Khaw tin bair harei 4-8-2015 

# Thủ tướng rajaei tacei pato mintri jien padai buh tabiak oh mek jien 904 tấn brah meng gilang caik piah di negar brei ka tỉnh Bình Định piah daong iek lipa kayua tua riya rah tabiak dalam tinh. Uy mban bhapbini tỉnh Bình Định taduan mek saong pandar brah hu brei nan samar daong njauk urang tui adat. 

/ Thun 2015, tỉnh Nghệ An hu ralo salih barau dalam bruk ngak du lịch; pachreih dom janih du lịch patagok, pachreih hu ralo kapul nyaom, menuac urang mai tal puk aplei, abih di nyu nan lac dom huyện tapen tasik hu buh jien tame patagok du lịch. 7 bilan akaok thun 2015, Nghệ An taduan labaih 2 triệu 500 ribau mbang tuai du lịch, ralo jang 6% duk saong dom bilan ini thun 2014; dalam nan, tuai dunya labaih 38 ribau mbang, ralo jang 2% duk saong tukvak ini thun bloh. 

# Tổng Liên đoàn Lao động Việt Nam barau taduan mek 1,5 tỷ đồng daong padang labik hadar dom urang lin Gạc Ma meng bruk rik daong di 12 jabat, labik, doanh nghiep di tỉnh Khánh Hòa. Labik hadar urang lin Gạc Ma, kayua  Tổng Liên đoàn Lao động Việt Nam peih tabiak ngak meng thun 2014. Labik hadar nan hu padang ngak di huyện Cam Lâm, tỉnh Khánh Hòa angaok taneh praong labaih 2 hecta, hu rilo hạng mục ye tượng đài, miunyim, labik ravang iek… Labik ini piah hadar tal  64 liệt sĩ Hải quân Việt Nam ndih trun harei 14/3/1988 dalam mbang mesruh khik caga pulao Trường Sa di negar; rik daong pato pakai, pabak hatai anit ranam taneh ia, ý chí bất khuất, quật cường di bangsa Việt Nam. 

/ Meng akaok thun tal ini, dalam taneh ia tok hu 80 urang njauk ruak sởi, daok di 37 tỉnh, ban saong oh hu sruh jit ruak sởi halei, takik jang yaok rituh mbang duk saong tukvak ini thun bloh. Hu yau nan meng hu danak dak klauk jru peih praong ngak hu bruk klauk brei saoh vacxin sởi rubella  ka uranaih.

# Bruk caong pilih ruah urang ngak di dom doanh nghiep di ban raya Hồ Chí Minh dalam bilan 7 meng blaoh tagok jaik 17%  duk saong bilan 6, pataom tame dom gah yau ye: pablei salih – pablei pandap; dịch vụ, nhà hàng, khách sạn….. Tui kuhria dalam bilan 8 ini, dom doanh nghiep saong dom co so ngak mbang pablei salih di ban raya HCM caong pilih ruah jaik  27.000  labik ngak bruk, pataom tame dom gah ye : Công nghệ thông tin, menyim-jhik – giày da...

/ Pasak pacang cakak HIV/AIDS tỉnh Hậu Giang brei thau, dalam thun 2015, gah y tế daok peih ralo jalan ngak piah pamaong tal bruk palahik abih bruk njom mbak HIV meng amaik tapa anek. Tui nan, gah y tế hu peih dịch vụ tacei duk iek drah HIV ka urang kamei metian di taong abih dom labik sản khoa dalam tỉnh. Dom labik nan pabak dịch vụ iek glang, iek caga ruak njom mbak HIV meng amaik tapa anek ka dom urang kamei metian njauk njom HIV.

# Piah hu ia pruh, khik caga padai hè thu, pacang caga ia mbak, tỉnh Tiền Giang hu ngak 315 công trình thủy lợi nội đồng, dalam nan hu 272 công trình ieu pataom bhapbini dalam palei ngak meng thủ công atah abih tih labaih 204.000 m. Tal tukvak ini, dalam tỉnh Tiền Giang trun pajaih hu labaih 180.000 ha, hu jaik 84% bruk ba tabiak dalam thun.  

Patui di ini dom khau tin dunya:

/ Kapul urang thanh tra rajaei VN, kayua ong Trần Đức Lượng, phaok tổng thanh tra rajaei ba akaok barau hu mbang ginum meyai pakat glaong saong kapul urang thanh tra rajaei Lào, kayua ong Khăm-xúc Bun-nha-vông, Phaok Tổng Thanh tra rajaei Lào pal akaok kapul. Dalam ginum meyai, dua gah taong yaom glaong talei pambuak bruk klah rabha ilamu, chuyên môn nghiệp vụ di gah thanh tra dua taneh ia dalam dom thun tapa saong khan lac, daok patui jalan patagok talei pambuak bruk ka nyu praong dalam jang dalam bruk thanh tra, langyah khiếu nại, tố cáo saong pacang cakak tham nhũng, rik daong jhul pakhang talei rohim meng kan, jum pataom, pambuak taong abih bruk Việt Nam – Lào, Lào – VN dak harei dak hu kein laba.  

#  Harei 3/8, Thủ tướng Campuchia Hun Sen hu panuac ndom veik, tuvak pilih ruah urang ka Quốc hội mbang 6 jeng ngak tui quy định di Hukum negar Campuchia. Thủ tướng Hun Sen ndom cambaih, paka 78 di Hukum negar Campuchia tacei lac, “Quốc hội oh brei yah klak dahlau tukvak, lingiu di bruk lac rajaei Hoàng gia njauk giải thể 2 mbang dalam tukvak 12 bilan. Yau nan ye, tukvak pilih ruah urang ka Quốc hội mbang  6 jeng hu ngak tui njauk quy định, nan lac di harei adit di adit ka 4 di bilan 7/2018.

/ Mintri QP HQ brei thau, peih bruk taom gaok pakat chuyên viên ka sarak QP saong NB di harei 5/8 di ban ine Seoul piah ginum meyai bruk an ninh khu vực saong pambuak bruk gah QP. Ini lac bruk ginum meyai ka 21 hu peih tabiak di dua gah, brei mboh bruk pambuak veik talei ginum biai QP Hàn – Nhật nyu klaoh nao meng thun 2014 kayua kandah gauk ka bruk chủ quyền lãnh thổ di dua taneh ia./.