Khaw tin 15/4 19h saong 6h30 harei (16/4) 

#Di trụ sở rajaei, UV mintri chính trị, phaok Thủ tướng Nguyễn Xuân Phúc pan akaok nyaom biai tapak kiểm điểm bruk giải phóng mặt bằng song khik ramik siam mekre jalan mbak pabak ka bruk peih ngak dom danak dak peih prong jalan roya 1 di tỉnh Quảng Ngãi song Phú Yên.

Tukvak tapa 2 tỉnh Quảng Ngãi song Phú Yên hu rilo kham merat, pasiam dom kan kandah dalam bruk giải phóngmặt bằng song jao njauk panuac sinya, dalam nan QN dahlau di harei 30/6/2014 song Phú Yên dahlau di harei 30/4/2014. Min dut song panuac caong di Phó Thủ tướng Nguyễn Xuân Phúc ye bruk giải phóng mặt bằng dok veik di 2 tỉnh Quảng Ngãi song Phú Yên kan si ngak njauk tui hatai khin. Di nyaom biai, mintri jalan mbak pajeng ba hu panuac caong dom po công trình hạ tầng kỹ thuật kham merat pambuak bruk khang kajap jang song puk palei. Mban khik ramik danak dak, po đầu tư samar parabha jien song jhul pakhang jang bruk panduan ba danak dak dalam labik giải phóng mặt bằng bloh dahlau harei 31/5/2014. Abih di nyu nan lac, dalam tukvak dok cang sarak di rajaei, dom palei pala daok ieu pataom dom phun jien piah samar padang dom labik dok bharau ka bhap bini njauk tui panuac sinya

# mintri Tài nguyên saong Môi trường pambuak bruk saong 63 Sở Tài nguyên saong Môi trường dalam taneh ia barau peih var ndom biai tapak piah langyah dom  tangi sua di bhapbini saong doanh nghiep ka bruk khik ramik di  karja  gah tài nguyên môi trường.

 Di var pagaiy harei 15/4, hu jaik 1 rabau panuac tangi sua di bhapbini saong doanh nghiep payua tal akaok mintri Tài nguyên - Môi trường, dalam nan hu tal 85% panuac tangi pambuak tal gah taneh riya, daok veik lac gah karei ye khik ramik khoáng sản, halau ia. Langiu bruk langyah dom tangi sua di bhapbini saong doanh nghiep, var ndom biai tapak hu jeng jalan praong, siam lagaih piah pathau khan, brei thau sarak, adat hukum ka dom gah tai nguyen saong moi truong tal bhapbini saong doanh nghiep. Tapa dom panuac tangi sua, akaok mintri tai nguyen moi truong saong dom so tai nguyen moi truong puk palei jeng thau hu dom kan kandah, tavak tavaiy di bruk dak padang saong peih ngak sarak, adat hukum di nganh piah roh duah, pasiam, pabak brei ka nyu njauk; saong daok tacei pato dom gah di mintri, dom So langyah samal ka bhapbini.

#Tui ong Đỗ Hà Nam, phaok akaok  Hiệp hội amriak kalu VN, tui kuhria thun 2014, sản lượng amriak kalu hu labaih 150.000 tấn,, rilo jang labaih 30.000 tấn dut song thun dahlau. Bruk njauk biai nan lac, urang pala amriak kalu di VN thau khik yaom amriak kalu. Dom thun tapa, tuk yaom amriak kalu di dunya nyu trun, urang nong song DN dalam negar padeih pablei piah cang yaom tagok veik. Yau ye 3 bilan akaok thun 2013, tuk yaom amriak kalu dang di tanut ala 120.000 đồng/kg, urang nong pablei tabiak takik, dok thun ni, yaom amriak kalu hu tuk tagok tal 140.000 đồng/kg, urang nong song DN mboh lac yaom siam yau nan ye pablei tabiak rilo jang.

      # Jit saluah camboi papaok kakau hu mboh veik di tapon kabao, limo di huyen Loc Ha, tỉnh Hà Tĩnh saong kabao, limo ruak lac 20 drei, pataom tame di dom xa Hồng Lộc, Bình Lộc, Thạch Bằng. Ủy ban bhapbini tỉnh Hà Tĩnh barau  padang sa bilai dut iek jit anek athur gah meraong di jalan roya 1A labik nao tapa xa Ky An, huyen Ky Anh piah daong cakak jit ruak pambak tame tinh. Bilai dut iek jit ruak ini ngak bruk meng ini tal abih harei 15/5 tal. Piah daong cakak oh caik ka jit pambak praong, bilai thu y huyen Loc Ha brei labaih 120 lit jru saong 5 tan cur tapung ka dom xa hu ruak piah pametai jit ruak, ngak hacih mblang raong, taphia nan, pandar dom sang hu kabao, limo sanya oh raong palao tuk oh ka abih ruak. 

# Peih ngak danak dak patagok pandap padang ngak oh am cuh tal thun 2020 di rajaei, UB bhap bini tỉnh Phú Yên bahrau patabiak Chỉ thị patrun patakik bruk ngak kiak meng haluk am cuh song tagok bruk pandar pandap padang ngak oh am cuh. Tal abih thun 2014 di tỉnh Phú Yên oh dok labik ngak kiak thủ công, labik ngak thủ công hu salih bahrau ngak kaik meng haluk am, tal abih thun 2020 oh dok dom labik ngak kaik  haluk am meng ging dang. Dom labik ngak kaik haluk am hu ngak meng ging vòng pandar nhiên liệu hóa thạch song ging vòng pandar phế liệu di gah ngak nong khin peih ngak suai di abih tal thun 2017 jeng salih tapa ging lò tuy nen.

# Sở Giao thông Vận tải tỉnh Ninh Thuận barau padang kapul dut iek dom tatua tatuan dan sinh dalam tinh. Tỉnh Ninh Thuận urak ini hu 7 tatua tuan di 4 huyen huyện Bác Ái, Thuận Nam, Ninh Hải saong Ninh Sơn. Ini lac dom tatua tuan talei sa gar, hu thiet ke trak meng 50 tal 100 kg/sa met vuong. Anak bruk nan, Sở Giao thông Vận tải caong khin dom puk palei peih bruk ramik pasiam, saong brei ngak bien brei thau tai trong saong bien tacei pato cambaih di dua gah akaok tatua piah khik caga an toan, mbuan lagaih ka menuac urang saong ridaih tho so tuk nao tapa tatua. 

# 84 urang hu Sở LĐTB saong XH ban raya hCM pilih ruah nao pakacah tangin gheih ngak ranaih umo pakat negar. Bruk nan hu khan brei thau di mesup harei 15/4. Dom urang nan hu pilih ruah meng labaih 200 urang hu mbaok tame pakacah tangin gheih ngak raniah umo ban raya hCM thun 2014. Dom labik hu rilo menuac nao pakacah nan lac: sang bac trung cấp nghề Kỹ thuật Công nghệ Hùng Vương, ĐH Công nghiệp ban raya HCM saong sang bac CĐ bruk ngak ban raya HCM . Dom urang mek hu giải hu pasram megru piah paglaong ilamu piah nao pakacah Tangin gheih ngak ranaih umo pakat negar, patui jalan nao pakacah tangin gheih ngak ranaih umo ASEAN mbang ka 10 hu peih tabiak di VN.

Nhạc cắt  

Khaw tin dunya

8 # Bruk duah sruh kapal ahaok MH370 di hãng kapal ahaok Malaysia lahik meda ngak khat lahik rilo abih kuhria meng dahlau mai di gah kapal ahaok, ngan saong yaok pluh taneh ia daong tame ka bruk nao duah. Mbang  duah dui atah tal urak ini lahik jaik  44 triệu đo la mỹ saong hu mbaok gah quan su di rilo tane ia ngan saong kapal ahaok, kapal, dom pandap pang ala ia saong ve tinh. Ong Christian Le Miere di  Viện dunya roh duah ka Sách lược kuhria mboh lac, ta-eng Trung Quốc abih jaik  15 triệu do la my dalam bilan bloh piah daong duah MH 370.

#Tui khau tin di dom blah mbao di Italy, menuac nao tapa tasik Địa Trung Hải piah tame Italy daok suan hukum dak harei dak rilo, ngak brei Italy hu panuac caong châu Âu daong. Akaok Mintri Nội vụ Italy brei thau, bruk hu rilo kapal nduac tame ngak ka bruk cứu hộ saong langyah di anak meta dom bruk njauk ngak chip yau ye y tế, an ninh, hậu cần daok gaok kan kandah saong bruk daong brei 80 triệu euro di Liên minh châu Âu oh ginup ka bruk yau urak ini. Anak bruk yau ini, yaok harei  rajaei Italy brei mesraiy 300 ribau euro, samu 9 triệu eiro yaok bilan, piah cứu hộ dom baoh kapal angaok tasik.

# yaok rabau drei menuk barau cuh klak di tinh Cư-ma-mô-tô (Kumamoto), gah Tây Nam Nhật Bản piah pacang cakak bruk patuh tabiak chung kum menuk ada H5. Karja tỉnh Cư-ma-mô-tô brei thau, urang hu cuh klak abih tih 112 rabau drei menuk di sa trang trai dalam ban sit Ta-ra-gi (Taragi) saong sa trang trại karei di palei Xa-ga-ra (Sagara). Bruk cuh klak menuk ada ini hu peih ngak hadei di harei  13/4 meng blaoh, mau ruak di dua drei menuk di tinh Cư-ma-mô-tô brei mboh dương tính saong chủng kúm H5. Dom urang dang akaok tỉnh ini brei thau, dom trang trai hu menuk ada barau ba nao cuh klak jeng hu pruh jru pametai jit piah khik caga an toan. Piah daong cakak virut kum pambak tapa, karja tinh jeng daok pandar dom trang trai raong menuk daok vil val 3km taphia trang trai di ban sit  Ta-ra-gi saong trang trại di palei Xa-ga-ra takik ba menuk ada saong baoh tabiak truh labik raong. Langiu di nan, dom trang trai karei daok vil val 10km taphia dua trang trại ini jeng oh brei ba menuk tabiak truh labik.