# Page harei 18-3, pak tỉnh Thái Nguyên, Ủy ban dom kadha xã hội di Quốc hội hu peih nyaom biai klah rabha kết quả pathau khan roh duah ka bruk patrun kathaot khang kajap pagam haong patrun bruk chênh lệch mức sống saong mek panuac ka Dự thảo đề cương pathau khan kết quả pasang iek bruk peih ngak sarak hukum patrun kathaot tukvak 2005-2012. Pak nyaom biai, dom urang lambaok brei thau: Makna di bruk patrun kathaot di Việt Nam oh ka khang kajap nan kayua hu biak ralo sarak pambuak pagam tal min bruk tacei ba, peih ngak daok suai damuai; oh ka khai thác, ieu pataom hu pren khang pak labik dalam bhap bani; bruk mong akaok, pagam pambak tame Karja jeng daok hu mboh di dom puk palei saong urang kathaot. Langiu di nan, bruk khik ramik, pasang iek bruk parabha, pandar phun jien daok cadu, daok kateik angaok gauk…ba tal bruk pandar pren khang ka bruk patrun kathaot daok biar. Gam haong nan lac bruk oh samu gauk ka cơ hội saong jien mek tame

# Dalam dom kadha di “Danak dak padang ngak Đà Nẵng meda pacang caga hu” kayua Kadung jien Rockefeller Hoa Kỳ daong, page harei 18 bilan 3, Uy mban ban sit Da Nang saong Viện roh duah salih birau alam moi truong xã hội Hoa Kỳ di Việt Nam pambuak bruk peih Nyaom biai “ jalan cak rok patagok đô thị lagaih saong ribuk ia sua di Da Nang”. Ban sit Da Nang daok dalam bhum bhian gaok kan kandah kayua ribuk ia sua, kuhria rah tapa yaok thun hu meng 2 tal 3 mbang ribuk ia sua ngak khat lahik trak gah kinh tế.. Meng bruk manuac sia dak harei dak rilo, không gian đô thị peih praong, dom urang ilamu, urang roh duah dalam taneh ia saong dunya hu ba tabiak dom jalan ngak suai lavik, daong ka Da Nang hu jalan quy hoạch, padang ngak cak rok patagok ban sit meda pacang caga hu ribuk ia dauk. 

# Page harei 18/3, pak Đồng Nai, Rayo papar sap, papar binguk Đồng Nai peih họp báo ka Vòng sơ khảo Harei pataom papar sap pakat negar mbang ka 11 thun 2014 bhum gah Meraong. Vòng sơ khảo harei pataom papar sap bhum gah meraong meda rah tabiak meng harei 26/3 tal harei 28/3 pak Pasak ilamo văn miếu Trấn Biên, bal Biên Hòa, tỉnh Đồng Nai. Tal tukvak ini, hu blaoh 77 tác phẩm di dom thể loại: phóng sự, phỏng vấn, câu chuyện truyền thanh saong danak dak tổng hợp meng 21 Rayo papar sap papar binguk bhum gah meraong payua mai pakacah. Taong abih 21 Rayo nan jeng hu thể loại phóng sự tame pakacah, dalam nan hu phóng sự ralo kỳ. Dom kadha pandiak daok hu sangka yau salih bahrau gah ppato megru, padang ngak palei pala bahrau, khik ramik saong patagok ilamu đờn ca tài tử gah meraong, y đức…hu jeng asal kadha hu ndom tal dalam ralo tác phẩm. Tal tukvak ini, bruk kuhria caga ka asal kadha, kỹ thuật, labik ka vòng sơ khảo hu blaoh blai, cang tal harei pataom di kapul urang vak báo dalam bhum. Tui kuhria, vòng chung khảo Harei pataom papar sap pakat negar meda hu peih tabiak di tỉnh Lâm Đồng dalam bilan 4/2014. 

# Khoa Cấp cứu, Sang iek ruak nhiệt đới Trung ương daok iek ruak ka rio urang ruak kum AH1N1 trak. Dom y bac sĩ kakei mikva juai iek lap janih jit kum bhian mboh ini. Dom y bac sỹ khoa cấp cứu, Sang iek ruak Nhiệt đới  Trung ương brei thau, oh lac kum AH5N1, AH7N9 meng mbuan metai bo kum bhian bilan, dalam nan hu kum AH1N1 jeng meda ngak njom ruak viêm phổi trak, kan suak yawa, mbuan ba tal metai kayua kan suak yawa saong suy đa tạng. Yau nan ye, urang ruak juai iek lap. Piah caga ruak, njuak khik ka rup pabhap yau ini: rao tangin meng japon; juai ba tangin tagok meta, idung, pabah; pacang pabah saong idung tuk patuh atau bahar saong meda klauk vaccin piah caga ruak. Dom mbang pandiak glaong, kan suak yawa njauk brei ba tame dom balai y tê chip.  

# Anak bruk dom tỉnh, bal kurang vắc xin pacang caga ruak thủy đậu, dalam tuk jit ruak ini dak harei dak pambak prong, Cục Khik iek Jru tavao (Mintri Y tế) bahrau hu harak brei thau ka bruk pasiam veik tình trạng ini: Cục Khik iek jru tavao hu harak tacei pato Sở Y tế dom tỉnh, bal dom labik ngak tabiak, pablei salih, blei tame, tut angan pablei salih vắc xin samar peih ngak dom jalan tui bruk ngak di drei piah grap tanat bruk pabak ginup jru. Cục Khik iek Jru tavao hu brei adat blei tame chip 77.800 mbang vắc xin thủy đậu tui harak adat blei tame oh ka hu số đăng ký. Ini lac jalan ngak samar drah piah grap tanat cung ứng vắc xin tuk jit ruak daok tamuh tabiak phức tạp yau urak ini. Urak ini 20.000 mbang vắc xin hu số đăng ký daok hu  Viện Kiểm định pakat negar Vắc xin saong sinh phẩm y tế brei ngak dahlau bruk kiểm định samar drah saong tui kuhria dahlau meda hu parabha nao tal labik klauk jru piah pabak ka bruk pacang caga ruak di bhap bani dalam tukvak anak tal.

# Baoh tapuk “Dahlak nao bac” di gru pato naih joi Nguyễn Ngọc Ký birau hu Sang patabiak tapuk Trẻ brei tabiak gilac saong ba tame tu tapuk Asar pajaih suan thap. Hadei 45 thun meng tuk patabiak, ““Dahlak nao bac” nan lac sa baoh tapuk hu makna biak praong  ka jaln sahaneng, hatai kham bac da-a, daong ka urang puac tapuk hu thau ka sa urang naih gheih, yau salabik pandia tame piah yam tapa dom kan kandah dalam raidiuk. Dalam mbang in ini, baoh tapuk “Dahlak nao bac” hu ngak birau meng blah langiu tal asar kadha dalam nyu; gam hu pabak dom kadha bo gru Nguyễn Ngọc Ký caong khin payua tal urang puac tapuk, hadei tuk vak biak suai lavik diukrai ngan saong baoh tapuk “Dahlak nao bac”.

Khaw tin dunya

# Urang vak di rayo sap ndom Viet Nam daok pak Trung Quốc brei thau: Akaok negar Trung Quốc Tập Cận Bình  meda hu mbang taom gaok haong Tổng thống Mỹ Ôbama langiu di Nyaom biai pakat glaong an toàn hạt nhân mbang ka 3 peih tabiak pak bal La Hay di Hà Lan dalam dua harei  23 saong 24 bilan 3 anak tal. Ini lac mbang gaok ka 2 di Akaok negar Trung Quốc Tập Cận Bình haong Tổng thống Mỹ Ôbama. Mbang gaok camereip di akaok negar Trung Quốc Tập Cận Bình saong Tổng thống Mỹ Ôbama rah tabiak di bilan 6 thun blaoh, dalam nan dua gah njauk gauk brei padang ngak mô hình “talei pambuak bruk negar prong kiểu bahrau” ngak takai ka talei pambuak bruk nao mai di dua gah patui khik veik bruk gam pambuak bruk gam meriak gauk, min oh ba tal cagar gauk khang.

# Harei 18 bilan 3, mbao chi Thái Lan hu ba khaw tin biak rilo ka phản ứng di Rajaei saong gah cagar veik pambak tal panuac di 6 jabat độc lập ka bruk pilih ruah dom urang ´dang kreh” piah pambuak talei peih bruk ginum biai di dua gah piah langyah dom bruk srau kadauk gah chính trị di Thái Lan yau urak ini. Tui mbao chi Thái Lan jalan sahaneng di Rajaei saong gah cagar veik daok rilo kadha karei di gauk. Bruk duah dom urang “dang kreh” hu dua gah njauk gauk oh lac mbuan. Yau nan ye, bruk ginum biai di Rajaei saong gah cagr veik tui jalan ngak yau nan meda biak kan kandah; abih di nyu nan lac dalam tuk dom hukum Thái Lan daok hu dom phán quyết ba tal kan kandah ka Rajaei.

 # Tổng thư ký Liên hợp quốc Ban Ki Mun (Ban Ki-moon) mboh huac lac, dom mbang cuh iek tên lửa bahrau abih di Cộng hòa dân chủ bhap bani Triều Tiên meda ngak patagok bruk srau dhau di khu vực. Raja-ei Trung Quốc jeng hu panuac lac Triều Tiên daok caga daok la tame bàn ginum biai saong pok sap iew dom negar pambuak pagam tal jeng hu jalan ngak yau nan. Yau nan min, Hàn Quốc, Nhật Bản saong Mỹ hu panuac pandar Triều Tiên dahlau di abih njauk brei mboh hatai tapak, tah klaak hạt nhân meng bruk ngak cambaih laih dahlau di tuk pambuak gilac bruk ginum biai. Dalam sa bruk pambuak pagam tal, Akaok kapul ginum biai 6 gah di Trung Quốc Vũ Đại Vĩ harei kabroi hu nao tal bal ine Bình Nhưỡng di Triều Tiên.