# Tổng công ty Hàng không Việt Nam (Vietnam Airlines) barau brei thau, kayua mblang kapal haok Plây Cu, tỉnh Gia Lai daok ramik pasiam jalan trun – tagok, mblang pataok kapal ahaok, hãng brei ramik veik tuk par di dom sruh kapal haok par di Hà Nội, ban raya Hồ Chí Minh saong Plây Cu di tuk harei. Tukvak rami ramik veik ini meng harei 28-1 tal 15-3. Dom mbang par di bilan 1 hu peih tabiak dahlau 16 tuk meteh; dalam bilan 2 saong bilan 3 peih par dahlau 17 tuk yaok harei.

 # Daok dalam danakdak jalan menhek 22 kV dui jalan menyek di negar meng mbaok haluk tabiak xã Hòn Tre, huyện đảo Kiên Hải, Công ty trách nhiệm hữu hạn sa thành viên dak padang điện 2, dhar 6 hu peih bruk dui jalan menhek meng mbaok haluk tabiak xã đảo Hòn Tre. Ini lac sa dalam 3  pok thầu praong di danakdak. Đoạn  akaok mereip hu dui meng  trụ ka 17 tal trụ 27 saong atah 5,2 km. Dom gang menyek glaong hu kuhria meng mbaok ia tasik saong mbaok haluk  lac 40 mét. Piah kapal, gilai mbuan lagaih nao mai, gang menyek daok di greih tasik glaong jang dom gang karei 10 mét.

# Pasiam bruk ieu pataom njauk saong cơ cấu tín dụng, jhul khang tín dụng di dom gah njauk ngak dahlau saong peih praong patagok pambuak pagam saong pasang iek paglaong chat luong lac 3 jalan ngak bo uy mban bhapbini tinh Vinh Long tacei brei ngak dalam nyaom biai harei 22/1 ginum biai bruk talaih kan kandah dalam bruk tín dụng ngân hàng thun 2015. 

 # Tui panuac khan meng Mentri Ngak nong saong Patagok palei pala, tal tukvak ini, nguồn cung 5 janih pandap panda, kaya mbang rilo yau: brah, ndiuk, rilo, njam patam, saradang, sara daok mboh biak ralo, grap tanat pabak hatai caong khin blei pandar di bhap bani dalam tuk Tết Nguyên đán 2015.

 # Tui kuhria dahlau di Sở Công Thương tỉnh Nghệ An, pren blei tame dalam tukvak Tết Nguyên đán Ất Mùi meda tagok jaik 15% dut haong Tết Giáp Ngọ 2014 nan ye dom siêu thị hu peih ngak dom danak dak blei tame ka nyu laik piah grap tanat nguồn hàng phong phú, đa dạng duh ka urang blei pandar. Piah grap tanat yaom kaom tukvak Tết Nguyên đán, tỉnh Nghệ An hu jao ka 4 doanh nghiệp (nan lac Công ty cổ phần đầu tư hợp tác kinh tế Việt Lào, Công ty cổ phần Hữu Nghị, Công ty cổ phần Tổng công ty nông sản xuất nhập khẩu Nghệ An…blei tame khik piah 3 janih pandap thiết yếu nan lac brah, ndiuk saong menyek mbang.  

 # Piah jhul pakhang bruk raong hadang aia lợ patagok khang kajap, Chi cục raong glang Thủy sản tỉnh Ninh Thuận hu peih ngak Dự án daong padang ngak mô hình raong hadang tui tanut VietGAP. Meng dom siam lagaih praong di mô hình ini, gah Thủy sản daok ba tabiak jalan ngak lac, dalam thun 2015, hu 30% mblang taneh danao raong pandar ilamu kỹ thuật VietGAP, tal thun 2020 tagok labaih 80%.

  # Anak bruk yaom xăng menyek, yaom ga trun min ralo janih pandap panda jeng daok khik tamo yaom kaom, Sở Jien padai bal raya Hồ Chí Minh brei thau bruk điều chỉnh yaom kaom dom janih pandap dalam Danak dak bình ổn darak pasar, tapa bruk pasang iek, mong iek bruk pambak di bruk patrun yaom xăng menyek ngan haong dom bruk ngak tabiak, pablei salih di doanh nghiệp. Nyaom janih pandap trun khang abih dalam mbang điều chỉnh mbang ini nan lac rilo menuk ada trun 3.000 đồng sa kg, rilo limo, kubao trun meng 500 tal 1.000 đồngsa kg,… taphia di nan tanut điều chỉnh ini meda ngak grap tanat meng ini tal abih Tết Nguyên đán 2015.

Khaw tin dunya

#Tui Tân Hoa xã, hu yam tagok dua ban Sydney saong  Adelaide (A-đê-lai-đơ) di Australia  piah jeng ban njauk diuk rai abih di dunya tui sa bruk pasang iek barau hu ba tabiak harei 22/1 kayua Gah tư vấn quản lý nhân sự quốc tế ECA International peh ngak. Ini lac mbang yaka 16, Singapore  taduan mek hu angan je ini.

# Harei 27.1 anak tal, mbang parang iek “Ấn tượng Mông Cổ” meda hu peih ngak pak jabat Hội Liên hiệp dom hội văn học nghệ thuật bal raya Hồ Chí Minh.  32 blah rup cih ngan haong dom chất liệu sơn dầu, acrylic, tổng hợp, sơn mài... di dom họa sĩ Đặng Thị Dương; Nguyễn Thị Anh Đào; Cao Thị Được; Nguyễn Thị Kim Chi; Nguyễn Thùy Hương; Trần Thùy Linh... meda hu meyaih khan prong prang tal bhap bani bal raya Hồ Chí Minh.# Indonesia kham merat ba tabiak rilo jalan piah yaih khan dom pandap dalam taneh ia tabiak darak pasal taneh Ia langiu, abih di nyu nan lac duah jalan tame darak pasal ka gah kinh te tu nhan di taneh ia ini. Tui nan, dom jabat lambaok ka Indonesia  di taneh ia langiu meda pataom tame bruk ngak ini meng bruk khan brei dom doanh nghiep thau saong daong doanh nghiep ba pandap tabiak darak pasal nan./.