# Pagaiy harei 3/6, Nyom roya urang jakar pakat negar mbang yaka VII Liên hiệp dom Hội Khoa học  saong Kỹ thuật Việt Nam hu rah tabiak praong prang di  Cung Văn hóa Lao động Hữu Nghị Việt – Xô di ban ine Hà Nội. Jaik 600 urang jakar lambaok ka labaih  2,8 triệu hội viên di dom hội thành viên mai pataom mbaok. Nyaom roya uan tabuan hu taduan raok Tổng Bí thư Nguyễn Phú Trọng mai pataom mbaok saong brei panuac tacei pato.  Tổng Bí thư Nguyễn Phú Trọng brei mboh labik dang praong di dom urang  trí thức saong Liên hiệp dom Hội Khoa học saong Kỹ thuật Việt Nam: Sangka tal bruk pasram chuyên môn, đạo đức nghề nghiệp di urang trí thức, abih di nyu nan lac trí thức ranaih umo; pok je dom urang rik daong lagaih saong kein laba. Ngak gheih jang dom talei pambuak bruk kajap di Đảng, karja saong bhapbini saong trí thức; di trí thức saong Đảng, karja saong bhapbini; paglaong bruk jum pataom dalam bhapbini dalam bruk pambuak pagam urang ngak – urang nong – trí thức. Drak samal dak padang siam dom cơ chế, sarak piah patagok siam tiềm năng di dom urang trí thức.

/ Patui danak dak mbang nyaom ka 9, mesup harei 3/6, dom urang QH pang harak pathau khan, pasang iek dự án hukum pasiam veik, pabak dom paka di hukum hàng hải VN, ginum meyai ka dự án hukum pilih ruah urang ka QH saong urang ka hội đồng bhap bini. Ndom ka dự án hukum pilih ruah urang ka QH saong urang ka hội đồng bhap bini, urang QH pataom tame dom asal yau cơ cấu, thành phần saong bruk phân bổ urang QH, urang hội đồng bhap bini; hội đồng bầu cử negar, bruk pilih ruah saong kết quả pilih ruah.

# Urak ini, di tỉnh Đắc Lắc hu hajan akaok bilan, min jeng daok dang anak dom kan kandah kayua bhang pandiak di bilan thu meng blaoh. Đắc Lắc hu jaik 61 rabau hecat phun pala dom janih gaok kan kandah di mbang pandiak bhang meng blaoh, khat lahik kuhria mboh labaih 2000 tỷ đồng. Taphia bruk taneh phun pala katut harei khat lahik, trun nang suat di bilan Đông Xuân, yaok pluh rabau hecta cà phê saong amraik kalu gaok kan kandah trak saong suai lavik. Gam saong bruk klah rabha kadung jien karja caik caga di puk palei, jak ba dom menuac urang di labik piah daong bhapbini pacang pandiak bhnag, uy mban bhapbini tỉnh Đắc Lắc hu pok panuac tagok rajaei daong jien piah pasiam dom khut khat. 

/ Dom harei tapa, kayua pandiak dui atah, menuac urang khin ngak brei li-an rup pabhap, ba tui yaom dom janih njam patam, baoh karaoh di ban raya HCM tagok glaong. Di dom darak praong di ban raya HCM, ralo janih njam patam, baoh karaoh jeng tagok yaom meng 5 tal 10 ribau đồng sa kg, duk saong 2 adit dahlau. Tui dom urang pablei salih, yaom tagok kayua pandap hu takik kayua pandiak nan ye sản lượng trun saong yaom xăng tagok jeng ngak ka yaom cước pajeng ba tagok tui. Saai Nguyễn Thị Phượng, urang pablei njam patam di darak pasar Tân Định, quận 1 lac: “Njam patam pandiak oh bingi, yaom tagok, dahlak blei mai pablei urang lac pandiak oh pala hu ralo nan ye yaom tagok. Yaom tagok meng 5 tal 7 ribau đồng sa kg. pandiak urang blei njam ralo, min yaom tagok nan ye urang blei takik veik”.

# Urak ini, urang nong  tỉnh Tiền Giang  yuak hu labaih  40 rabau  ha padai xuân hè.  Yaom lac gaok kan kandah kayua ia bilan thu takik, halak mbang min năng suất padai vụ ini di tỉnh Tiền Giang hu labaih 7 tấn/sa ha. Huyện Cái Bè, Cai Lậy năng suất padai hu labaih 8 tấn/sa ha, glaong abih 5 thun jaik ini. Oh lac năng suất glaong bo yaom padai xuân hè di Tiền Giang di tanut glaong. Dalam tukvak ini, padai mbang barau yuak daok pasah urang nong pablei hu yaom meng 4.200 đồng- 4.300 đồng/sa kg, padai chất lượng glaong urang nong pablei di hamu yaom labaih 5.000 đồng/sa kg. Tui yaom yau nan, hadei sa vụ urang nong laba hu labaih 20 triệu đồng/sa ha. Ông  Lê Văn Nhớ, urang nong huyện Cai Lậy, tỉnh Tiền Giang ndom lac :

Tukvak tapa ngak danakdak công nghệ sinh thái mboh hu kein laba. Trun hu jien jru pametai halak kayua khik hu côn trùng siam, trun hu jru pametai halak. Dahlak mboh lac drei daok padang ngak palei pala barau njauk pataom tame danakdak công nghệ sinh thái di mblang hamu ka siam mekre gam hu jien mek tame ka sang.

/ Mbang pakacah THPT pakat negar thun ini, cụm pakacah ĐH Tây Nguyên hu jaik 24 ribau anek saih tut angan tame pakacah, dalam nan hu labaih 4.500 anek saih di tỉnh Đắc Nông. Sang bac ĐH Tây Nguyên hu parabha 25 labik pakacah di ban sit Buôn Ma Thuột ngan saong 750 duk saong pachreih jaik 2 ribau urang jakar, gru pato iek bruk pakacah. Gah tỉnh Đắc Nông, kayua ini lac thun camereip hu rilo anek saih njauk panduan mai tỉnh Đắc Lắc pakacah nan ye UB bhap bini tỉnh Đắc Nông kuhria buh tabiak jaik 1 tỷ đồng jien daong anek saih dalam bruk mbang ndih saong nao mai.

# “Hè bui sambai gam saong gilang tapuk” lac angan danakdak kayua Gilang tapuk alamu tổng hợp ban raya Hồ Chí Minh peih ngak ka uranaih rah tabiak meng ini tal harei  9/8 tal. Di duk puac tapuk thanh thiếu niên, dom adei hu maong parang iek tapuk, puac tapuk, vak cảm nhận, dak dalikan meng rilo kadha gheih ye : Wa Ho, thế giới quanh ta, truyện cổ tích, văn học… Taphia nan, dom kalup kapul daok peih bruk mein : cờ vua, cih tranh, tiếng Anh, abih di nyu nan lac kalup kapul gheih tangin pato pakai dom adei ngak saong trang trí dom pandap  đơn giản meng pandap tái chế, piah pathau khan ka bruk khik caga alam moi trường.

Patui di ini dom khau tin dunya:

/ Mintri y tế HQ mesup harei 3/6 brei thau, hu gac 5 urang njom hội chứng suy hộ hấp cấp bhum Trung Đông (MERS), patagok urang njom ruak di taneh ia ini jeng 30 urang. Bruk thau lac hu gac urang ruak njom MERS gam saong dua urang metai akaok meti dalam harei kabroi pambuak tal janih ruak ini daok ngak ka bhap bini HQ patagok duh hatai ka bruk mbuan njom mbak jit ruak.

# Dom urang ngak praong dang akaok jabat pacang caga saong trun takik bala meng lingik tasik Thái Lan barau brei thau, tua riya daok rah tabiak di 36 tỉnh di taneh ia ini. Thái Lan urak ini hu labaih 12 rabau palei, meblah 16 %  dalam abih tih palei dalam taneh ia gam saong 254 quận, huyện laik tame bruk kurang ia kayua gaok tua riya. Urang dang akaok puk palei daok kham merat parabha ginup ia pandar ka dom sang jeng ye ia pabak ka bruk ngak nong di dom labik gaok kan kandah kayua bala meng lingik tasik.

 / Kuhria tal tukvak ini, dom urang metai kayua pandiak di Ấn Độ labaih 2 ribau 500 urang. Tui pasak khoa học saong môi trường, ngan saong dom urang metai kayua pandiak yau nan, Ấn Độ jeng taneh ia hu urang metai glaong ka 4 kayua pandiak dalam sajarah dak rai. Bang An-hra Pra-đét daok di gah meraong lac bhum hu ralo urang metai di abih, meblah 2/3 dalam dom urang metai dalam taneh ia./.