Khaw tin bair harei 7-5-2015
# Kapul urang Quốc hội tỉnh Quảng Trị barau
peih bruk taom gaok cu tri huyện pulao Cồn Cỏ, caik hatai pang dom panuac, dom
caong khin di bhapbini, urang jakar, urang lin. Di var taom gaok, cu tri huyen
pualo Cồn Cỏ hu panuac caong rajaei sangka samal brei dui menyek tabiak pulao.
Cu tri jeng caong khin pakat tham quyen sangka bruk pajeng ba bhapbini nao mai meng
pulao saong mbaok haluk, bruk ngak pô taneh riya angaok pulao, che do phu cap
ka thanh nien xung phong daok veik di pulao.
/ Tapa 2 thun peih ngak sarak pachreih urang naih gheih gah y tế, tỉnh Quảng Ngãi pachreih hu jaik 100 bác sỹ, dược sỹ mai ngak bruk di sang iek ruak Đa khoa tỉnh saong pasak y tế dom huyện, ban. Tal urak ini, tỉnh Quảng Ngãi hu pasiam veik bruk kurang bác sỹ, dược sỹ, chất lượng iek ruak dak harei dak glaong. Ong Huỳnh Từ, akaok duk Tổ chức urang jakar Sở Y tế tỉnh Quảng Ngãi brei thau: meng bloh, tỉnh jeng brei biar di abih lac 0,7 jien bilan cơ bản, glaong di abih lac dua mbang jien bilan cơ bản ngan saong dom huyện bhum ceik, bhum atah bayah, jeng yau dom chuyên ngành biak nguy hiểm yauc AIDS, lao, ruak njom mbak.
# Di ban sit Nha Trang, tỉnh Khánh Hòa,
mintri Công an barau peih Harei pataom daoh tamia Công an bhapbini khu vực 4,
thun 2015 ngan saong kadha “70 thun Công
an bhapbini kayua taneh ia var klaak rup drei, kayua bhapbini abih hatai duh
brei”. Hu mbaok tame Harei pataom, hu 20 kapul di cong an 20 tinh, ban ye :
Nghệ An, Quảng Nam, Lâm Đồng, Gia Lai, Khánh Hòa, Cần Thơ, ban raya Hồ Chí
Minh... Tapa nan piah pathau khan ilamu hadah hadai di cong an bhapbini tapa 70
thun dak
/ Dalam dom bilan akaok
thun 2015, langik tasik oh lagaih saong pandiak bhang rah tabiak di rilo labik
ngak kan kandah tal bruk pala drak saong rai diuk di bhap bini dom tỉnh di bhum
kreih negar saong Tây Nguyên. Piah khik kajap an sinh xã hội ka bhap bini gaok
kan kandah kayua bala meng langik tasik, mintri lao động – thương binh saong xã
hội hu công văn 1495/LÐTBXH-BTXH payua ka UB bhap bini 10 tỉnh Quảng Nam,Quảng
Ngãi, Bình Ðịnh, Phú Yên, Ninh Thuận, Khánh Hòa, Kon Tum, Gia Lai, Ðắc Lắc,
Bình Thuận ka bruk daong bhap bini bhum pandiak bhang. Abih tih pandap daong
nan lac 900 bồn katak caik ia praong 300 lít saong 2.700 hộp pametai anek ruak
Aquatabs tui yaom jien abih tih 1 tỉ 135 triệu đồng.
# Piah daong jhul pasamar bruk peih ngak danakdak pala veik phun caphe tui njauk bruk ba tabiak, uy mban bhapbini tinh Lam Dong barau brei kaoh tabiak meng kadung jien karja 12 ty dong daong jien blei phun pajaih ka dom sang kan kandah. Tui nan, dom sang kathaot, jaik si kathoat, bhapbini bangsa takik dalam tinh Lam Dong tuk blei phun pajaih ca phê bahrau piah pala veik, pasiam pajaih caphe taha brei nang suat bair di sang hu tinh daong tal 80% yaom phun jien. Dom sang, menuac urang karei caong pasaim pajaih caphe jeng hu tinh daong 60% yaom phun jien.
/ Pandiak bhang, kurang ia pruh di bilan
pandiak lac makna ngak ka năng suất cà phê di Tây Nguyên trun atau khat lahik
abih. Piah daong ka urang nông gam patak pataom ia pruh, gam khik hu năng suất
ka phun cà phê, viện ilamu kỹ thuật nông lâm nghiệp Tây Nguyên daok peih dom
jalan pambak praong công nghệ pruh barau saong yaom jien takik, ba mai kein
laba biak cambaih laih, peih tabiak jalan ngak siam ka bruk ia pruh dalam bilan
pandiak.
# Tukvak jaik ini, di huyện Thống Nhất, tỉnh Đồng Nai mboh hu veik bruk bọ đậu đen bak kapan dalam sang, ngak kan nadah ka bruk daok dang, ngak mbang ngak huak yaok harei di bhapbini. Rilo harei ini mai, bhapbini di xa Quang Trung, huyện Thống Nhất, njauk daok dalam sang hu bọ đậu đen bak kapan, dauk di grauk labik, mbau hăng. Dom sang hu pandar rilo janih jru pruh côn trùng min dom harei hadei bọ đậu đen oh trun takik bo daok hu rilo jang, yaok harei hu sang mek pataom yaok ratuh ký.
Patui
di ini dom khau tin dunya:
/ Talei
pambuak bruk di Anh saong LMCA nan lac sa dalam dom kadha praong hu ba tabiak ndom
biai dalam mbang bầu cử thun ini di Anh. Thủ tướng Đavít Ca-mơ-rôn di đảng Bảo
thủ ndom lac meyah đắc cử ong brei peih bruk trưng cầu ý dân di puac thun 2017
ka bruk nao atau daok veik LMCA.
# Hạ viện Ca-na-đa barau brei tapa dự luật pacang khủng bố brei peih praong quyền di gah tình báo taneh ia ini. Tui dự luật, cảnh sát hu ba mbuan lagaih jang piah cap mek saong kareik dom urang sahaneng lac khủng bố. Langiu di nan, gah tình báo Ca-na-đa hu quyền cakak âm mưu khủng bố saong gián điệp gah langiu Ca-na-đa.
/ Gah y tế dunya brei thau , dom urang
metai kayua jit Ebola urak ini meda tapa 11 ribau urang. 3 taneh ia njauk gaok
kan kandah di abih kayua jit Ebola nan lac Xi-ê-ra Lê-ôn, Li-bê-ri-a saong
Ghi-nê. Tui nan, 3 taneh ia ini hu 26 ribau 593 urang njom Ebola saong labaih
11 ribau urang metai kayua jit ini./.
Viết bình luận