# Harei 19/8, Công an bal raya Hồ Chí Minh peih bruk tabiak mbaok 3 balai cảnh sát giao thông cửa ô daok dalam Phòng cảnh sát giao thông jalan mbak, jalan pasei. Nan lac: balai cảnh sát giao thông  Đa Phước, Balai cảnh sát giao thông Tân Túc saong Balai cảnh sát giao thông Tây Bắc. Nao tame ngak meng harei ini, balai Đa Phước meda đảm nhiệm labik jaik taphia bal raya Hồ Chí Minh haong tỉnh Long An gam haong dom canah jalan trọng điểm tame tabiak dom pabah lamnge bal raya. Balai Tân Túc chịu trách nhiệm labik pabah mbang gah Tây Nam bal raya Hồ Chí Minh gam haong dom canah jalan trọng điểm yau: tuyến Quốc lộ 1- jalan Bình Thuận- Chợ Đệm, tuyến jalan ba tagok cao tốc meng giáp jalan cao tốc bal raya Hồ Chí Minh – Trung Lương tal giáp jalan Trần Đại Nghĩa. balai Tây Bắc đảm nhiệm labik pabah mbang gah Tây Bắc bal raya haong tuyến jalan trọng điểm Quốc lộ 22.

# Tui Pasak duah bruk ngak tỉnh Đắc Nông, meng akok thun mbiah tal ini, pasak hu peih 60 mbang yaih khan bruk ngak tal dom palei piah pathau khan, tacei pato, duah bruk ngak ka urang ngak, pachreih hu 3.200 mbang urang mai pataom mbaok. Tapa nan, hu 435 urang tut angan ngak bruk dalam negar, 327 urang tut angan nao ngak bruk negar langiu. Pasak duah hu bruk ngak dalam taneh ia ka 103 urang saong bruk ngak di negar lingiu ka 20 urang, pato bruk ngak piah nao ngak bruk di  negar lingiu hu 192 urang.

# Jabat pambuak bruk dunya Nhật Bản bahrau mboh tangin daong labaih 3,6 triệu USD phun jien ODA di raja-ei Nhật Bản ka dự án Roh duah xử lý chất thải dalam raong glang kaya ikan dalam aia, panduan salih jeng năng lượng điện tapa pin nhiên liệu khang thế hệ bahrau – daong ngak brei patagok khang kajap bhum taneran kraong Cửu Long di sang bac Đại học Quốc gia bal raya  Hồ Chí Minh. Ini lac dự án piah langyah dom kadha pambuak pagam tal xử lý aia, chất thải hữu cơ... pak Bhum taneran kraong Cửu Long. Tukvak peih ngak dự án nan lac meng bilan 4.2015 tal bilan 3.2020.

 # Meng akaok thun tal ini, dalam negar hu mboh 40 urang metai kayua ruak gila, ralo meng mboh di 20 tỉnh bal gah Barak. Nghệ An, Hòa Bình, Yên Bái, Thanh Hóa, Lai Châu saong Hà Nội (yaok labik hu meng  3 tal 4 urang). Yaom lac takik jang 9 urang dut haong tukvak ini thun dahlau, min menuac metai kayua ruak ini jeng daok glaong. Kayua yau nan ye, bruk pathau khan njauk pataom tame ngak brei paglaong bruk klauc vắc xin pacang caga ruak gila ka tapul asau, meyao. Taphia di nan, klauc vắc xin pacang caga ruak gila hadei di tuk njauk asau kaik nan lac jalan ngak siam abih meda daong plaih metai ka urang ruak.

# Tui Mban Khik ramik Kalan Chủ tịch Hồ Chí Minh, meng harei 5/9 tal abih ahrei 5 bilan 12, Kalan Chủ tịch Hồ Chí Minh saong Đài pahadar dom anh hùng liệt sỹ brei padeih bruk rivang sirah, pahadar piah pasiam veik dalam thun 2014. Bruk rivang sirah Chủ tịch Hồ Chí Minh saong pahadar dom anh hùng liệt sĩ hu peih tabiak veik meng harei 6 bilan 12.

 # Bahrau ini di baha Ninh Tịnh, ban sit Tuy Hòa, tỉnh Phú Yên, pasak Roh duah Ilamu Cam Ninh Thuan hu taduan ghol jeik Sa Huỳnh kayua urang duah pataom pandap klak  Lâm Dũ Xênh (daok di Châu Ổ, Bình Sơn, Quảng Ngãi) alin brei. Ghol jeik Sa Huỳnh ngak meng gluh lan am, tui ilamu Sa Huỳnh, akaok samar Campa hu umo labaih 2000 thun, hu duah mboh di palei Gò Quê, xã Bình Đông, huyện Bình Sơn, tỉnh Quảng Ngãi di thun 2002. Urak ini, ghol jeik hu ba mai Pasak Roh duah Ilamu Cam Ninh Thuan saong hu parang tabiak ka menuac sia daok dalam saong lingiu tỉnh maong iek meng bilan 8 thun 2014.

# Dom harei tapa, bruk glut jaleih tapen krong di tỉnh Bến Tre daok rah tabiak khang; yaok rituh baoh sang daok jaik taphia labik glut jaleih hu karja palei daong yah sang ba tame labik tái định cư min jeng oh ka tame daok.  Piah caga bruk glut jaleih, dom baoh sang daok pak dom labik mbuan glut jaleih palih ruah jalan ngak lac, glut tal halei panduan sang daok tal nan; oh khin tame labik tái định cư kayua yaom daong biar meng 20 tal 25 triệu đồng sa baoh sang. Urak ini tỉnh Bến Tre hu 18 labik glut jaleih tapen kraong, tapen tasik njauk samar brei pasiam veik. Ong Lê Văn Hậu, daok pak xã Long Hòa, huyện Bình Đại 2 thun dahlau hu yah sang ba tame min bruk glut jaleih jeng oh ka mboh padeih, khan lac:

(Băng: Bhap bani di labik ini tuk hu mbang nyom QH, HĐ bhap bani tỉnh jeng hu panuac caong brei ngak ar pacang atau hu jalan ngak yau halei piah pacang cakak glut jaleih. Saong bahrau blaoh hu gah chức năng mai dut ralo  mbang min tal harei ini jeng oh ka mboh peih ngak.)

Khaw tin dunya:

# Thủ tướng Hun Sen – Phó Akok Đảng Bhap bini Campuchia pan rajaei brei thau, 123 nghị sĩ quốc hội Campuchia di đảng pan rajaei saong gah cagar veik harei 26 bilan 8 hu buh phiếu palih ruah urang tagok pan akok jabat hukum ini. 55 nghị sĩ Đảng Daong bangsa Campuchia gah cagar veik meng akok bilan ini brei padeih 10 bilan atah klak quoc hoi hadei di tuk thủ tướng Hun Sen saong Akok Đảng daong bangsa Campuchia Sam Rainsy langyah hu bruk kandah gauk ka bruk palih ruah meng thun blaoh. Tui nan, Đảng Daong bangsa Campuchia brei ngak pho akok Quoc hoi saong pan kaok 5 dalam 10 ủy ban di jabat hukum. 

# Dom urang ngak prong di Liên minh châu Âu bahrau hu panuac brei thau veik bruk pachreih tui di khối ini ngan haong Irắc dalam bruk mesruh pacang kapul Karja Hồi giáo. Brei panuac hadei di mbang taom gaok dom urang pal akaok Irắc dalam mbang tapa rivang bal ine Bátđa haong Uỷ viên iek bruk ngak pahla châu Âu Kristalina Gêôgiêva (Kristalina Georgieva), Ngoại trưởng Thụy Điển Cáclơ Bintơ (Carl Bildt) brei thau “Liên minh châu Âu njauk hatai haong gauk lac, khaol dahlak ngak abih bruk piah daong ka raja-ei Irắc, meng trung ương, tal puk palei saong khu vực, piah taong tayah nyaom Karja Hồi giáo, kayua nan lac mối đe dọa tapak oh lac cagar veik  Irắc saong bhap bani negar ini, bo daok cagar veik  manuac sia dunya”.

 # Mentri Ngoại gaio Nga birau ini hu panuac lac Ukcraine daok ngak brei blait jalan kham merat di Moskva piah daong ka bhap bini di dom bhum palei mesruh metak gah timur Ukraine. Tui jabat nan, Ukraine daok patagok dom bruk quân sự piah cakak klaoh jalan bo dua taneh ia hu njauk gauk brei kapul radaih pajeng pandap daong ngak pahala di Nga meda nao tame tal ban Lugansk.