Khaw tin bair harei 20-4-2015

/Page 20/4, di mblang bein sajarah – ilamu ban raya Hồ Chí Minh hu rah tabiak bruk peih mbaok padang ngak đền thờ Lễ Thành hầu Nguyễn Hữu Cảnh.  Mai pataom mbaok, hu ong Lê Thanh Hải - Ủy viên Bộ Chính trị, Bí thư Thành ủy ban raya.  Đền thờ Lễ thành hầu Nguyễn Hữu Cảnh lac sa dalam dom bruk ngak piah salam uan bruk pahadar 40 thun peih paha gah meraong, yasa taneh ia 30/4/1975 – 30/4/2015. Đền thờ hu padang ngak tui kiến trúc meng kan di urang Việt, ngak meng kayau, nền saong tabung tauk kiak. Abih tih jien buh tame ngak lac 82 tỷ đồng. Brei panuac di tuk nan, ong Lê Hoàng Quân , akaok UB bhap bini ban raya HCM lac: “Bruk padang ngak Đền thờ Lễ thành hầu Nguyễn Hữu Cảnh ndung bak makna biak dalam ka bruk tự hào bangsa, menyum ia hadar halau ia, hadar dar phor di muk kei dalam bruk dak padang taneh ia. Meng nan, jhul khang bruk pathau khan, pato pakai sajarah ilamu, ngak brei medeih tagok hatai tự hào bangsa ka dom rai rah, abih di nyu nan lac rai rah dam dara) 

/Kreih bilan 4, mBan khik ramik Dự án “Jhul khang salih bahrau tapa roh duah ilamu saong công nghệ”(FIRST) di Mintri Khoa học saong công nghệ hu peih ginum biai haong dom trí thức Việt Kiều di Nhật Bản piah yaih khan Dự án, peih bruk roh duah dak padang saong ngak iek dom sarak dui pachreih dom chuyên gia naih joi taneh ia lingiu dalam nan hu urang Việt Nam daok di negar lingiu mai ngak bruk.. Dự án “Jhul khang salih bahrau tapa roh duah ilamu saong công nghệ”(FIRST) meng harei  23/10/2013 saong tamat di harei  30/06/2019 saong yaom jien buh tame ngak tal  110 triệu đô la Mỹ.

/Mintri Y tế bahrau hu Công điện payua akaok Ủy ban bhap bini tỉnh, ban pandar patagok bruk pacang caga ruak pandiak tabiak darah. Mintri Y tế caong akaok UB bhap bini dom tỉnh, ban sangka tacei pato Sở Y tế tacei tabiak dom labik praong, bhum mbuan hu jit ruak tamuh tabiak piah hu jalan langyah khang saong khik caga ginup pren yava ka bruk pacang caga ruak pandiak tabiak darah.… 

/Piah daong ka bhap bini xã Nam Du, huyện pulao Kiên Hải, tỉnh Kiên Giang hu pandap piah padang ia pandar yaok harei, kapul Hành trình yêu thương – ban raya Hồ Chí Minh peih bruk alin hadiah 36 bồn padang ia janih 500 lít (yaok bồn yaom 1.200.000 đồng), brei ka 36 baoh sang daok di palei Hòn Mấu, xã pulao Nam Du. Bruk alin hadiah bồn padang ia tapa piah daong ka mikva daok di xã pulao hu pandap khik piah ia tuk bilan hajan jaik tal.

/Harei 19/04  di ban sit Cần Thơ,  Khu du lịch sinh thái Lung Cột Cầu praong labaih 7 ha hu peih tabiak.  Ini lac labik du lịch kayua Công ty Trách nhiệm hữu hạn Thương mại- Dịch vụ- Du lịch Nguyễn Phạm pataom tame ngak meng rilo thun tapa. Dahlau di tuk jeng labik du lịch, Lung Cột Cầu jeng pachreih hu rilo urang roh duah, dom văn nghệ sĩ, tuai damuai mai rivang iek, roh duah, sáng tác kayua labik ini hu xác định lac  di chỉ văn hóa Óc Eo .

/Tapa tukvak kham merat pataom blei, tal urak ini 10 doanh nghiệp dalam tỉnh Tiền Giang ngak hu bloh bruk blei khik piah brah tui Quyết định 241 di Thủ tướng Rajaei. Tui nan, dom doanh nghiệp blei khik piah hu 91.000 tấn kuhria tabiak brah, ginup tui tanut ba tabiak. Bruk blei khik piah padai brah di Chính phủ hu pambak siam tal bruk yaom kaom, darak pasar, taong abih dom doanh nghiệp hu ginup pren blei khik piah njauk tui tanut ba tabiak, rik daong ka urang ngak padai hu laba labaih 30%. 

/Daok sa adit tra , di ban sit Đà Nẵng hu rah tabiak bruk parang iek pháo bingu pakat dunya Đà Nẵng 2015 (DIFC 2015) ngan saong kadha “Đà Nẵng - Bản giao hưởng sắc màu”. Lingiu kapul pô sang Đà Nẵng - Việt Nam, DIFC 2015 daok hu mbaok dom kapul Fireworks for Africa (Nam Phi), Pyrotecnico (Hoa Kỳ), Howard & Son Fireworks (Australia) saong Surex Firma Rodzinna (Ba Lan). Yau nan, di DIFC 2015 hu lambaok di abih 5 châu lục (Á, Âu, Mỹ, Phi saong Úc) pakacah gauk.

Tin thế giới

# Jabat khí tượng Nhật Bản brei thau, sa mbang megei baoh taneh khang 6,8 độ ríchte rah tabiak di page harei 20/4 pak bhum tasik jaik pulao Okinawa (Ô-ki-na-oa), gah meraong negar Nhật Bản, saong Pulao Đài Loan (Trung Quốc). Mbang megei baoh taneh rah tabiak jaik 10h43' page (tukvak puk palei), nan lac 8h43' page (tuk Việt Nam), jaik pulao Y onaguni (Y-ô-na-gu-ni) dalam Okinawa. Jabat khí tượng Nhật Bản hu ba tabiak panuac cảnh báo meda hu riyak prong jaik 1m pak bhum tasik ini.

/ Harei 19/4 yaok ribau urang pak bal ine Manila, Philippin hu mbaok dalam bruk ndik radaih juak piah jak ba ka sa bầu không khí siam mekre jang, dahlau di sự kiện harei Baoh taneh 22 bilan Pak. Dom urang hu mbaok juak radaih angaok canah jalan atah 15 mbaik cây số, tapa dom khu thương mại saong jalan cao tốc, piah pok sap iew bhap bani paglaong akaok saneng ka môi trường, taphia di nan caong khin hu jang sa jalan brei ka urang ndik radaih juak.

/Dom chuyên gia pak Hàn Quốc hu patagok “khan bai thông minh” meda pabaki điện năng ka dom thiết bị công nghệ. Tui dom urang roh duah, meyah dom janih khan bai thông minh ini hu ngak tabiak  rilo, urang blei pandar meda sạc điện thoại saong dom thiết bị karei tuk buh tame kadung khan ao./.