# TripAdvisor - blah web tong yaom chất lượng du lịch hu angan je di dunya bahrau ba tabiak bruk palih ruah, tapa nan Muinyim Dân tộc học  VN dang ka 4 dalam 25 muinyim gheih abih di Châu Á thun 2014 song lac sa dalam dom labik pachreih tuai damuai mai rivang di HN. Tuai damuai rilo meng taong yaom glaong hadei di tuk hu rivang miuyim bloh.

# Urak ini, kadung jien buh tame cakrok ban sit Da Nang hu brei ka 17 doanh nghiep mesraiy jaik 30 ty dong piah ngak mbang, pablei salih. Dom sarak brei mesraiy uu dai meng kadung jien ini hu daong ka doanh nghiep yam tapa kan kandah, patagok bruk ngak mbang, pablei salih. Ông Đoàn Ngọc Vui, Phó akaok kadung jien buh tame cakrok ban sit Đà Nẵng brei thau : (Kadung jien bảo lãnh tín dụng saong kadung jien buh tame cakrok Da nang hu rik tame Thun doanh nghiep Đà Nẵng saong dom thun tal. Kol dahlak daok jhul pakhang kadung jien daong ini, caong khin ban sit talaih dom kan kandah ye kadung jien meng hu mbuan lagaih patabiak dom danakdak daong doanh nghiep dalam tukvak tal.

# Dalam Tỉnh BT urak hu 528 urang ngak lac urang TQ dok ngak bruk di sang mac nhiệt điện Vĩnh Tân 2, dalam nan urak ni bahrau hu 258 urang hu harak adat ngak bruk, 212 urang oh ka hu brei harak adat. Gah LĐTBXH tỉnh BT, Công an, Tư pháp, karja palei hu pambuak bruk pasang iek, khik ramik bruk pandar urang negar langiu tui quy định di rajaei.

# Urak ini, hu 18 ribau hecta, lac labaih meteh dom mblang taneh pala thanh long di 3 bhum praong nan lac : Bình Thuận, Long An saong Tiền Giang njauk ruak đốm nâu. Yaom lac Cục khik caga phun pala hu patabiak jalan tacei pato tam thoi piah caga ruak ini, min kayua dom roh duah ka bruk daong cakak daok bair yau nan ye bruk pandar jalan ngak ini di dom puk palei daok gaok rilo kan kandah.

# Tui Sở ngak nong song patagok palei pala tỉnh Tiền Giang, urak ni  dalam tỉnh hu rilo bilai pabak ia oh ka patagok hu kein lagaih. Makna ba tal bruk ni kayua ilamu khik ramik song tacei ba di kapul urang jarka khik iek dom bilai pabak ia kayua kapul pambuak bruk song HTX khik ramik, khai khác dok biar. Yau di xã Hội Xuân, huyện Cai Lậy kayua bilai pabak ia padeih ngak nan ye hu tal jiak 600 boh sang oh hu ia hacih piah padar. Gah ngak nong song patagok palei pala tỉnh dok ramik pasiam veik bruk ni.

 #  Bảo tàng Mỹ thuật ban raya Hồ Chí Minh barau peih pakak parang iek rup cih piah pataom jien daong “kadung jien daong urang kan kathaot” kayua uy mban mat tran negar pambuak bruk saong kapul my thuat ban raya peih ngak. Parang iek hu 120 blah rup cih thuy mac barau abih di hoa sy Truong Han Minh, sa dalam dom urang hu angan je dalam bhapbini urang Lo, uy vien uy mban mat tran negar ban raya. Tui kuhria, hu jaik 200 blah rup cih di ong hu ba tabiak pablei dau gia mek jien ngak pahla.

# Pasak y tế dự phòng ban raya HCM brei thau, ruak pandiak tabiak darah song ruak tangin takai cambuai dok hu rilo song daok si tame tabung jit ruak yaok thun. Pasak y tế dự phòng ban raya hu panuac pandar pasak y tế dự phòng dom quận huyện kham merat pambuak bruk song dom gah pato megru dalam tỉnh piah samar dong tuk hu jit ruak atau sruh jit ruak tangin takai cambuai tamuh tabiak. 

Khaw tin dunya  

# Mintri Ngoại giao Nhật Bản barau ba tabiak quy dinh barau piah ngak pacadu bruk brei thi thuc ka bhapbini di 3 taneh ia Đông Nam Á nan lac Việt Nam, Indonesia saong Philippines. Gam saong nan, urang di 3 taneh ia nan yaom lac oh daok di taneh ia hu quoc tich di drei( nan lac daok langiu Việt Nam, Indonesia saong Philippines) jeng hu brei adat likau thị thực di Nhật Bản tapa sa jabat ngoai giao hu tham quyen brei thi thuc di taneh ia dom urang nan daok.

# HQ song Nhật Bản peih bruk ginum biai pakat thứ trưởng ngoại giao, hu panuac ieu patagok talei pambuak bruk di 2 gah ka nyu khang kajap, pamong tal harei hadei tui jalansahneng njauk ka sajarah dak rai, patagok bruk thau gauk song jia tame gauk./.

# Thủ tướng Thái Lan Pra-dút (Prayuth) barau brei thau, Rajaei taneh ia ini hu brei tapa sa quyet dinh praong ka chinh tri – kinh te – xa hoi. Tui nan, Rajaei Thai Lan brei bổ nhiệm rilo urang ngak praong daang akaok dom mintri, nganh ye : jabat thu tuong, dom mintri Tu phap, Năng lượng, Lao động, pato megru, ilimo, hoi dong an ninh negar…piah paglaong bruk khik ramik, tacei ba di rajaei.