# Mbang nyaom 7, Quoc hoi mbang 13 hu peih tabiak di page harei 20 bilan 5 hu rilo bhap bini rahra tỉnh Gia Lai sangka tui pang tui iek. Đại tá Lý Văn Mười, phó kok trung đoàn Ba Gia dahlau diah, urak ini daok padeih hưu di tổ dân phố 15, phường An Phú, ban sit An Khê khan lac: bruk Trung Quốc ba gian khoan Hai Duong 981 tame padang dalam bhum tasik di negar drei nan lac bruk ngak suan saong vi phạm quyền ngak po tasik. Ong Lý Văn Mười hu panuac payua tal  Mbang nyaom 7, Quoc hoi mbang 13 yau ini : “ Caong khin Trung ương langyah bruk di tasik ngak habar piah drei saong Trung Quoc juai rah tabiak bruk oh siam. Taphia di nan, patui bruk pachreih tui di dom taneh ia dunya, di ayut piah brei mboh quyền ngak po di Viet Nam, brei mboh bruk ngak suan di Trung Quoc, piah Trung Quoc ba gain khoan nao. Khol hulin dom urang ngakl bol lin dahlau diah tuk halei jeng pamaong tal pulao kaoh, pamaong tal dom labik akok riyak jung hangin piah pabak apui ka dom rairah dam dara harei ini ngak bruk tui jalan tacei ba di Đảng.

# Jeng dalam harei 20/5, di xã Cà Ná, huyện Thuận Nam, tỉnh Ninh Thuận, kapul ngak ikan tỉnh Ninh Thuận hu peih mittinh phản đối Trung Quốc. Pataom mbaok hu jaik 200 urang ngak ikan lambaok vakil ka dom kapul ngak ikan, kapal taong cap ikan, urang ngak ikan di dua xa Phước Diêm saong Cà Ná. Di var Mittinh, akaok kapul ngak ikan tinh Ninh Thuan hu puac panuac di Trung ương kapul ngak ikan Biet Nam phan doi dom bruk ngak ngang nguoc di Trung Quoc, pandar gah Trung Quoc ba abih gian khoan saong kapal hộ tống tabiak truh bhum tasik di Biet Nam; ieu taong abih dom urang hoi vien jum pataom gauk, pambuak saong mikva ngak ikan hu mbaok di tasik, rik daong khik caga quyen ngak pô tasik pulao. 

 # Lambaok vakil Thường trực Hội đồng Bhap bini tỉnh Quảng Ngãi birau mai rivang, pachreih ba saong daong jien ka dua urang nao tasik nan lac Nguyen Huyền Lê Anh umo 30 thun daok di xã Nghĩa Mỹ, huyện Tư Nghĩa saong Nguyễn Tấn Hải umo 24 thun daok di xã Bình Châu, huyện Bình Sơn daok iek ruak di Khoa ngoại thần kinh – Sang iek ruak Đa khoa Quảng Ngãi; yaok urang hu daong 5 triệu đồng. Ini lac 2 urang nao tasik angaok gilai QNG 90205TS di Nguyễn Văn Quang, xã Bình Châu, huyện Bình Sơn, tỉnh Quảng Ngãi gaok gah khik iek ikan tasik Trung Quốc taong hu ba tame gah meng harei 18 bilan 5.

 # Trung ương kapul urang njauk jru mek kalik kruac/ dioxin barau taduan mek jaik 12 ty dong daong urang njauk jru mek talik kruac/ dioxin meng kapul urang dahlau thiah ngak bol lin Tập đoàn Dầu khí Việt Nam saong  Hợp tác xã hacih saat alam môi trường Thành Công. Kadung jien ini rik daong biak rilo dalam bruk padang ngak pasak daong brei urang njauk jru mek talik kruac/dioxin Biet Nam. Pasak daong urang njauk jru mek kalik kruac/dioxin Biet Nam tui kuhria hu padang ngak di xa Yên Bình, huyện Thạch Thất, ban ine Hà Nội. Meng yaom jien 151 tỷ đồng, pasak meda taduan mek, iek glang, klah jru mek, pasiam chuc nang ka urang njauk jru mek kalik kruac.

# Sở Pato megru, Sở Tài chính saong Ban bangsa ban raya Ho Chi Minh hu harak tacei pato bruk miễn jien bac ngan saong anek saih bangsa Cam saong Khmer daok bac mau giao tal Trung học pho thong di ban raya Ho Chi Minh, meng thun bac 2013 -2014 tal thun bac 2019 -2020. Quy định ini hu peih ngak meng thun bac 2013 -2014, yau nan, dom sang bac iek veik jian bac mek blaoh di anek saih  lac bangsa Cam saong Khmer dalm thun bac blaoh payua mai ka Jabat Pato megru quận, huyện atau Sở Pato megru liaku kadung jien karja ban raya brei pabak veik saong piah bayar veik ka anek saih. 

 # Urak ini, rilo bhum di tinh Lam Dong ye : Bao Lâm, Bảo Lộc saong Lâm Hà hu pandar cong nghe glaong tui tanut an toàn VietGap piah pala dom pajaih bơ ghép hu chat luong saong hu rilo baoh, jaik 28 tan yaok hecta saong yaom pablei glaong jang rilo mbang duk saong dahlau. Ini lac jalan siam piah urang pala bơ di Lam Dong pilih ruah hu dom pajaih bơ ghép hu rilo baoh siam pabak ka bruk salih pajaih bơ ba mai kein laba kinh te glaong.

# Thun 2011, peih ngak danak dak padang ngak palei pala birau, tỉnh Long An hu palih ruah 6 xã nan lac Mỹ Yên-huyện Bến Lức, Dương Xuân Hội huyện Châu Thành,  Hậu Thạnh Đông huyen Tân Thạnh, Khánh Hưng huyen Vĩnh Hưng, Mỹ Lệ huyen Cần Đước saong Mỹ Hạnh Nam huyen Đức Hòa ngak iek xã padang ngakpalei pala birau tukvak 2012 -2013 saong 36 xã tal thun 2015 mek hu tanut chau3n palei pala birau. Mbiah tal urak ini, Long An hu 8 xã mek hu 19 tanut, dalam nam hu 5 xã điểm saong 3 xã karei ngak salah dahlau jang tukvak ba tabiak.

Khaw tin dunya

# Harei 20/5, jaik 1000 mikva urang Việt daok di tỉnh Luông-pha-bang saong  tỉnh U –đôm- xay, dom tăng ni phật tử,  urang ngak saong sinh vien Biet Nam, dom jabat lambaok vakil di Biet Nam daok di Luông- pha- bang pataom mbaok mittinh phan doi Trung Quốc padang giàn khoan Hải Dương 981 suan hukum saong ngak gilung gilang di tasik. Di mbang mittinh, dom urang lambaok vakil bhapbini urang Biet daok diukrai saong ngak bruk di dom tinh Bac Lao mboh njauk hatai saong jalan ngak di rajaei drei ka bruk tasik, brei mboh cambaih bruk jum pataom gauk pamaong tal negar, pandar TQ ba gian khoan Hải Dương 981 tabiak truh bhum tasik di Việt Nam.

# Tui Gah Y tế Dunya iew lac WHO, urang metai kayua njuk pakao hala di Viet Nam tagok tal 40.000 menuac yaok thun. Dom urang metai mai meng dom janih ruak kayua njuk pakao hala galong jang 4 mbang dut saong  dom urang metai kayua bala ngaok jlan mbak. Dalam tuk nan, Viện Roh duah Sarak saong chiến lược y tế kuhria mboh lac, labih 11% dom urang likei metai hu pambuak tal bruk bhian njuk pakao hala, ngan saong jaik meteh dom urang likei di Viet Nam  bhian randap njuk pakao hala.

#  Harei 19/5, gah y tế Arập Xêut brei thau hu gilac 5 urang metai kayua virut ngak jeng Hội chứng viêm jalan hô hấp Trung Đông (MERS), patagok urang metai jeng 173. Langiu Arập Xêut, dom taneh ia karei ye Ai Cập, Gioócđani, Libăng, Hà Lan, dom tiểu vương quốc Arập Thống nhất saong Mỹ jeng mboh dom urang njom virut ngak biak Hội chứng viêm jalan  hô hấp Trung Đông. Dom urang gaok ruak ini jeng hu mbang nao tal Arập Xêut./.