# Tui pathau khan di Cục Chế biến kaya nong, kaya glai, kaya ikan saong bruk ngak sara, pandap mbang menyum dalam taneh aia hu biak ralo, hu janih raong dalam dom adit jaik di ini mboh ralo jang bruk blei mbang. Tui urang lambaok Cục Raong glang, meyah meng ini tal Tết Nguyên đán, bruk caga, pacang jit ruak saong pacang la-ar ka anek athur raong, menuk ada hu peih ngak siam, ye rilo ngak tabiak dalam taneh aia pabak hu hatai caong khin blei pandar dalam negar.

# Sở Thông tin saong Truyền thông ban sit Đà Nẵng barau peih bruk  alin giai pakacah trình diễn pháo bingu angaok máy tính thun 2014. Hu thau, giải sa brei ka tác phẩm “Phù Đổng Thiên Vương” di Trần Anh Tuấn, sinh viên sang bac Đại học Duy Tân, Đà Nẵng; giải nhì ka tác phẩm “Umo ranaih gam saong thun bilan” di kapul sinh viên sang bac Đại học Duy Tân.

# Page harei 22/1, Hội Chữ thập đỏ tỉnh Phú Yên pambuak haong Công ty cổ phần khak drak saong Hóa chất dầu khí Miền Trung peih ngak danak dak “Uan raok tết gam haong Phú Mỹ” brei ka bhap bani bangsa takik xã Đa Lộc, huyện Đồng Xuân. 100 baoh sang kathaot, urang njaom jru mek kalik kruac dioxxin saong baoh sang sarak karja taduan hu pandap Tết. Yaok pok pandap hu yaom 500.000 đồng dalam nan hu jien saong dom pandap panda kaya mbang dalam harei Tết.

 # Liên hiệp hợp tác xã pablei salih ban raya Hồ Chí Minh (SaiGon Co.op) barau brei tabiak danakdak “Tết Việt pambuak pagam yaok baoh sang” thun 2015.  Dalam nan, bruk ngak praong abih di  Tết Ất Mùi lac brei saoh yot pandap tet ka urang blei di 38 tỉnh, ban dalam taneh ia. Taphia nan, SaiGon Co.op hu peih labaih 140 labik pablei pandap luu dong khik kajap yaom ka urang ngak di dom labik chế xuất, khu công nghiệp saong dom huyen langiu ban raya. Tet ini, SaiGon Co.op jeng paglaong bruk khik caga an toan hacih saat pandap mbang menyum saong sanya oh tagok yaom pandap ngak mbang ngak huak.

# Ban tacei pato Tây Nam Bộ bahrau brei thau danak dak “Adit rivang ma-in hijao bhum taneran kraong Cửu Long” meda rah tabiak pak bal Cần Thơ meng harei 19- 25/6.  6 kadha praong meda hu peih ngak dalam tukvak ini nan lac: nyaom pataom, ginum biai, nyaom darak khan brei thau ka pren khang gah rivang ma-in bhum taneran kraong Cửu Long; xúc tiến đầu tư dalam gah du lịch hijao, duah jalan pambuak bruk, patagok bruk rivang ma-in di dom puk palei dalam bhum. Tui kuhria phun jien peih ngak “Adit rivang ma-in hijao bhum taneran kraong Cửu Long" abih 10 tỷ đồng meng phun jien xã hội hoá, ieu pataom, jak ba.

# Raok tet Nguyên đán Ất Mùi, Nhà xuất bản Kim Đồng hu yaih khan tal dom uranaih bộ tapuk “Lễ tết palei negar”. Bộ tapuk 5 baoh “ Ông trẳng ông trăng”, “Mí đi xông đất”, “Bánh trắng bánh tròn”, “Con sâu kì lạ”, “Tạm biệt chép vàng”. 5 baoh tapuk, 5 dalikan khan ka sự tích di dom harei Tết meng kan di bangsa drei ye : Tết Nguyên đán, Tết Trung thu, Tết Bánh trôi bánh chay, Tết Ông Táo, Tết Đoan ngọ.

 # Dalam tukvak tabung glaong Tết (meng harei 8-2 tal harei 8-3-2015), dom sang ga dalam negar meda patagok manuac urang daong oh mek jien ngan haong tuai damuai nan lac urang kamei metian, hu uranaih nao gam, urang taha, urang jaoh jo,... tuk khin phục vụ. Urak ini, bruk njauk khai báo saong ba tabiak harak ba-ar tùy thân yaom lac ngak oh bui tian tuai damuai, min gah jalan pasei caong khin bhap bani klah rabha kayua lac tok hu ngak yau nan meng tah klak hu bruk đầu cơ, piah harak radaih hu mai tal tangin dom urang caong khin.

Khaw tin dunya

# Dalam dua harei 27 saong 28-1 tal, Ma-lai-xi-a meda peih nyaom biai akaok mintri Ngoại giao ASEAN di Cô-ta Ki-na-ba-lu, tỉnh Xa-ba, peih mbaok ka dom nyaom biai akaok mintri saong dom nyaom biai praong karei ye : nyaom baia pakat glaong ASEAN mbang yaka 26 di bilan 4-2015 saong nyaom biai pakat glaong ASEAN mbang yaka 27 di bilan 11-2015. Akaok mban Thư ký taneh ia ASEAN - Ma-lai-xi-a I.Gia-cốp brei thau, taneh ia akaok ASEAN 2015 Ma-lai-xi-a caik dahlau bruk hiện thực hóa Cộng đồng ASEAN di thun 2015 haong dak padang Tầm nhìn hadei 2015 di Cộng đồng ASEAN.

# Kapul dom urang ngak menyek di Ca-na-đa bahrau brei thau, jaik 23 ribau urang daok ngak bruk dalam gah dầu khí saong dom gah pambuak pagam tal mbuan si lahik bruk kayua yaom menyek trun. Harak pathau khan di kapul brei thau, dom bingun menyek daok peih ngak pak Ca-na-đa meda patrun,  meng 370 meng thun 2014, trun daok 203 dalam thun 2015. Bruk nan jeng meda ngak ka 3 ribau 400 urang ngak bruk dalam gah dầu khí lahik bruk saong 19 ribau 500 urang ngak bruk dalam dom gah pambuak pagam tal bruk ngak menyek.

# 12 tuk 50 minit tukvak VN, nan lac 2 tuk 50 minit bair harei 23/1 tukvak Nhat Ban lac tukvak  puac di abih bo kapul karja Hồi giáo tự xưng IS ba tabiak piah rajaei Nhật Bản bayan jien laoh 2 con tin. Min, mbiah tal tukvak ini, Nhat Ban oh ka thau cambaih video nan biak halei oh, saong oh ka taom gaok hu gah IS. Urak ini, rajaei Nhật Bản daok kham merat khik kajap dom gah meda taom gaok hu piah ginum biai, pachreih gah IS palao con tin taneh ia ini bo oh ngak jhak hagait tal dom urang nan dalam 72 tuk bo gah phiến quân ini ba tabiak piah salih mek jien laoh.