# Dalam van ngak bruk akaok meti di mbang nyaom 28, Ủy ban Thường vụ Quốc hội hu brei panuac ka Harak pathau khan pabak tame di Raja-ei taong yaom dom bruk ngak hu dalam danak dak patagok kinh tế - xã hội saong kadung jien karja thun 2013; bruk peih ngak danak dak patagok kinh tế-xã hội saong kadung jien karja dom bilan akaok thun 2014. Dalam panuac ndom peih mbaok mbang nyaom, Chủ tịch Quốc hội Nguyễn Sinh Hùng brei thau lac, mbang nyaom 28 di Ủy ban Thường vụ Quốc hội piah taong yaom mbang puac dom asal kadha ba tagok Mbang nyaom ka 7 di Quốc hội meda peih tabiak dalam dom harei tal. Rah tabiak dalam tuk bruk daok catang tagok dalam saong langiu negar, akaok Quốc hội Nguyễn Sinh Hùng pandar dom urang dalam Ủy ban Thường vụ Quốc hội langyah dalam dom kadha di bruk kinh tế xã hội, bruk đối ngoại di taneh aia, pasiam dom harak pathau khan ba tagok Quốc hội; taong yaom taong abih bruk kuhria caga piah peih ngak siam Mbang nyaom ka 7 di Quốc hội.

# Di jabat Rajaei, Phó Thủ tướng Vũ Văn Ninh hu taduan raok Akok mentri Jien padai Lào Liên Thi-keo daok rivang saong ngak bruk pak Viet Nam. Di var taom gaok nan, Phó Thủ tướng brei mboh hatai bui sambai anak talei rohim di Đảng, karja, bhap bini dua taneh ia dak harei dak cak tok patagok siam mekre, pambuak bruk di rilo gah. Pho thủ tướng pok meyaom dom bruk ngak hu di Mnetri Jien padai Viet Nam – Lào meng blaoh, hu pambuak bruk biak siam.

          # Labaih sa adit tapa, Raja-ei, bhap bani ralo negar dalam khu vực saong dunya abih di nyu lac bhap bani Việt Nam thei thei jeng pambaong tal bhum tasik, khang panuac lên án, phản đối dom bruk khiêu khích, ngak nguy hiểm, ngak lahik grap tanat, sron mbon, patagok di khu vực châu Á - Thái Bình Dương; đe dọa an ninh hàng hải, an ninh khu vực ASEAN; ngak brei catang jang bruk daok srau dhau di ralo labik angaok dunya. Pandik hatai ka bruk ngak di Trung Quốc, sa-ai Amina, gru pato sang bac Tiểu học Tân Hưng A, xã Tân Hưng, huyện Tân Châu, tỉnh Tây Ninh lac:

 # Kapul dam dara pakat negar saong Kapul urang gru jru Viet Nam ranaih umo peih bruk yaoh khan Harei pataom gru jru ranaih umo ngak tui Wa, halan hatian daong iek ruak ka bhap bini thun 2014. Piah caga ka hrei pataom, dom pakat hoi jak ba dom jabat, đơn vị, doanh nghiệp daong labaih 10 tỷ đồng jien jru. Tui kuhria dahlau, harei pataom meda hu mbaok di 6000 gru jru ranaih umo, iek ruak, brei jru saoh ka labih 100.000 bhap bini; blaic raic meta brei saoh ka 1.000 urang taha umo; pasram dom jalan sơ, cấp cứu ka 5.000 gru patao sang bac mầm non, tiểu học.

 # Gah Y tế tỉnh Bạc Liêu daok pataom tame bruk pacang caga ruak tangin takai cambuai daok mboh ralo dalam tỉnh meng bilan 4 tal ini ngan haong jaik 400 ranaih njauk ruak tame sang iek ruak. Bal Bạc Liêu saong huyện Hồng Dân nan lac dua labik hu uranaih tame sang iek ruak ralo di abih ngan haong labaih 100 adei.  Gah Y tế pambuak bruk khang kajap haong gah Pato megru Bạc Liêu dalam bruk pacang caga ruak ka ranaih pak dom sang khik ranaih, mẫu giáo dalam tỉnh, taphia di nan peih bruk pathau khan dalam sang bac saong angaok dom phương tiện thông tin piah ka manuac urang thau jalan pacang caga ruak, pathau khan tacei pato bhap bani peih ngak dom jalan ngak piah pacang caga ruak.

 # Pasak Roh duah saong Patagok bhap bini palei pala pambuak bruk saong Kapul urang ngak bein tỉnh Trà Vinh peih bruk nghiệm thu 100 lubang Biogas Composite camereip hu ngak ka 100 baoh sang raong glang dalam tỉnh. Bruk ngak lubang Biogas Composite hu padang ngak meng danak dak patagok Biogas tui jalan darak pasar di dom tỉnh bhum taneran kraong Cuu Long saong tỉnh Trà Vinh hu 600 baoh sang raong athur hu daong. Tui bruk ba tabiak, meng ini tal thun 2020, di dom tỉnh dalam bhum taneran kraong Cuu Long, Pasak Roh duah saong Patagok bhap bini palei pala brei kham merat jak ba, daong ngak takik di abih 600 lubang Biogas Composite ka yaok tỉnh piah pambak praong, daong ka mikva urang ngak nong patak pataom phun jien, pandap cuh, rik daong patrun patakik bruk nerak tachrauk alam moi truong kayua raong glang.

 # Bahrau ini, Cổng thông tin điện tử Raja-ei peih bruk ndom biai tapak ngan saong kadha Ngak iek palih ruah 500 trí thức ranaih halar hatian nao ngak bruk pak dom xã hu mbaok tame patagok palei pala, bhum ceik tukvak 2013-2020. Đề án ngak iek palih ruah trí thức ranaih halar hatian mai ngak bruk pak dom xã hu mbaok tame patagok palei pala, bhum ceik tukvak 2013 - 2020 (iew katut lac Đề án 500) hu Thủ tướng Raja-ei mboh tangin harei 30/9/2013. Bruk ngak di đề án piah kham merat tal thun 2015 palih ruah hu 500 trí thức ranaih naih gheih, hu ilamu đại học ba mai ka 500 xã daok dalam bhum hu điều kiện kinh tế - xã hội biak kan kandah piah ba nao ngak dom bruk dang akaok tui caong khin di yaok xã piah daong ka pakat ủy, karja saong bhap bani dom puk palei patagok kinh tế - xã hội, daong patruh eik patrun kathaot  padang ngak palei pala bahrau.

Khaw tin dunya

 # Sa urang ngak praong pakat glaong di Mỹ birau brei thau dom bruk ngak di Trung Quốc dalam dom bruk merak gauk di tasik saong dom taneh ia jiak taphia di  tasik Hoa Nam daok ngak catang tagok talei rohim Mỹ -Trung Quốc saong ngak  tamuh tagok panuac tangi sua lac Washington meda pambuak bruk saong Bac Kinh di chau A saong dom bruk di dua gah halei oh. Urang jakar nan daok brei thau lac, Mỹ daok pambuak bruk khang kajap saong Rajaei Viet Nam ka “ jalan ngak siam lagaih di abih piah langyah” bruk meriak gauk di Ha Noi  saong Bac Kinh hadei di tuk Trung Quoc ba padang gian khoan Hải Dương-981 di bhum tasik bo dua gah  thei jeng lac po. Hu thau, Phó Tổng thống Joe Biden saong dom urang jakar karei di My hu ndem saong Tổng tham mưu trưởng Quân Giải phóng Bhap bini Trung Quốc, Tướng Phòng Phong Huy lac bruk ngak di Bac Kinh dalam dom bruk merak gauk di tasik nan lac “nguy hiểm, khiêu khích” njauk padeih chip.

 # Dalam mbang họp báo bahrau ini pak Quai d’Orsay, jabat Mentri Ngoại giao Pháp, ndom ka dom hagait daok rah tabiak catang angaok bhum tasik hadei di tuk  Trung Quốc ba padang giàn khoan Hải Dương 981 pak bhum tasik di Việt Nam, Urang tabiak panuac di Mentri Ngoại giao Pháp hu brei mboh hatai suh sah ka bruk daok catang tagok dalam khu vực. Pháp hu panuac iew dom gah brei mboh bruk kiềm chế tal tanut glaong di abih saong langyah bất đồng tui dom jalan  hòa bình haong đối thoại.

# Rajaei Mexico birau brei thau tukvak birau dalam bruk kham merat chap mek dom kapul nyaom tôi phạm jru phien, palahik dom jalan pajeng ba saong paglaong angan je gah cảnh sát di mbang Tamaupolis. Tui bruk ba tabiak,  Tamaupolis hu parabha jeng 4 khu vực an ninh, dang kaok nan lac sa urang tương quân đội. Hệ thống tình báo quân sự brei pabak tame. Gam tui nan, rajaei brei pasang iek veik taong baih gah cảnh sát mbang saong dom pakat palei jeng yau urang Jabat Công tố mbang piah atah klak dom urang tham nhũng atau hu pambuak pagam tal kol tội phạm./.