Khaw tin bair harei 20-3-2015

/ Thủ tướng rajaei njauk hatai ka bruk brei adat roh duah, khai thác patau granit di tỉnh Đắk Lắk song tỉnh Ninh Thuận. Thủ tướng jeng njauk hatai ka bruk brei adat ngak mỏ patau granit Núi Gió, xã Phước Minh, huyện Thuận Nam, tỉnh Ninh Thuận ka công ty khai thác - chế biến khoáng sản Phan Rang. Mintri Tài nguyên song Môi trường dang tabiak, pambuak bruk song dom gah pambuak tal bruk nan, pasang iek, brei adat ka bruk ngak khoáng sản tui njauk quy định di hukum Khoáng sản.

# Jaik 170 rabau urang daok di dom labik taphia mblang kapal ahaok  Biên Hòa, tỉnh Đồng Nai saong mblang kapal ahaok Phù Cát, tỉnh Bình Định urak ini hu tabiak truh bruk mbuan njom mbak jru mek talik kruac /dioxin. Kadha ini hu ba tabiak di nyaom biai pataom iek veik bruk peih ngak danakdak “ xu ly dioxin di dom labik njaom mbak dioxin di Việt Nam” kayua jabat mban tacei pato pakat negar ka bruk pasiam dom khut khat meng jru mek hóa học kayua bol bala Mỹ pandar di  Việt Nam (ieu katut lac duk mban tacei pato 33) saong danakdak patagok  Liên hợp quốc peih ngak pagaiy 19/3 di Hà Nội.  

/ # Đề tài roh duah harum tangin daong ka bruk nao mai pandar cảm biến sóng âm ka urang sup meta di anek saih sang bac  Trung học phổ thông chuyên Lê Hồng Phong ban raya Hồ Chí Minh mek hu giải nhất mbang pakacah ilamu kỹ thuật pakat negar di gah merong negar, hu peih tabiak di Đồng Tháp meng harei 15 tal harei 19/3. Tui quy chế tuyển sinh 2015 di mintri pato megru, thí sinh mek hu giải nhất, nhì ba dalam mbang pakacah ilamu khoa học, kỹ thuật pakat negar, hu bac tamat bloh trung học phổ thông, hu tuyển tapak tame ĐH (giải khuyến khích tuyển tapak tame dom sang bac CĐ) tui njauk ngành atau ngành jiak di janih bo thí sinh nan mek hu giải 

# Sở ilimo padhih saong Du lịch tỉnh Quảng Nam barau taduan mek bằng inem krung sajarah pakat negar ka Khu căn cứ Tỉnh ủy Quảng Nam di xã Tiên Sơn, huyện Tiên Phước; taphia nan peih pakak công trình sang bia saong jalan tame labik can cu saong yaom jien buh tame ngak abih tih jaik 3 tỷ đồng. Ini lac labik can cu mesruh metak puac abih di Tỉnh ủy Quảng Nam tukvak mesruh pacang Mỹ, tukvak 1964 - 1975.

/ Yaom amriak kalu di bhum Đông Nam bộ, labik pala amriak kalu prong abih di taneh ia, jiak 200.000 đồng sa kg. Ni lac bruk bui sambai ka urang nong dalam bhum, kayua tuk vak ni dom urang ngak bein dok tame bilan paik. Yaom tagok glong kayua bilan amriak kalu thun 2015, dom taneh ia pala amriak kalu oh njauk, nan ye patrun sản lượng dut song kuhria mboh dahlau di Hiệp hội amriak kalu dunya 

# Tui ông Trần Tuấn An – Phó akaok uy mban bhapbini xã Long Phú, huyện Long Mỹ, bruk hu menuac mai puk palei blei hala phun kandiuk di bhapbini rah tabiak hu labaih 10 harei tapa. Tuk camereip, hala kandiuk that hu urang blei yaom meng 5 rabau tal 7 rabau dong sa kg, min urak ini tagok 10 tal 15 rabau dong sa kg. Meyah hala kandiuk pambu thu hu yaom meng 30 tal 45 rabau dong sa kg. Anak bruk ini, karja palei daok pataom tame pathau khan dalam saong kakei mikva jhui mboh kein laba di anak meta bo pablei hala kandiuk piah plaih dom kanjaih jhak harei hadei, saong daok duah thau cambaih makna blei hala kandiuk di dom urang ini.

/ Harei dunya Haniem phul (20-3) thun ni jeng daok hu angan “Anit ranam song klah rabha” ngan song rilo bruk ngak hu rah tabiak dalam luac bilan 3. Mbang tabung glong pahadar harei dunya haniem phul nan lac adit haniem phul rah tabiak meng harei 16 tal harei 23/3 ngan song rilo bruk pagam tal bruk pahadar 40 thun peih paha gah merong negar, yasa taneh ia (30-4-1975 - 30-4-2015).

Khaw tin dunya

# Rija y-ô-ga (yoga) chreih chrai barau rah tabiak di Lamu, ban mengkan lavik rai abih di Kê-ni-a (Kenya), oh lac daong ka bhapbini pak ini yaih khan gah du lich di puk palei bo daok  peih tabiak jalan ka urang halei takre duah thau ka bhum taneh hu UNESCO brei angan lac inem krung ilimo di dunya ini. Mban peih ngak rija caong lac, bruk ini meda pachreih hu dak harei dak rilo jang urang mai tal Lamu piah maong dom ilamu mengkan di labik ini.

/ Meng harei 13 tal 15/4 yaok thun, tuai damuai mai tal tHái Lan hu ba drei tame bruk chreih chrai di angaok jalan bak menuac piah hu mbaok tame rija thik ia biak bui sambai. Meng hatai sahaneng lac ia nyu rao hacih dom bruk  kanyah jak, ba mai patuah jamo./.  

#   Philippines barau pok tài liệu hu pabak veik hu 3.000 blah tagok Tòa Trọng tài thường trực, pakhang hồ sơ  yak bak Trung Quốc ka bruk biển Đông. Urang brei panuac di mintri Ngoại giao Philippines Charles Jose brei thau, bruk ngak ini piah langyah dom tavak tavaiy ka dom yaom glaong dalam labik dang di Philippines. Tòa án ba tabiak tukvak puac abih lac harei 16/6 ka  Trung Quốc phản biện dom harak barau kayua Philippines barau pok tagok saong tukvak ginum biai hu peih tabiak meng akaok di bilan 7.