Khaw tin bair harei 22-4-2015

# Tukvak pahadar 40 thun harei peih paha gah Meraong, yasa taneh aia, page harei 21/4, Muyim Quân khu 9, tỉnh Cần Thơ hu peih parang iek “Jayak bilan xuân 1975 – Pren khang Việt Nam”. Labaih 200 thaot binguk, pandap panda, harak ba-ar brei thau ka dom canah jalan mesreh metak oanh liệt di bol lin saong bhap bani drei dalam mbang mesreh metak pacang cakak Mỹ daong taneh aia bo tabung glaong nan lac chiến dịch Hồ Chí Minh dak rai sajarah hu parang tabiak saong meyaih khan pak mbang parang iek ini.   

# Anak bruk pandiak bhang tua riya ngak khat trak, uy mban bhapbini Tỉnh Gia Lai tabiak quyet dinh brei thau lac tua riya saong pandar dom pakat karja puk palei saong dom gah chuc nang paglaong dom bruk pacang tua riya ka dom janih phun pala. Tinh jeng daok pandar cơ chế, sarak daong pajaih phun pala, kaya raong, kaya iaka dalam ia piah ramik pasiam pala drak di bhum gaok tua riya. Kuhria tal tukvak ini, dalam tỉnh khat lahik kayua tua riya labaih 85 tỷ đồng ngan saong jaik 7.000 ha phun pala dom janih. 

# kuhria meng harei tabiak mbaok ngak iek Nghiệp đoàn nghề ikan xã An Hải, huyện huyện Lý Sơn, 4 thun tapa tỉnh Quảng Ngãi padang hu 9 nghiệp đoàn nghề ikan ngan haong jaik 4.200 đoàn viên di 94 tổ nghiệp đoàn. Tal urak ini, dom nghiệp đoàn hu jak ba urang dalam kapul nyaom nao tasik tui tổ, đội piah taong mek ikan, patrun phun jien buh tame, patagok jien mek tame ka urang taong ikan. Ong Nguyễn Quốc Chinh, Akaok Nghiệp đoàn nghề ikan xã An Hải, huyện Lý Sơn, tỉnh Quảng Ngãi brei thau: Tuk hu nghiệp đoàn ye manauc urang drei daong gauk angaok tasik, oh kuhri kuhria hagait daok hu tukvak piah taong ikan, patrun phun jien buh tame, patagok yaom jien mek tame ka yaok mbang nao tasik... nan ye thun hadei glaong jang thun dahlau, saong langyah hu rai diuk ka urang taong ikan tapa truh kan kathaot. Khaol dahlak saneng lac nghiệp đoàn nan lac baoh tatua pambuak pagam  Đảng, Karja saong urang taong ikan sahanang hatai nao tasik).

# Harei 22/4, pasak khik ramik inem mek Cố đô Huế hu peih bruk brei thau adit ameh Du lịch di inem krung Huế mbang 1 thun 2015 rah tabiak meng harei 22 tal 28/4. Ini lac bruk ngak piah pachreih tui danakdak kích cầu du lịch nội địa thun 2015 di mintri ilimo, padhih saong du lich salam uan pahadar 40 thun yasa taneh ia (30/4/1975 - 30/4/2015) saong uan raok Festival palei ngak mengkan Huế thun 2015 (28/4 - 2/5/2015) . 

# Harei 21/4, 3 chuyên gia mai meng Thái Lan pambuak haong Pasak khik iek lamen Đắc Lắc peih bruk blac raih palak takai iew ka drei lamen glai njauk balong, hu daong ba mai sang atah di ini 2 bilan. Harei 19 bilan 2 thun ini, pak labik glai pacang caga Buôn Đôn, urang jakar pasak khik iek lamen Đắc Lắc duah mboh sa drei lamen tano umo jaik 5 thun daok njauk rambuis palak takai anak gah iew, vòi njauk klaih gân; nan lac nyu meda njauk balong.  

# Piah paglaong yaom ndiuk đặc sản, peih tabiak jalan ka urang nong pala ndiuk paglaong jien mek tame, patagok kein laba. Barau ini, tỉnh An Giang  daok peih ngak veik tukvak 2 danakdak chuỗi pambuak bruk pala drak saong pablei ndiuk đặc sản di angaok taneh praong 1.200 ha. Bruk ngak nan dalam tukvak tapa hu patagok siam labik dang di Hợp tác xã, khik kajap talei pambuak bruk di urang nong saong HTX, di HTX  saong doanh nghiep.

# Jaik ini, kayua kein laba kinh tế glaong nan ye urang pala phun thanh long mek tame hu kein laba prong nan ye urang nong tỉnh Tiền Giang peih prong mblang taneh tabiak jaik 5.000 ha phun thanh long pablei baoh. Jaik abih dom baoh sang hu pandar mblang taneh ngak padai piah salih tapa pala thanh long. Bruk cakrol patagok mblang taneh phun thanh long langiu di quy hoạch meda patrun mblang taneh padai; pambak tal asal khang kajap suai lavik di janih phun ini “tuk cung tapa cầu” saong chất lượng, năng suất baoh thanh long trun kayua hệ thống cơ sở hạ tầng abih di nyu lac điện saong aia oh ka pabak hu... Urak in raja-ei saong gah chức năng puk palei daok pandik akaok anak bruk urang nong peih prong mblang taneh pala thanh long.

Khaw tin dunya

# yaok pluh baok khủng long hóa thạch barau duah mboh di sa công trường di tỉnh Quảng Đông, gah meraong Trung Quốc. Dom urang roh duah di ban Hà Nguyên puac adit blaoh khai quật hu sa sruh hu 43 baok khủng long hóa thạch di sa cong truong bo 19 baok  hóa thạch dalam nan jeng daok tamo. Dom mẫu hóa thạch ini barau hu ba nao tal miunyim khủng long di ban Hà Nguyên piah duh ka bruk khik ramik saong roh dauh.

 # Harei 21/4, Kapul HAITE di Trung Quốc hu peih pakak saong ba tame pandar sa pasak pato tacei hàng không praong-bahrau di abih angaok dunya ngan haong phun jien padang ngak tagok tal 73 triệu đô la Mỹ pak Singapore. Ini lac labik pato pakai akaok meti bo HAITE đầu tư langiu bhum taneh Trung Quốc saong daok caong khin meda hu ralo urang mai bac peih kapal haok di dom hãng kapal haok mai meng dom taneh aia dalam bhum taneh Đông Nam Á. 

# Luống bingu tulip praong abih di dunya hu ngak dreih yau sa blah thảm mengkan di Thổ Nhĩ Kỳ, daok pachreih yaok rabau tuai du lịch mai maong di lễ hội bingu Tulip pakat dunya Ixtanbun (Istanbul) mbang yaka  10  daok rah tabiak. Harei pataom bingu Tulip di Ixtanbun dui atah jaik 1 bilan, peih pakak harei 11/4 meng blaoh, lac labik pataom jaik 3 triệu bingu Tulip rilo ban sambo ngan saong labaih 250 janih karei di gauk.