# Page harei 19-3, Akaok negar Trương Tấn Sang saong kapul urang lambaok pakat glaong negar drei tabiak truh Tokyo piah nao rivang bal Osaka dahlau di tuk tagok jalan gilac veik palei negar. Patao saong Hoàng hậu Nhật Bản hu nao tal Sang tuai pakat negar piah palao akaok negar Trương Tấn Sang saong hadiuk di gait. Dahlau di nan, akaok negar Trương Tấn Sang hu nao rivang Đại sứ quán Việt Nam pak Nhật Bản saong hu var ndom biai haong urang ngak bruk dalam Đại sứ quán gam haong lambaok bhap bani Việt Nam daok pak Nhật Bản.

# Mban tacei jalan Tay Nam bo birau peih bruk brei thau bruk pathau khan thun 2014 dalam bhap bini bangsa, agama bhum Tây Nam bo. Dalam thun 2013, Mban tacei jalan Tay Nam bo saong dom tỉnh, ban dalam khu vực hu peih bruk pathau khan ka labaih 12.000 mbang urang lac dom halau janieng, urang pan bruk agama saong bhap bini. Langiu di nan, Mban tacei jalan daok pambuak bruk saong Kapul urang kumei Viet Nam peih dom tal pato pasram bruk jak ba urang kumei bangsa, agama ka dom urang jakar kumei. Dalam thun 2014 ini, Mban Tacei jalan Tay Nam bo saong dom tỉnh, ban caga peih 55 mbang pataom mbaok pathau khan saong parabha jeng 2 mbang: mbang 1 hu 16 mbang, dalam bilan 6 bilan 7 thun 2014, mbang 2 hu 39 mbang, tukvak peih tabiak  meng bilan 8 tal bilan 11 thun 2014.

# Pak bal Vinh, tỉnh Nghệ An, Rayo sap ndom  Việt Nam bahrau peih pakak vòng sơ khảo Harei pataom papar sap pakat negar mbang ka 11 dom tỉnh bal gah Barak. Vòng sơ khảo Harei pataom papar sap pakat negar dom tỉnh, bal gah Barak thun ini kayua Rayo papar sap papar binguk Nghệ An dang tabiak peih ngak ngan haong bruk hu mbaok di 26 rayo papar sap papar binguk dalam khu vực, 17 hệ chương trình saong dom Ban papar sap chuyên đề di Rayo sap ndom Việt Nam. Meng 127 tác phẩm hu mbaok tame pakacah, pak vòng sơ khảo ini, mBan giám khảo meda palih ruah dom tác phẩm gheih abih tame vòng chung khảo harei pataom papar sap pakat negar mbang ka 11 hu peih tabiak di bilan 4 pak bal  Đà Lạt, tỉnh Lâm Đồng.

# Dalam mbang taom mbaok Hữu nghị Việt – Nga birau rah tabiak di ban Đà Lạt, tỉnh Lâm Đồng, 6 urang ilamu naih joi dang akaok gah năng lương nguyên tử, roh duah gah hạt nhân di Việt Nam hu Tập đoàn Năng lượng Nguyên tử Negar Nga alin brei Kỷ niệm chương gah công nghệ hạt nhân. Kỷ niệm chương mbang camereip hu Rosatom alin brei dom urang ilamu di Việt Nam, brei mboh bruk rik daong di dom urang ilamu ka bruk hiện đại hóa saong patagok gah roh duah hạt nhân di Đà Lạt. Patui bruk nan, Mentri Ilamu saong Cong nghe jeng hu alin  Kỷ niệm chương “Kayua bruk Khoa học saong Công nghệ” brei 13 urang ilamu pakat glaong di Nga bhian hu daong ka Viet Nam pasiam veik saong peih praong lò phản ứng hạt nhân Đà Lạt.

 # Trung ương Đoàn Dam dara Cộng sản Hồ Chí Minh bahrau brei thau  10 dam dara urang daok ranaih umo Việt Nam naih gheih thun 2013. Giải thưởng 10 “Urang ranaih umo Việt Nam naih gheih” nan lac Giải thưởng hu angan je glaong abih di Ban Chấp hành Trung ương Đoàn Dam dara cộng sản Hồ Chí Minh piah pok meyaom dom dam dara naih gheih, hu ralo bruk ngak siam dalam bruk dak padang saong khik caga taneh ia palei negar.  Tapa 17 thun palih ruah, Giải thưởng hu pok meyaom 170 dam dara urang daok ranaih umo hu ralo bruk ngak siam brei ka rahra.  

# Dalam 3 harei meng 18 tal 20 bilan 3, Bộ Chỉ huy Quân sự ban sit Cần Thơ peih bruk ngak “ Harei roya dam dara saong ilamu jalan mbak” piah pachreih tui bialn tabung glaong di “ Thun dam dara halan hatian – 2014” saong pahadar 83 thun harei padang Đoàn dam dara CSHCM. Jaik 600 urang jakar, urang lin mai meng dom đơn vị hu padang trại saong hu mbaok tame rilo bruk ngak tui kapul nyaom ngan saong dom kadha  yau ye: pasram, tui bruk an toàn giao thông, daoh tamia paglaong ilamu Đoàn dam dara dalam bruk parsam patia, bac megru, khik caga palei negar, abih di nyu nan lac bruk jak ba gauk dak padang trật tự kỷ cương đô thị…

# Harei pataom du lịch bal raya Hồ Chí Minh thun 2014 meda peih tabiak meng harei 27 tal abih harei 30/3. Harei pataom thun ini hu mbaok di labaih 85 đơn vị doanh nghiệp lữ hành, khách sạn di 39 tỉnh, bal. Ralo bruk ngak meda hu rah tabiak dalam harei pataom ini yau:  nyaom darak du lịch, harei pataom sap daoh ameh gah du lịch, parang iek thaot binguk gheih gah du lịch Việt Nam hu angan lac “Tasik Mũi Né, bingu Đà Lạt, darak Bei Gon”.  Ong Lã Quốc Khánh, Phaok Akaok Sở Ilamo – padhih saong rivang ma-in bal raya Hồ Chí Minh, Akaok Ban tổ chức brei thau:

 (Băng: Pren khang di harei pataom du lịch bal raya Hồ Chí Minh nan nyu brei mboh yaom glaong bahrau di harei pataom du lịch hadei di labaih 10 thun. Tuk pahadar 10 thun harei pataom du lịch, bal raya Hồ Chí Minh hu quyền hadah mbaok hadah meta saong meda ndom lac khaol drei hu jalan ngak siam, hu talei pambuak bruk khang kajap haong dom jabat quản lý ngành, dom kapul nyaom haong dom hiệp hội du lịch meng nan khaol drei ba mai kein laba ka urang nao du lịch, pachreih hatai caong khin nao du lịch)

Khaw tin dunya:

# Phó Thủ tướng gam pan akaok mentri Quoc phong Campuchia, Tướng Tea Banh (Tia Banh) birau pok sap ieu gah cagar veik samar hu mbaok tame Quoc hoi piah ginum biai saong langyah dom kadha hadei di bruk palih ruah tui njauk adat hukum. Ong Tia Banh khang panuac lac: Dom gah vũ trang Hoàng gia Campuchia abih hatai pachreih tui rajaei kayua Thủ tướng Hun sen pan kaok saong sanya khik kajap hòa bình saong grap tanat raidiuk ka bhap bini Campuchia.

 # 1 urang metai saong 8 urang dalam kapul thủy thủ urang Trung Quốc  lahik hadei di tuk dua sruh kapal gilai pajeng pandap ginuh gauk di pabah lamnge Vịnh Tokyo. Hu  abih tih 20 thủy thủ, taong abih jeng lac manuac Trung Quốc, angaok gilai Be-glơ 3 dalam nan 11 urang hu daong sraong hu. Yau nan min, hu 1 urang metai  hadei di tuk hu daong sraong. Urak ini dom sruh gilai tuần tra saong tha sruh trực thăng jeng daok pasang duah 8 thủy thủ daok lahik./.