# Page harei 21-1, ala bruk tacei ba di Akaok Quốc hội Nguyễn Sinh Hùng, Ủy ban Thường vụ Quốc hội talaih tamat mbang nyaom ka 34. Rah tabiak dalam jaik 3 harei, mbang nyaom ka 34 di Ủy ban Thường vụ Quốc hội hu ngak salah blaoh danak dak ngak bruk. Dalam mbang nyaom ini, Ủy ban Thường vụ Quốc hội hu caik rilo tukvak ka bruk padang ngak hukumngan saong bruk brei panuac ka dom kadha prong di dự án Hukum nghĩa vụ quân sự (pasiam veik); Hukum bruk ngak pasang iek di Quốc hội saong Hội đồng bhap bani; Hukum tổ chức kaja palei; Hukum tổ chức raja-ei (pasiam veik). Dom panuac ndom pak mbang nyaom meda hu Ban soạn thảo saong dom jabat thẩm tra pambuak guak taduan mek saong peih ngak

 

# Mintri pato megru brei thau, tapa labaih sa bilan brei thau  dự thảo Quy chế tuyển sinh đại học, cao đẳng saong Quy chế peih mbang pakacah  trung học phổ thông pakat negar, Ban soạn thảo taduan mek hu rilo panuac rik daong di xã hội. Tui kuhria dalam bilan 2 meda ba tabiak dua quy che ini, dahlau di tuk thi sinh tut ngan tame mbang pakacah trung học phổ thông pakat negar thun 2015. Thứ trưởng Bùi Văn Ga ndom lac :Tui kuhria dalam bilan 2 ini, mintri brei ngak pasiam quy che, dalam nan hu quy che pakacah tốt nghiệp trung học phổ thông pakat negar saong quy chế tuyển sinh đại học cao đẳng saong patabiak .)

# Sa sruh gilai ikan di urang taong ikan huyện đảo Phú Quý, tỉnh Bình Thuận bahrau njauk riyak prong taong karam atah di pulao jaik 11 hải lý. Sruh gilai njauk bala hu công suất 33CV kayua sa-ai Nguyễn Thướng (menek thun 1985, daok di xã Ngũ Phụng) ngak po. Mac bộ đàm, định vị gam haong ralo trang thiết bị karei angaok kapal njauk riyak ba tatheik. Angaok gilai hu labaih 200 triệu đồng, njauk khat lahik jaik meteh. Lambaok raja-ei puk pakei hu mai rivang saong pachreih ba dom baoh sang hu gilai njauk bala.

 

# Tổng Công ty khak drak saong Hóa chất Dầu khí daok peih ngak danakdak alin pandap tet ka jaik 10 rabau sang kan kandah di 40 tinh, ban dalam taneh ia ngan saong yaom jien abih tih jaik 5 ty dong. Danakdak hu angan “ bui sambai tet haong Phu My” hu peih tabiak ngak meng kreh bilan 1 tal harei 10/2/2015 di jaik 100 xa diem di 40 tinh ban dalam taneh ia. Urang hu taduan mek pandap tet lac dom sang kan kandah, sang sarak, thuong benh binh, urang ba pren yava ka cach mang, urang njauk jru mek kalik kruac. Yaom yaok pok pandap lac 500 rabau dong ( dalam nan hu pandap mbang menyum pandar ka harei tet saong jien)

# Page harei 21/1, Muyim bal Cần Thơ peih parang iek rup thaot hu angan “Đảng Cộng sản Việt Nam – dom mùa xuân dak rai sajarah” saong parang iek hu angan “Adat cambat tanarakun uan raok tết bal Cần Thơ”. Mbang parang iek peih pabah mbang duh ka bhqap bini meng ini tal abih bilan pak saong lac sa bruk ngak biak siam piah salam uan 85 thun Harei padang Đảng, uan raok xuân Ất Mùi 2015. Hu 100 tư liệu thaot binguk Parang iek hu angan “Đảng Cộng sản Việt Nam – dom mùa xuân dak rai sajarah” saong 160 thaot binguk, pandap panda ka adat hukum uran raok tết di klau bangsa Kinh, Hoa, Khmer angaok địa bàn; bruk giao thoa ilamo dalam tukvak dak padang rai diuk.

 

# Di mbang nyaom pataom iek veik thun, pagaiy 21/1, ông Trần Lam, akaok kapul Bảo trợ urang ruak kan kathaot tỉnh Kiên Giang brei thau : thun bloh yaom lac kinh te daok kan kandah, min tui jalan anit ranam “ hala siam tapaok hala taik”, dom doanh nghiep saong kapul nyaom, menuac urang dalam saong langiu taneh ia hu daong jaik 60 ty dong. Meng nan, kapul  Bảo trợ urang ruak kan kathaot Kiên Giang ngak hu taong abih dom bruk ba tbiak dalam thun 2014. Tapa nan, jaik 1.600 urang sup meta sang kan kathaot hu hadah meta veik, 47 uranaih hu blaic raih tim bam sinh saoh saong 79 adei saai urang kamei kan kathaot hu blaic raih ruak nan y saoh; padang labaih 40 baok sang ka urang kan kathaot saong 40 mbaik tatua di palei pala.

 

 # Ban An toàn giao thông tỉnh Đồng Tháp ba tabiak bruk lac, kham merat dalam thun 2015 meda patrun takik abih 5% daalam taong abih 3 tiêu chí njauk bala angaok jalan mbak nao mai. Taphia di nan, Ban an toàn giao thông tỉnh ini iew dom sở, ban ngành, kapul nyaom saong raja-ei puk palei dom pakat, dom doanh nghiệp saong bhap bani dalam tỉnh gam tame cuộc; pataom tame peih ngak samar haong gauk, catang saong cambaih laih dom jalan ngak piah kiềm chế, patrun bala angaok jalan mbak nao mai tui bruk ba tabiak. Dalam nan hu peih ngak catang “Thun an toàn giao thông ngan haong kadha “pakajap bruk khik iek pablei salih bruk pajeng ba saong pasang iek trọng phương tiện” ngan haong mục tiêu “Tính mạng anek manuac nan lac njauk sangka dahlau di abih.

 

Patui di ini lac khaw tin dunya

 

# 9 tuk pagaiy 21/01 – tui tuk Việt Nam, Tổng thống Mỹ Ba-rắc Ô-ba-ma (Barack Obama) hu puac harak Thông điệp Liên bang thun 2015 anak 2 viện Quốc hội Mỹ. Thông điệp Liên bang thun ini hu rilo chính giới saong dư luận Mỹ daok cang kayua ini lac mbang akaok meti Tổng thống Ô-ba-ma patahu khan dom jalan ngak saong dom sarak di rajaei anak  Quốc hội kayua đảng Cộng hòa toàn quyền pasangiek.  Asal kadha praong di thông điệp liên bang bo ong Ô-ba-ma ndom tal dalam thun ini lac “ kinh te di tầng lớp trung lưu” saong ini jeng lac asal kadha hu ong ba tbaiak dlam dom panuac akaok meti di thông điệp liên bang 2015.   

# Bahrau blaoh, Đại sứ đặc mệnh toàn quyền negar drei pak Liên bang Nga Nguyễn Thanh Sơn hu van ngak bruk haong Thống đốc tỉnh Moskva, ong Andrey Vorobiov (An-đơ-rây Va-ra-bi-ốp) piah ginum biai dom kadha patagok bruk ngak mbang pablei salih saong buh jien tame ngak mbang di dua negar. Tapa nan, Đại sứ Nguyễn Thanh Sơn hu pok panuac da-a ong Thống đốc Andrey Vorobiov samar  mai rivang Việt Nam, ngak bruk haong bal raya Hồ Chí Minh piah mboh tangin tame harak pambuak bruk ngan haong puk palei gam haong dom công ty Việt Nam caong khin hu buh jien tame ngak mbang di Nga piah thau hatai caong khin,  điều kiện saong khả năng pambuak bruk .

 

          # Jabat Du lịch Nhật Bản (JATA) barau brei thau, tuai damuai taneh ia langiu mai tal Nhat Ban thun 2014 hu biak rilo di abih, labaih 13 triệu mbang urang, rilo jang 3 triệu mbang duk saong dom bilan ini thun 2013 ( 10 trieu mbang) kayua jien Yen lap saong sarak ngak cadu thị thực bo rajaei taneh ia ini  ba pandar.