Khaw tin bair harei 4-5-2015

# di Hà Nội, nyaom biai mbang yaka 11 Ban chấp hành Trung ương Đảng khóa 11 barau peih pakak. Nyaom biai mbang ini, Ban chấp hành Trung ương Đảng ginum biai ka bruk menuac urang di Ban chấp hành Trung ương khóa XII, số lượng parabha saong urang jakar hu mbaok tame Nyom roya mbang XII, bruk padang karja puk palei, bruk padang mblang kapal haok pakat dunya Long Thành saong brei panuac ka harak pathau khan dom bruk praong bo mintri Chính trị hu langyah bloh meng hadei nyaom biai Trung ương X tal urak ini. 

/ Tukvak tapa, công đoàn dom pakat di tỉnh Quảng Trị hu daong jaik 2 tỷ đồng daong ka urang ngak gaok kan kandah, dom urang sarak karja, urang kan kathaot, urang taong cap ikan saong dom urang ruak kik. Công đoàn dom pakat hu padang ngak labaih 220 baoh sang daong ka urang ngak kan kathaot, yaom jaik 5,6 tỷ đồng; jak ba padang ngak 6 công trình sang công vụ ka gru pato bac, urang jakar y tế daok di dom xã bhum ceik, abih tih jaik 1 tỷ 400 triệu đồng.

# Công ty Cổ phần Việt Lào Thái pambuak bruk saong dom doanh nghiệp lữ hành tỉnh Thừa Thiên-Huế  raok dua mbang par thuê bao caik karei ka tuai damuai di sa hãng lữ hành, ba tuai meng Bangkok, Thái Lan mai Huế saong gilac veik. Mbang par ini pajeng tui 170 tuai meng Thái Lan mai Huế. Daok mbang par meng Huế nao Bangkok ba 180 tuai meng Huế nao mein  Bangkok, Thái Lan. Ini lac dom bruk ngak peih akaok ka bruk peih jalan ka jalan par tapak meng Bangkok mai Huế saong gilac veik.  

/ Tukvak tapa, meng ralo danak dak brei mesraiy yau: brei baoh sang kan kathaot mesraiy, baoh sang jaik si kan kathaot mesraiy, brei anek saih, sinh viên mesraiy, brei baoh sang ngak mbang pablei salih kan kandah mesraiy…Gilang pariak sarak karja tỉnh Yên Bái hu ba phun jien sarak yaom laba lap tal tangin bhap bini, peih tabiak jalan patruh eik patrun kathaot.  

 #  Thu lagu daok rah tabiak khang di rilo labik dalam tỉnh phu Yen ngak kan kandah ka bruk pala drak saong raidiuk di bhapbini. Kurang ia pruh, jaik 3000 héc ta taneh ngak nong njauk klak saoh meng ini tal abih bilan 7 saka ia bulan. Amuk Lê Thị Sen, urang nong di palei Mỹ Phú, xã An Hiệp, huyện Tuy An, tỉnh Phú Yên brei thau :"Bingun kuac, bingun thủ công nyu thu, halau ia oh hu. Daok drei khoan ye taneh ia pak ini lac taneh randaih ala patau jeng oh hu. Daok binek jeng thu, tok mbang ia troih bo pandiak tua lo ngak habal ini. Pala dom phun katut harei mbang hu tuk halei ye mbang, tal akaok bilan 7 hajan trun drei drak.

/ UB bhap bini tỉnh Cà Mau brei thau, nyaom darak – parang iek thành tựu kinh tế, xã hội tỉnh Cà Mau barau rah tabiak. Nyaom darak, parang iek mbang ini hu labaih 300 gian hàng parang iek dom pandap đặc trưng saong dom bruk ngak hadah krah ka dom thành tựu kinh tế - xã hội tỉnh Cà Mau. Nyaom darak rik daong jhul pakhnag bruk jak ba “Urang VN dahlau di abih njauk pandar pandap VN”.

# Urak ini lac tukvak salih bilan, lac tukvak dom jit ruak njom mbak tamuh khang yau : aih traoh, jit dại, ruak tangin takai cambuai, ruak pandiak tabiak darah, ruak li-an dom…Piah ngak siam bruk iek glang pren yava, khik caga siam mekre saong samar pacang caga jit ruak ka bhapbini, tỉnh Lai Châu hu tacei pato dom puk palei saong gah y tế kuhria caga ginup dom pandap panda, vat tu, y te saong menuac urang, caga padam jit tuk nyu rah tabiak.     

Patui di ini dom khau tin dunya:

/ Tổng thống Palextin Ma-mút Ap-bát saong urang dahlau daih ngak Tổng thống Mỹ Gim-mi Cát-tơ barau hu mbang taom gaok di ban Ra-ma-la, Bờ Tây. Dua gah njauk gauk brei peih bruk bầu cử di bhum taneh Palextin. Dalam mbang taom gaok, Tổng thống Ap-bát hu panuac ieu padeih bruk neh rabha gauk di dom kapul nyom Palextin saong hu panuac ieu hòa giải piah peih jalan ka Tổng tuyển cử di dom bhum taneh Palextin.  

# Tổngg thống Nga Vla-đi-mia Pu-tin  brei tapa hiệp ước padang sa  quỹ dự phòng yaom 100 tỷ đôla Mỹ ka dom taneh ia khối BRICS (hu 5 nền kinh tế barau tamuh dang akaok nan lac Nga, Trung Quốc, Braxin, Ấn Độ saong Nam Phi). Nga kuhria rik tame 18 tỷ đôla Mỹ ka quỹ ini, dalam tuk nan Trung Quốc jeng sanya rik tame  41 tỷ đôla Mỹ. Quỹ dự phòng ini piah khik caga dom taneh ia BRICS tabiak truh dom “áp lực thanh khoản katut tukvak” saong jhul pakhang pambuak bruk jang di 5taneh ia thành viên. 

/ Kapul khik caga takai tasik Itali brei thau, kapul hu daong ka 4 ribau urang nhập cư sung hukum langiu takai tasik Libi. Dom chiến dịch tui iek saong cứu nạn jeng daok peih ngak khang kayua langik tasik siam lagaih./.