# Yau kol dahlak hu khan bloh, harei 21 bilan 5, mbang nyaom 7, Quoc hoi mbang 13 hu pang harak pathau khan langyah, pataom mek panuac, pasiam dự thảo Hukum pasiam veik, pabak dom paka di Hukum jalan kraong ribaong dalam taneh ia; ginum biai ka bruk tasik Bien Dong, bruk Trung Quốc ba gian khoan Hai Duong 981 tame padang dalam bhum tasik di negar Viet Nam; ginum biai jalan tacei ba saong langyah di Viet Nam. Biar harei 21 bilan 5, Quoc hoi ginum biai di to ka 2 asar kadha: Tui kuhria danak dak padang ngak hukum thun 2015, pasiam veik Danak dak padang hukum mbang 13 saong thun 2014 di Quoc hoi; saong Danak dak Hukum pasiam veik, pabak dom paka di Hukum kapal haok dân dụng di Viet Nam.  

# Mbang nyaom 7, Quốc hội mbang 13 hu caik rilo tukvak ginum biai ka jalan ngak di Biet Nam piah langyah bruk Trung Quoc padang gian khoan Hải Dương 981 suan hukum di bhum tasik di Việt Nam. Bruk ngak ini di Quoc Hoi hu cu tri gah Đông Nam Bộ sangka saong taong yaom glaong. Saai Trần Thanh Sơn, phường Tân Phú, thị xã Đồng Xoài, tỉnh Bình Phước caong khin lac: Sa dalam dom bruk bo dahlak caong khin di mbang nyaom quốc hội ini lac dom urang Quốc hội ginum biai dom jalan ngak cambaih, siam lagaih jang tui dom hukum dalam taneh ia saong dunya piah khik caga chu quyen tasik pulao negar Biet Nam hu toàn vẹn.

# Bruk ngak suan di Trung Quốc pak tasik Bien Dong oh lac ngak ka urang Viet Nam pandiak hatai bo daok ngak ka bhap bini Trung Quoc jeng mboh suh sah. Dalam dom harei tapa, kadha vak di urang umo daok sit angan Lý Tiểu Tinh brei panuac phe phán Trung Quoc tapa bruk cagar veik panuac di ong Hồ Ba, giao su roh duah di Pasak roh duah chiến lược Trung Quốc, Đại học Bắc Kinh. Lý Tiểu Tinh lac, Rajaei Trung Quốc oh ka mboh tuk halei ba tabiak bruk jalan 9 đoạn, jeng oh ka bhian mboh khái niệm jalan 9 đoạn dalam hukum Trung Quốc. Ong hu ndem cambaic laic, jalan 9 đoạn hu rajaei Quốc Dân Đảng ba tabiak meng thun 1984 piah tacei tabiak jalan bhum taphia negar di tasik Bien Dong saong dom kaoh pulao daok dalam nan. Ini lac bruk raha dalam sajarah dakrai biak cambaic laih min ong Ho Ba gilac kham ndem karei oh njauk saong sajarah dak rai, ba tal urang bac sahaneng oh njauk ka jalan 9 đoạn ngan saong bhum taphia negar di tasik, ini lac ý đồ yau Yuan lac “đục nước béo cò”.  Kadha vak nan di Lý Tiểu Tinh hu rilo urang iek mạng internet Trung Quốc njauk hatai saong pok meyaom.

 # Harei 21/5), Ủy ban bhapbini tỉnh Đồng Nai peih nyaom biai taom gaok doanh nghiep piah samar langyah kan kandah daong ka doanh nghiep samal tani tanat saong cakrok bruk ngak mbang. Dalam nyaom biai, akaok tỉnh Đồng Nai ndom lac, tinh tuk halei jeng nao gam  saong daong piah daonh nghiep ngak bruk. Labaih 180 doanh nghiệp tame nyaom biai bo rilo di abih lac dom doanh nghiep Đài Loan, Nhật Bản, taong yaom glaong bruk drah samal di tỉnh Đồng Nai tuk rah tabiak bruk urang ngak gaok kol jhak pacuh pajarak meng blaoh, caong khin tinh daong ngak dom thu tuc boi thuong khat lahik, patrun kak je saong pagam rilo jang camera di dom chot khik iek dalam labik công nghiệp…

# Bahrau ini, di huyện pulao kaoh Lý Sơn, tỉnh Quảng Ngãi, Pasak meta Quảng Ngãi saong Pasak Y tế Quân- Dân y pambuak bruk saong huyen Ly Son peih bruk iek ruak, blaic raic meta saong caik thủy tinh thể oh abih jien ka urang kan kathaot. Cong ty Cổ phần Dược Hậu Giang pambuak saong Pasakl Y tế Quân – Dân y huyện Lý Sơn, tỉnh Quảng Ngãi jeng hu alin 100 paok jru “ Daong ka urang nao tasik” tui yaom jien 180 triệu đồng, brei ka dom urang nao tasik daok di Lý Sơn daok taong chap ikan pak kaoh pulao tasik Hoàng Sa, khik caga bruk ngak po di palei negar.

# Oh yau panuac yaih khan di công ty Cổ phần khik caga phun pala An Giang, hadei di 2 bilan iek glang, yaok ratuh sang pala tangei ndiuk lai di huyện Cầu Kè, tỉnh Trà Vinh tok mek hu tangei sit, oh thei blei, khat lahik trak. Ini lac pajaih tangei ndiuk F1 AG 500 hu gah pablei yaih khan lac hu athar dẻo, yamen, hu urang blei takre. Min, tal harei paik, tangei hu baok biak sit, takik athar saong khang, yau nan ye, oh hu thei blei atau hu urang blei ka anek limo mbang tui yaom biak lap, dom ratuh rabau dong/sa ha, dalam tuk nan, jien buh tame labaih 12 triệu đồng sa ha, oh kuhria tal pren yava iek glang. Puk palei daok hu panuac caong gah  pablei tangei pajaih AG 500 mai pasang iek, duah thau saong hu jalan daong ka dom sang pala tangei gaok khat lahik.

# Harei 21 bilan 5, di ban Cần Thơ, Tổng Cục Du lich Việt Nam saong Jabat pablei salih saong công nghiệp Việt Nam hu peih bruk pakacah “ Baoh hanuac ameh” thun 2014, hu mbaok di 13 kapul nyaom nan lac dom urang ngak mbang huak di dom nhà hàng dalam bhum taneran kraong Cuu Long. Bruk pakacah ini piah duah dom janih pandap mbang bingi di abih, dom urang ngak mbang huak naih joi di abih saong dom nhà hàng xuat sắc di abih di grauk bhum palei dalam taneh ia Viet Nam. Vòng sơ kết  bhum taneran kraong Cưu Long I rah tabaik akaok meti di harei 21 bilan 5 thun 2014 pak ban Cần Thơ saong rah tabiak di 10 tỉnh ban tal abih bilan 10 thun 2014.

Khaw tin dunya

# hadei di rilo bilan patuh tabiak bruk trun jalan methuh rajaei ngak ka jaik 30 urang metai, bol bala Thai Lan barau ini hu patabiak bruk thiết quân luật saong urak ini daok hu labik dang praong dalam bruk khung hoang. Bruk ngak ini di bol bala Thái Lan hu maong lac piah patagok “ labik dang kreh “ langyah di dom gah hadei di tuk bol pala ba lin tabiak jalan piah ngak tui thiết quân luật. Di mbang nyaom barau ini, dom urang ngak praong pakat glaong di rajaei tạm quyền, Tư lệnh Lục quân Pray-út Chan Ô-cha ieu dom gah kiem che saong ndom lac bruk thiết quân luật meda lac piah khik trat tu saong daong cakak bạo lực  ngak metai menuac…urak ini, bol bala oh ka ba tabiak bruk giới nghiêm.

# Bắc Kinh birau hu panuac ierw Mỹ mek veik panuac brei truy nã 5 urang ngak praong di Trung Quoc, saong daok hu panuac lac talei pambuak bruk gah quốc phòng dua taneh ia njauk tayah tayac kayua bruk ini. Talei rohim Mỹ saong Trung Quoc daok catang tagok hadei di tuk Washington lên án bruk ngak di Trung Quốc di Bien Dong. Bruk truy nã di Mỹ ngan saong dom urang ngak praong gah bol lin Trung Quoc hu maong yau sa thách thức praong di abih ngan saong dau gah kuhria mneg mbang taom gaok di Tổng thống Mỹ Barack Obama saong akok negar Trung Quốc Tập Cận Bình di California thun blaoh./.

# Dom gah ngak ô tô Nhật Bản daok ba tangin tame pambuak bruk piah cakrok sa thế hệ jamriak ô tô siam ka alam moi truong. Talei pambuak bruk ini jeng ba mai pren khang praong jang piah dom gah ngak oto Nhat Ban meriak gauk saong dom doi thu taneh ia langiu. Lambaok vakil di 8 hãng ô tô praong di  Nhật Bản barau padang sa nyaom roh duah haong gauk piah cakrok dom dong co ô tô nduac meng xang takik nhiên liệu saong tal thun 2020 trun hu 30% khí thải các-bon đi-ô-xít di ô tô. Taphia nan, dom urang alamu jeng roh duah dom jalan patrun patakik dom janih thải độc hại meng động cơ diezel.