# Page harei 22/1, pak Phủ Chủ tịch, akaok negar Trương Tấn Sang hu taduan raok Phaok Thủ tướng Lào Somsavad Lengsavath (Xổm-xa-vạt Lềnh-xa-vắt) gam haong Kapul urang lambaok Lào daok rivang saong ngak bruk pak negar drei. Akaok negar hu panuac lac: Piah jhul pakhang talei pambuak bruk, jabat hu pambuak pagam tal di dua negar njauk samar peih talaih dom tavak tave, cuang kandah gah pablei salih, patui veik pambuak bruk roh duah, ba tabiak cơ chế, sarak piah langyah dom kan kandah, tavak tave piah jhul pakhang jang bruk pambuak gauk gah kinh tế, pablei salih, buh jien tame ngak mbang di dua negar. Dom dự án prong brei samar hu peih ngak, khik njauk tui bruk ba tabiak piah salam uan dom kadha prong di dua taneh aia dalam thun 2015.

 # Meng 16 tuk bair harei kabroi 21/1, yaom xang menhek trun khang, trun hu 1.900 đồng/lít. Ini lac mbang ka 2 yaom xang menhek trun khang dalam 30 harei. Dalam labaih 20 harei akaok thun barau 2015, yaom xang trun hu dua mbang. Yau nan, xăng RON 92 yaom 15.677 đồng/lít; menhek dieezen 0,05S yaom 15.179 đồng/lít; menhek truac yaom 15.620 đồng/lít; menhek madút 180CST 3,5S  yaom 11.856 đồng/kg.

# “mBan Agama Raja-ei njauk samar thau bruk tamuh tabiak meng puk palei, abih di nyu lac pak dom labik pandiak ka agama, pagam pambak tame bruk daong di dom chức sắc, urang hu angan je dak piah langyah dom kadha agama”. Ủy viên Bộ Chính trị, Phaok Thủ tướng Nguyễn Xuân Phúc hu panuac ndom yau nan pak nyaom biai pataom iek veik bruk khik iek gah Karja ka agama thun 2014, peih tabiak jalan ngak ka thun 2015 pagam haong taong yaom dom bruk ngak hu dalam 10 thun peih ngak Sarak Trung ương 7 khóa IX ka bruk ngak agama vaktu 2003-2013, hu peih tabiak di page harei 22/1 pak Hà Nội.

# Pagaiy 21/1, mintri Y tế hu peih nyaom biai tapak haong 63 tỉnh ban patabiak bruk y te thun 2015 saong jalan ngak tukvak 2016 – 2020. Mai pataom mbaok saong brei panuac tacei pato di nyaom biai, hu Phó Thủ tướng Vũ Đức Đam.   Thun 2015, gah y te ba tbiak 12 danakdak ngak bruk praong, dalam nan praong di abih lac jhul samal bruk padang ngak sang iek ruak, parabha kadung jien saong pandar 15%  yaom jien iek ruak piah buh tame ngak pasiam labik iek ruak, parilo laneing ruak, rik daong  trun takik bruk urang ruak njauk ndih pagam; jhul khang bruk ngak di jalan talei pandiak, ramik pasiam palagaih thủ tục iek ruak. Phó thủ tướng pandar gah y te njauk ngak siam jang bruk iek ruak, pabak tanut taong yaom sang iek ruak saong tacei pato iek ruak, jhul khang cải cách hành chính saong khang jang dalam bruk giảm tải sang iek ruak. Phó Thủ tướng Vũ Đức Đam ndom lac :“Dahlak caong kol drei iek veik dom makna chủ quan (oh njauk pambuak tal bruk kurang jien đầu tư) bo ba tal quá tải. Pagap ye, bruk kan kandah dalam bayan bao hiem, bruk  xã hội hóa, bruk daom sang iek ruak oh ginum biai haong gauk hu ngak ka urang ruak njauk iek ruak rilo jang, iek nao iek mai..dom makna oh njauk lac kayua kurang jien, dom bruk kol drei meda ngak hu piah trun takik lac njauk pataom tame peih ngak khang saong njauk ngak meng dom chỉ tiêu biak cambaih piah ba tbaiak khan haong bhapbini.

# Tui bruk ba tabiak, Harei pataom Tết Nguyên đán Ất Mùi, bal sit Hội An meda hu ralo mbang parang me-in di dom mban nhạc negar langiu saong ban nhạc bangsa di Hội An. Bal jeng hu peih ngak ralo Harei pataom, Nyaom pakacah yau “Sắc Xuân tuổi trẻ”, “Hội ngộ văn nghệ Hội An”; Hội tết pala phun, pakacah ghe gilai meng kan; nyaom pakacah trang trí “Salam thun bahrau 2015 – Raok Xuân Ất Mùi - Uan Đảng qhadah hadai”. Ralo bruk ngak uan raok Tết hu peih tabiak meng harei 24, bilan Mat. 

 # Di ban raya Hồ Chí Minh, bair harei kabroi 21/1, Uỷ ban An toàn Giao thông negar pambuak bruk saong  Cục Hàng không Việt Nam peih ginum biai: ilimo hàng không. Ông Khuất Việt Hùng, Phó akaok Uỷ ban An toàn Giao thông negar ndom lac : brk khik caga an toàn hàng không saong dak padang ilimo tuk halei jeng lac trách nhiệm saong bruk praong dang akaok di dom gah chức trách hàng không haong di dom labik dalam ngành. Uỷ ban An toàn Giao thông negar meda brei padang bruk paglaong akaok sahaneng ka ilimo  an toàn hàng không tukvak 2015 – 2020, yam tagok tal dom bruk ngak “ oh hu bruk suan halei lac suan sit, sa bruk njauk bala lac biak rilo” haong oh tự mãn, chủ quan, oh thoả hiệp ka an toàn hàng không kayua makna halei nan.

 # Ngan haong kadha “Gru jru ranaih Đắc Lắc halar hatian nao dahlau kayua pren yava di bhap bani”, thun blaoh, Kapul gru jru ranaih tỉnh Đắc Lắc peih ngak hu 33 mbang nao kayua pren yava di bhap bani tal dom bhum palei kan kandah dalam tỉnh. Gam haong nan, kapul hu alin brei yaok rituh pok pandap ka dom baoh sang biak kan kandah; brei pok jien bac ka anek saih kan kathaot bac jioy, uranaih jaoh jo, tui yaom jien abih tih jaik 1,4 tỷ đồng.

Khaw tin dunya

# Bair harei  21/1, di pasak nyaom biai dunya, uy mban 2 rajaei  Việt Nam – Lào peih mbang nyaom yaka 37.  Tamat mbang nyaom, dua gah hu njauk gauk mbaoh tamgin tame Hiệp định ka talei pambuak bruk dua gah thun 2015 saong harak mbang nyaom yaka 37. Dua gah hu brei thau hatai kham merat pambuak bruk peih ngak dom van kien ini di tukvak tal, gam pamaong tal bruk paglaong saong khik kajap talei pambuak bruk siam mekre meng kan saong jum pataom Việt Nam-Lào. Duah gah njauk hatai gauk Salih angan  Ủy ban 2 rajaei pambuak bruk kinh te, ilimo saong kỹ thuật di dua taneh ia jeng Ủy ban 2 rajaei ka talei pambuak bruk dua gah di rajaei Việt Nam saong rajaei taneh ia Cộng hòa Dân chủ bhapbini Lào.

 # Piah daong paglaong rai diuk ka dom urang jaoh jo di tangin, bahrau ini, 1 công ty di Ác-hen-ti-na hu meyaih khan sa janih tangin sinh học, meda langyah hu tín hiệu thần kinh tapa xung điện, daong ka urang pandar ngak bruk hu mbuan jang saong samar jang. Taphia di nan, meng hu bruk daong di kadung jien karja, janih tangin ini hu yaom samu meteh yaom dom janih pandap dreih yau nan. 

# Thủ tướng Pháp Ma-nu-en Van (Manuel Valls) harei 21/1 brei thau, taneh ia ini meda buh tabiak 425 triệu ơrô ka kapul an ninh piah pacang cakak dom mbang taong khủng bố rah tabiak di taneh ia Pháp saong brei parilo urang an ninh barau iek gah pacang caga Hồi giáo cực đoan. Bruk ngak ini di Pháp ba tbaiak dua adit hadei mbang taong khủng bố saong cap mek con tin di ban Paris, ngak 17 urang metai.