KHAW TIN BAIR HAREI  23– 3- 2015 

# Tỉnh Lai Châu bahrau parabha 89 tỷ đồng meng phun jien trái phiếu raja-ei saong phun jien danak dak bruk ngak pakat negar padang ngak palei pala bahrau piah peih ngak danak dak padang ngak palei pala bahrau thun 2015. Phun jien nan hu brei dahlau ka dom xã biak kan kandah, tapen negar saong xã daok dalam huyện kan kandah tui Sarak 30a di raja-ei, dalam nan pataom tame ka dom xã kham merat mek chuẩn palei pala bahrau tukvak 2014 – 2016 saong brei dahlau ka bruk padang ngak cơ sở hạ tầng palei pala, ribaong kraong brei ka bruk ngak mbang pala drak, paglaong jien mek tame ka bhap bani. 

# Dalam dua harei 20 saong 21/3, ban sit Gia Nghĩa, tỉnh Đắk Nông hu peih ngak “ harei pataom ilimo dom bangsa mbang yaka IV”. Hu mbaok labaih 400 nghệ nhân saong vận động viên di 21 bangsa adei saai daok dalam ban sit Gia Nghĩa. Ini lac sa dalam rilo bruk ngak pahadar 40 thun peih paha  ban sit Gia Nghĩa 23/3, 10 thun padang ban sit Gia Nghĩa saong salam uan ban sit Gia Nghĩa hu brei angan lac  đô thị ka III .  Ini jeng lac tuk piah pathau khan, yaih khan dom yaom glaong ilimo gheih mekre di bhapbini dom bangsa daok di ban sit tal tuai damuai dalam saong langiu tỉnh.

# Pahadar 60 thun harei padang Đảng Bhap bani cách mạng Lào (22/3/1955 – 22/3/2015),  Liên hiệp dom kapul nyaom hữu nghị tỉnh Quảng Bình, Kapul nyaom hữu nghị Việt Nam – Lào tỉnh Quảng Bình peih bruk ka anek saih sinh viên Lào daok bac pak tỉnh ini nao rivang ma-in Khu Di tích Lịch sử Giao tế, labik urang dahlau diah ngak Tổng Bí thư akaok mereip di Đảng Bhap bani cách mạng Lào - Cay Xỏn Phôm Vi Hản klau mbang mai rivang saong tacei pato cách mạng Lào. Dalam nan, meng harei 17 tal harei 21/5/1975, ong hu daa dom Bí thư, Phó Bí thư dom tỉnh Trung Lào saong Nam Lào mai ginum biai piah peih paha Hạ Lào saong Trung Lào. Ini jeng lac labik ong ieu pataom dom urang dang akaok dom tỉnh di Lào piah tabiak lệnh peih paha Nam Lào. 

# Pachreih tui bilan dam dara saong thun dam dara 2015, pasak halan hatian negar, Trung ương kapul gru jru ranaih umo Việt Nam saong kapul Liên hiệp dam dara Việt Nam tỉnh Đắc Lắc pambuak bruk peih ngak danakdak “ gam diuk khang kadang” di huyện Krông Ana, tỉnh Đắc Lắc. Dalam dua harei hu mbaok tame danakdak, labaih 100 urang bac lac dom urang jakar y tế puk palei di huyen  Krông Ana saong sinh viên sang bac Trung cấp Y Tế Đắc Lắc hu pasram dom asal kadha : pathau khan jalan rao tangin njauk, pacang caga ruak aih troh, caga ruak hô hấp ka anek saih saong pathau khan ka ruak tagok darah ka bhapbini.

# Pak huyện Bắc Bình (Bình Thuận), Công ty Bảo hiểm Dai- I CHI LIFE (Nhật Bản) hu pambuak bruk haong kapul daong urang ruak kan kathaot bal raya Hồ Chí Minh, Kapul daong urang jaoh jo saong uranaih metui tỉnh Bình Thuận peih bruk blac raih meta đục thủy tinh thể oh abih jien ka urang taha pak dua tỉnh Bình Thuận saong Ninh Thuận. Pak ini, kapul hu peih bruk khám saong blac raih meta đục thủy tinh thể ka 200 urang kathaot, urang prong thun dalam dua tỉnh Bình Thuận saong Ninh Thuận. 

# Tapa bruk pathau khan, jak ba di dom gah, dom kapul nyom, tal urak ini urang nong huyện Tân Phú Đông, tỉnh Tiền Giang thau hu bruk pablei hala kandiuk meda ngak ka phun metai drah jang saong ngak patrun  nang suat di phun. Nan ye, urang nong oh daok paik hala pablei.. Dom urang meng labik karei mai huyen Tân Phú Đông blei hala kandiuk jeng tabiak truh labik ini. Dalam huyện Tân Phú Đông, tỉnh Tiền Giang hu labaih 500 ha phun kandiuk daok brei baoh. Jaik ini, yaom baoh kandiuk tagok jaik 20.000 đồng/sa kg,  yaok thun urang ngak laba hu labaih 300 triệu đồng/sa ha. Urak ini, mikva urang nong puk palei daok kham merat iek glang phun kandiuk piah brei nang suat glaong.

 # Diễn giả oh hu tangin oh hu takai Nick Vujicic hu mai tal Việt Nam saong hu mbaok tame van ndom biai hu angan ieu lac “Dom adei biak siam yau anek manuac di dom adei” gam haong jaik 500 adei sit hu rai diuk kan kandah daok dalam bal raya Hồ Chí Minh. Dalam mbang ka 3 gilac veik Việt Nam, diễn giả Nick Vujicic hu mbaok tame dom danak dak hu angan “Hadah tanyak pren khang Việt 2015 – Nick, ayut saong dahlak” rah tabiak pak bal raya Hồ Chí Minh, Lâm Đồng saong Nghệ An meng harei 22 tal harei 25/3. Danak dak ndom biai nao mai haong jaik 500 adei sit nan lac bruk ngak peih akaok ka dom danak dak ndom angaok nan di Nick. Dom adei sit hu mbaok dalam van ndom biai nan lac dom adei jaoh jo, metui medar daok hu raong ba dalam dom baoh sang ngak pahla pak bal raya Hồ Chí Minh.  

Khaw tin dunya  

# Hãng thông tấn Pê-tra (Petra) di Gioóc-đa-ni (Jordan) brei thau, puac bilan ini, Gioóc-đa-ni saong Nga meda mboah tangin tame thoả thuận ka bruk padang ngak sang mac điện hạt nhân akaok meti di Gioóc-đa-ni yaom 10 tỷ đô la Mỹ. Tui khau tin nan, gah năng lượng nguyên tử Gioóc-đa-ni saong Tập đoàn Rô-sa-tôm (Rosatom) di karja Nga, hu njauk hatai gauk mbaoh tangin tame bruk ngak mbang ini, brei ka tập đoàn ini padang ngak dua sang mac điện hạt nhân di Gioóc-đa-ni gam bruk pabak nhiên liệu ka dua sang mac ini dalam 10 thun akaok meti. Nguyên liệu pandar bloh hu jao veik ka Nga.

# Viện duah thau hatai sahneng di menuac sia angan Đu-xịt (Dusit) Thái Lan hu brei thau bruk taong yaom di bhap bani Thái Lan ka raja-ei kuhria meng hadei di mbang đảo chính quân sự. Labaih 80% manuac urang hu tangi sua brei thau lac, dalam 10 bilan tapa, ra-aei Thái Lan hu ngak ka mâu thuẫn chính trị pak Thái Lan trun nao, bruk taneh aia hu tani tanat veik saong hu siam mekre jang. Jaik  78% panuac lac, raja-ei quân sự Thái Lan ngak bruk siam, langyah hu dom kadha kan kandah anak meta di bhap bani, abih hatai jhul pakhang bruk pacang caga tham nhũng saong bruuk cải cách; taneh aia hu salih bahrau saong patagok tui jalan siam jang.

# Di labik tòa sang Quốc hội Ấn Độ hu rah tabiak sa mbang khuah praong. Tui panuac di báo chí puk palei, bruk khuah nan rah tabiak meng tòa tháp di tòa sang Quốc hội Ấn Độ, ngak jeng athak praongpak labik nan. Kapul pacang caga khuah padam khuah di Ấn Độ kham merat padam apui di labik Ra-xi-na Hin (Rasina Hill) pambuak pagam tòa  sang Quốc hội tal dinh Tổng thống saong dom jabat rajei praong . mBiah tal tukvak ini, kapul pacang khuah padam khuah cakak hu apui. Urak ini, oh ka khan brei thgau ka bruk metai lihik dalam mbang khuah saong tui panuac khan di tuk camreip, tòa sang Quốc hội Ấn Độ oh khut khat hagait praong.