaok sa héc- ta. Tui yaom pablei  10.000 đồng sa kg, bhap bani pak ini mek tame hu jien triệu meng janih phun pala ini. Thun ini, mblang taneh pala phun bo bo di puk palei tagok jaik 300 hec-ta, karja meda jak ba dom urang blei tame mboh tangin blei grauk tanat ka bhap bani. 

# Sở Lao động Thương binh saong  Xã hội tỉnh Bình Thuận brei thau, thun ini jien mek tame tuk jaik tet di dom doanh nghiep dalam tinh glaong jang thun dahlau 4,3%.  Dom doanh nghiep hu bayan jien bilan, jien thưởng saong dom janih jien karei sumu ka urang ngak. Tanut thuong tet kuhria rah tapa dalam thun ini di tinh Binh Thuan labaih 5 triệu đồng/sa urang. Kuhria gam lương saong dom janih jien karei, abih tih jien mek tame di urang ngak di dom doanh nghiep dalam tinh tuk Tết Ất Mùi lac labaih 10 triệu đồng/sa urang. Amuk Trần Thị Tuyết Nguyệt – Phó akaok jabat urang ngak, bruk ngak - Sở Lao động Thương binh saong  Xã hội tỉnh Bình Thuận khan lac: jien mek tame di urang ngak dalam dom doanh nghiep ini glaong, kayua dom doanh nghiep peih ngak siam dom quy dinh ka adat hukum urang ngak. Langiu jien tet, dom labik, cong doan daok hu alin ka urang ngak dom paok pandap hu yaom meng 200 tal 300 rabau dong di tuk tet ini.

# Bahrau ini, pak Sang bac Cao đẳng Sư phạm Ninh Thuận (bal sit Khánh Hải, huyện Ninh Hải, tỉnh Ninh Thuận) hu rah tabiak Danak dak “Ba sang bac mai tal anek saih thun 2015”, ngan haong jaik 2.000 anek saih dalam tỉnh hu mbaok. Danak dak kayua Báo Người Lao Động pambuak haong Sở Pato megru Ninh Thuận peih ngak. Ini lac mbang sinh hoạt hướng nghiệp biak hu kein laba, piah pabak brei ka amaik ame saong anek saih tal 12 thau dom adat hukum bahrau dalam mbang palih ruah thun 2015. 

# Peih ngak danakdak “Ngân hàng limo – daong pren saong bhapbini dom huyen kan kathaot, xa bien gioi padang ngak palei pala barau”, barau ini,  Trung ương kapul  chữ thập đỏ Việt Nam pambuak bruk saong Công đoàn jabat rajaei, Gilang pariak  VietinBank, Công ty Miwon Việt Nam peih bruk alin brei limo binai saong pandap tet ka 30 sang kan kathaot di 3 xa bien gioi Tân Hà, Tân Hòa, Suối Ngô di huyen Tân Châu, tỉnh Tây Ninh. Tui bruk ba tabiak, meng ini tal Tết Ất Mùi thun 2015, Trung ương kapul chữ thập đỏ Việt Nam meda pambuak bruk saong puk palei alin 150 drei limo binai tra ka urang kan kathaot 15 xã biên giới daok veik di Tây Ninh.

# Tui kuhria mboh di dom gah chuyên môn di tỉnh Cà Mau, jit cúm menuk ada daok hu jalan tamuh veik saong meda tamuh khang dalam tukvak anak tal. Tok kuhria meng bilan 12/2014 saong meteh bilan 1/2015 hu tamuh veik 2 sruh jit menuk ada dalam xã Tân Phú, huyện Thới Bình. Tỉnh Cà Mau hu ba tabiak dom jalan ngak piah pataom tame ngak dalam tukvak anak tal nan lac: pathau khan praong dalam ka jit ruak menuk ada brei bhap bani thau; paglaong akaok sahneng pacang caga jit ruak; pasang iek veik dom baoh sang raong menuk ada piah klauk jru vắc xin njauk tui adat hukum.  

Khaw tin dunya

# drap ar patak pataom di 1% dom urang meda abih di dunya meda tapa dom drap ar di 99% dom menuac urang daok veik di thun 2016. Nan lac panuac di  Oxfam – kapul lingiu rajaei di dunya dang akaok gah bruk patagok, pacang eik lipa, kathaot rambah saong nhan dao ba tabiak harei 19/1. Panuac nan hu ba tabiak dahlau di nyaom biai yaok thun Diễn đàn Kinh tế dunya  (WEF) mbang yaka 45, tui kuhria hu rah tbaiak meng harei 21 tal 24/1 di Davos (Đa-vốt) Thụy Sĩ.

# Raja-ei Bôlivia bahrau brei thau, kayua langik tasik biak jhak di puac adit blaoh bo dom sang gaok kan kandah kayua glut taneh pak negar ini kuhria meng puac thun bloh tal urak ini tagok tal labaih 10 ribau baoh. Urak ini bruk pasiam veik dom khut khat meng bala di lingik tasik daok hu peih ngak samar.  

# Hadei di sa thun mbaoh tangin tame harak hadar (MOU) ka talei pambuak bruk praong Canada - Israel, Canada ndom lac meda jhul pakhang talei pambuak bruk di dua taneh ia tagok siam jang dalam thun 2015, saong pachreih tui khang ka Israel di dunya. Langiu di nan, panuac di Canada saong Israel hu sanya patagok talei pambuak bruk bhapbini tapa taom gaok, ndom biai nao mai gah  ilimo, khoa học, pato megru saong thể thao.