# Akaok Quốc hội Nguyễn Sinh Hùng saong Kapul pakat glaong Quốc hội negar drei hu nao tal bal ine Rô-ma, peih bruk rivang Cộng hòa Italia tui panuac daa di akaok Hạ viện Cộng hòa Italia Laura Boldrini (Lau-ra Bôn-đơ-ri-ni). Mbang rivang Italia mbang ini di akaok Quốc hội Nguyễn Sinh Hùng saong kapul urang lambaok pakat glaong Quốc hội negar drei piah pakhang, pakajap jang talei pambuak bruk chiến lược Việt Nam – Italia bahrau hu padang tagok di thun 2013, saong piah pakhang pakajap jang talei pambuak bruk nghị viện di dua negar. Tapa mbang rivang ini, dua negar caong khin peih tabiak sa takai yam patagok bahrau dalam talei pambuak bruk, abih di nyu nan lac pambuak bruk ngak mbang kinh tế, pablei salih saong buh jien tame ngak.

# Page harei 20 bilan 3, Lễ pachreih tui: “ Harei Dunya Haniem phol 20 bian 3” peih ngak di Nhà hát Lớn Hà Nội. Brei panuac di tuk peih bruk pachreih tui Harei Dunya Haniem phol, ong Vũ Đức Đam – Uỷ vien Ban chấp hành T.Ư Đảng, Phó Thủ tướng Rajaei brei panuac lac: “Njauk klah rabha ka gauk dom anit ranam saong dom gauk gar di yaok urang manuac drei, ngan saong dom urang daok caong khin hu haniem phol saong njauk brei taduan hu haniem phol di grauk labik di taneh ia Viet Nam anit ranam ini”. Dalam lễ pachreih tui, Mentri Ilamu, thể thao saong Dulich jeng hu peih bruk jao brei giải ka dom urang mek hu giải dalam Mbang pakacah vak kadha “ Baoh sang haniem phol” kayua mentri Ilamu, thể thao saong Dulich peih tabiak.

# Pak jabat raja-ei, Thủ tướng Nguyễn Tấn Dũng pan akaok mbang nyaom Raja-ei ka bruk dak padang hukum. Raja-ei pataom tame taong yaom bruk patabiak harak quy định cambaih laih peih ngak adat hukum jang yau bruk soạn thảo, trình dom dự án hukum, pháp lệnh di raja-ei, dom mentri, dom ngành. Danak dak mbang nyaom di Raja-ei jeng hu pataom tame brei panuac ka 7 dự án hukum daok dalam kế hoạch quý I thun 2014. Brei panuac di mbang nyaom,  Thủ tướng Nguyễn Tấn Dũng tacei tabiak brei mboh yaom glaong di bruk dak padang adat hukum saong pandar dom akaok mentri tacei pato ngak siam bruk ini piah paglaong siam lagaih bruk khik iek di karja. Gam haong nan lac jhul pasamar tukvak patabiak dom harak quy phạm pháp luật ka cambaih laih tacei pato peih ngak adat hukum piah ka dom hukum hadei di tuk peih ngak nyu laik haong rai diuk.

# Di Hà Nội, Mentri Y tế birau peih Nyaom biai tacei pato jalan peih ngak iek bruk daong saong cakak ghien pakao hala di balai y te xã, phường. Danak dak kayua Viện sức khỏe Hoa Kỳ daong, peih ngak di 28 balai y tế  cơ sở. Ngan saong meteh dom urang likei dam njuk pakao hala, Việt Nam nan lac sa dalam dom taneh ia hu urang njuk pakao rilo abih di dunya. Urak ini 62% urang ruak di taneh ia drei njauk dom janih ruak yau tagok darah, đột quỵ, ung thư, me-ik saradang…bo pakao hala nan lac dang dhi akaok ba tal dom janih ruak nan. Meyah urang njuk pakao hala dalam taneh ia drei oh salih karei ye 10 thun tra, ini meda lac makna ba tal metai ka labaih ¼ urang likei.  

 # Page harei 20/3, pak Hà Nội, Hội Răng hàm mặt Việt Nam peih bruk pachreih tui Harei pren yava tagei cambuai dunya 20/3 ngan haong kadha “Brei ka cambuai klao siam gheih”. Tui dom bruk pasang iek duah thau ka pren yava tagei cambuai di negar drei, 90% bhap bani njauk viêm lin, viêm vin taom dhal tagei, 85% ranaih meng 6 tal 8 thun hu tagei halak mbang saong kuhria rah tapa yaok adei hu labaih 6 baoh tagei njauk halak mbang. Bruk halak tagei dak harei dak ralo kayua bruk pandar saradang rilo, kuhrang asal Fluor dalam halau aia mbang di bhap bani saong ralo urang oh ka caik hatai sangka tal bruk iek glang tagei cambuai. Dalam tuknan, carah tagei 2 mbang sa harei dalam tuk page saong melam meda patrun hu 14% mbuan hu halak tagei. 

# Urang dang akok Sang iek ruak Hùng Vương quận 5 ban raya Hồ Chí Minh birau peih bruk họp báo khan ka gah  mbao rayo thau dom khaw tin pambak tal bruk co klaik anek kuman di melam 17 bialn 2 meng blaoh. Ndem biai nao mai saong mbao chí, gru iek ruak Nguyễn Văn Trương, giám đốc Sang iek ruak Hùng Vương taduan bruk khik iek an ninh di sang iek ruak daok kurang rilo, bruk pasang iek urang tame tabiak sang iek ruak daok kurang njauk brei pasiam chip. Bruk anek kuman hu urang klaik ba tabiak gah langiu dalam nan kayua baoh sang di kuman nan  min bruk luai ka urang ba kuman tabiak langiu sang iek ruak nan lac bruk di sang iek ruak. 

# Pak Sang iek ruak Phạm Ngọc Thạch, Sở Y tế bal raya Hồ Chí Minh hu peih mít tinh pacang caga lao. Dalam thun tapa, danak dak pacang caga Lao bal raya Hồ Chí Minh mek hu ralo jak jeng siam mekre meng bruk ngak tui jalan ngak nhân viên y tế saong bhap bani pambuak gauk iek ruak saok khik iek urang ruak. Hu blaoh jaik 3.000 mbang taom gaok di urang jakar y tế pasang iek urang ruak lao menyum jru pak baoh sang. Langiu di nan, Danak dak pacang caga Lao bal raya Hồ Chí Minh daok taduan hu talei pambuak bruk di  20 sang iek ruak di puk palei. Dalam thun 2013, manuac urang nghi lac njauk ruak Lao kayua dom sang iek ruak công – tư ba mai ka cơ sở pacang caga Lao jaik 13.400 urang; duah mboh ruak saong taduan iek ruak ka 2.400 urang ruak lao bahrau.

Khaw tin dunya:

# Anh caga brei patagok dom jaln taong phạt kinh tế saong pablei salih ngan saong Nga yau sa bruk ngak piah cagar veik dom bruk kham merat di Nga piah mek Crưm tame. Panuac nan hu Ngoại trưởng Anh Uy-li-am Ha-gơ hu ba tabiak hadei di tuk Tổng thống Nga Vla-đi-mia Putin mbaoh tangin tame sa hiệp ước piah Crưm jeng sa bhum taneh di Nga. Dahlau di nan, Mentri Ngoại giao Anh jeng hu pachreih dom bhap bini di taneh ia ini tabiak truh kaoh pualo Crưm dalm tuk bruk swau kadau daok catang tagok di labik ini.

# Akaok mentri, Chủ nhiệm jabat akaok negar Lào, Phông-sa-vát Búp-phả (Phongsavath Boupha) ndom lac, makna saong yaom glaong di jayak dakrai Điện Biên Phủ. Jayak nan brei mboh pren khang di bruk cách mạng peih paha bangsa pacang cakak kaol meblah mek taneh aia hu pren khang gah  quân sự ralo jang dom mbang. Hadei di tuk brei thau veik dak rai mesruh metak dak padang taneh aia saong khik iek palei negar Lào tapa dom jaman, ong khang panuac lac, Đảng Cộng sản Đông Dương tabiak rai meng thun 1930 nan lac quy luật tất yếu di dak rai sajarah. Đảng Bhap bani Cách mạng Lào pal akaok bhap bani Lào nao meng jayak ini tal jayak diah, ba taneh aia nao tal sron mbon, độc lập tự do saong ginup meda yau harei ini. Ong Phông-sa-vát Búp-phả brei thau jayak Điện Biên Phủ di Việt Nam hu pambak khang tal cách mạng peih paha bangsa di Lào; ngak salih cục diện mesruh metak pak Đông Dương, pachap kaol khamang njauk mboh tangin tame Hiệp định Geneva 1954, taduan bruk độc lập di dom negar Đông Dương.

# Uy mban pasang iek gilang pariak Trung Quoc brei thau, jabat ini brei ngak mbuan mbiah dom thủ thục harak  gal dalam bruk padang ngak dom gilang ppariak pablei salih palei pala saong hop tac xa tín dụng. Tui jabat nan, 13 thủ tục meda brei atah klak, dalam nan hu quy định ka bruk pok urang ngak bruk khik iek pakat glaong, dom dịch vụ brei urang khik jien…Dom quy định birau piah mbuan padang ngak dom gilang pariak pablei salih saong dom hợp tác xã tín dụng jeng yau ba mbaun lagaih piah pachreih urang buh jien tame padang ngak hệ thống tài chính di bum palei. Min jabat khik iek brei tui iek catang jalan patagok suai lavik saong bruk khik iek di dom gialng pariak hadei di tuk padang tabiak./.