# Page harei (20/8), tỉnh Tiền Giang peih ngak dalam prong parang bruk pahadar 150 thun harei Anh hùng Trương Định tuẫn tiết (20/8/1864 – 20/8/2014). Ong Trương Tấn Sang, Ủy viên Bộ Chính trị, Akaok negar jeng hu mbaok. Anh hùng Trương Định menek thun 1820 pak palei Tư Cung, urak ini lac xã Tịnh Khê, huyện Sơn Tịnh, tỉnh Quảng Ngãi. Umo 24 thun ong haong ame tame gah meraong ieu pataom urang ngak hamu, peih taneh padang mbang ngui, jeng urang ba akok peih taneh padang palei bhum Tân An - Định Tường. Bruk dang tagok mesruh pacang kol khamang di Trương Định tok rah tabiak meng thun 1859 tal thun 1864 min hu jeng bruk ba akaok taong Prang di bhum taneh Nam bộ. Di tuk peih bruk pahadar nan, Akaok negar Trương Tấn Sang saong dom urang dalam kapul ngak bruk di Trung ương hu caik bingu saong cuh gilau piah hadar dhar phol di anh hùng Trương Định.

# Kapul pasang iek Hội đồng Bnagsa Quoc hoi kayua ong Danh Út, Phaok akok Hội đồng bangsa Quoc hoi ba akok Kapul hu var ngak bruk saong Uy ban Bhap bini huyện Ninh Phước, tinh Ninh Thuận ka bruk peih ngak sarak, hukum pato pakai, brei bruk ka urang jakar, công chức, viên chức lac urang bangsa takik . Hadei di tuk pang pathau khan ka asal kadha nan, ong Danh Út hu panuac kakei lac  anak tal huyện brei sangka jang tal bruk quy hoạch pato pakai piah padang kapul urang jakar bangsa takik, patagok bruk khik iek di karja gah sarak bangsa, daong ngak brei jayak bruk cak rok patagok kinh tế - xã hội, padang raidiuk ilamu, jum pataom dom bangsa takik dalam palei.

# Bộ Chỉ huy quân sự tỉnh Bình Thuận bahrau peih bruk truy điệu saong ba nao dar 9 liệt sỹ ndih trun dalam mbang mesruh taong Mỹ pak Đồn Bà Hòe urak ini daok dalam thôn 5, xã Hàm Đức, huyện Hàm Thuận Bắc. Ini lac dom liệt sỹ dalam Đại đội 5 trinh sát, tiểu đoàn 186, Quân khu 6 klaak. Dom liệt sỹ jaleih trun dalam mbang taong Đồn Bà Hòe, xã Hàm Đức, huyện Hàm Thuận Bắc harei 12/2/1969. Mbang taong nan piah khik caga bhum peih paha  Lê Hồng Phong. Hadei di tuk jaleih trun, dom liệt sĩ hu ba nao dar dalam dua mboh kabo praong. Ong Nguyễn Kiến Bình, adei likei liệt sỹ Trần Kim Niên drut droi lac:

(Băng: Oh ta-eng hagait sang dahlak bo dom baoh sang karei jeng yau nan. Thei jeng caong hu mai veik haong baoh sang di drei haong ayut sahabat  yau nan ye mboh biak drut droi.) 

# Kapul urang Quoc hoi tỉnh Bình Phước pmbuak bruk saong tỉnh Đoàn Bình Phước birau ailn brei paok jien bac ka anek saih, sinh vien yam tapa kan kandah bac megru naih joi. Tui nan, hu 69 anek saih bac pakat tieu hoc taduan hu paok jien bac yaom 1 trieu dong sa anek saih, 107 anek saih THCS taduan hu paok jien bac yaom 1,2 triêu dong sa anek saih, 38 anek saih THPT taduan hu paok jien bac yaom 1 triệu meteh  sa anek saih  saong 43 sinh viên taduan hu pok jien bac yaom 3 trieu dong yaok sinh vien. Kuhrai taong abih paok jien bac kayua Kapul urang Quoc hoi tỉnh alin brei ka dom anek saih, sinh vien yam tapa kan kandah bac megru naih joi mbang ka 3 thun 2014 tagok tal labaih 483 trieu dong.

# Pahadar 126 thun harei menek Chủ tịch Tôn Đức Thắng (20/8/1888 – 20/8/2014), 69 thun harei Cách mạng bilan 8 (19/8/1945 - 19/8/2014) saong harei negar 2-9 (2/9/1945 - 2/9/2014), Nhà xuất bản Kim Đồng brei tabiak baoh tapuk thaot binguk “Tôn Đức Thắng - Nhà cách mạng bất tử”. Baoh tapuk nan kapal 80 blah, hu dom thông tin saong thaot binguk minh họa, daong ka urang puac tapuk thau cambaih jang ka rai diuk jang yau bruk ngak di Wa Tôn, dom rik daong biak prong di Wa Tôn brei ka taneh aia; hatung hatai di Wa Tôn brei ka dom uranaih, jang yau hatung hatai di menuac sia palei An Giang di wa brei ka Wa..

# Sa danak dak nghệ thuật tổng hợp, dalam nan hu daoh tamia, xiếc, võ thuật hu angan iew lac:  “Suan yawa bangsa – Riyak tasik biển Đông” kayua Kapul Nghệ sĩ Sân khấu Viet Nam, Kapul Võ thuật Ha Noi saong Liên đoàn Xiếc Việt Nam peih ngak brei ka urang mai maong iek di harei 29 bilan 8 anak tal di Ha Noi. Danak dak nan, lac bruk ngak brei mboh hatung hatai anit ranam taneh ia di dom nghệ sĩ, võ sư, võ sĩ, saong piah pok sap iew daong kadung jien “Kayua Trường Sa anit ranam” saong “Pamaong tal tasik biển Đông”.

Khaw tin dunya:

# Raja-ei Ucraina hu peih ngak danak brei thau “Năng lượng độc lập” di harei 20/8 piah khan brei ka bhap bani Ucraina thau yaom glaong di bruk khik caga năng lượng saong khí đốt. Bruk khan brei thau nan hu pandar gam quảng cáo saong panuac ieu tapak tal dom cá nhân, dom doanh nghiệp, urang jakar di dom pakat ka bruk njauk patak pataom năng lượng saong salih khí đốt tự nhiên meng dom janih năng lượng karei daok hu pak Ucraina.

# Akok Mentri Thông tin Li-bê-ri-a birau brei thau lac duah mboh hu 17 uarng ruak nyom virut Ebola dnduac klak pasak brei daok karei di dom urang ruak vi-rút Ê-bô-la di ban ine Môn-rô-vi-a taneh ia ini, hadei di mbang taong tame di sa sa kapul vũ trang di labik ini. Bruk an ninh di Li-bê-ri-a daok raha tabiak dalm kan kandah tuk dom urang medil lac njom virut Ê-bô-la duah jalan tame tru so di gah khik ramik hoa binh Lien hop quoc. Rilo labik palei jru di ban ine  Môn-rô-vi-a nnjauk co blah dalam tuk rajaei Li-bê-ri-a daok dang anak bruk kurang jru tavao saong dom janih karei karei.

 # Takik abih 7 urang metai saong 13 urang karei lahik dalam mbang ribuk aia sua khang meng blaoh pak bal Hi-rô-si-ma, gah Pai Nhật Bản. Hajan prong dalam dom harei tapa ngak glut jaleih taneh saong ribuk aia sua ngak ka yaok ribau urang njauk panduan nao labik karei. Ia hajan dut hu di ralo labik meng tanut 204mm glaong jang tanut trung bình bilan 8 yaok thun pak Hi-rô-si-ma. Hu takik abih 20 urang oh duah mboh kayua taneh patau lam saong aia ba tatheik. Tal page harei 20-8, kapul daong duah urang njauk bal duah mboh 7 urang metai, dalam nan hu sa uranaih umo 2 thun. Urak ini daok 13 urang jeng oh ka duah mboh. Dalam tuk nan, jabat khí tượng Nhật Bản hu panuac khan brei ka bhap bani thau ka dom mbang hajan prong meda tuh trun Hi-rô-si-ma saong dom labik jaik taphia yau Na-ga-xa-ki, Fu-ku-ô-ka./.