# Patui mbang nao ngak bruk di dom tỉnh Đông Nam bộ, harei 22 bilan 5, Phó Thu tuong Vu Van Ninh hu ngak bruk saong dom Hiêp hội đầu tư negar langiu daok pak tỉnh Đông Nai. Urang dang kaok dom Kapul doanh nghiệp dom taneh ia brei thau lac, mboh sahanang hatai anak bruk ngak sumu di karja saong cong an tinh Đồng Nai piah pagrap tanat an ninh, trật tự, daong dom doanh nghiệp ngak bruk veik. Gam saong dom doanh nghiep Dai Loan, kapul doanh nghiep Nhat Ban saong Han Quoc jeng hu panuac lac daok  patui ngak mbang cak rok patagok di Dong Nai, caong khin Viet Nam saong Trung Quoc langyah siam bruk tasik bien Dong piah ka dom taneh ia sahanang hatai buh jien tame ngak mbang di Viet Nam. Pho thu tuong Vu Van Ninh brei thau: Rajaei meda tacei pato Mentri jien padai ginum saong doanh nghiep bao hiem piah ba samar tabiak jalan langyah dom bruk bao hiem ngan saong doanh nghiep saong cong nhan, peih ngak dom sarak giãn, giảm, bayar veik jien je ka doanh nghiep.

# Anak bruk Việt Nam lac sa dalam 34 taneh ia di dunya hu naong trak ka uranaih lavang lavaih umo ala 5 thun, di mbang nyaom Quoc Hoi pagaiy harei 22/5, rilo urang QH hu panuac brei bayan bao hiem y te ka bruk iek tu van, iek lavang lavaih piah rik daong paglaong rup pabhap urang Biet. Pambuak tal bruk pandar quy bao hiem y te, rilo urang QH ndom lac, ngan saong dom puk palei hu yaom jien mek tame gah bao hiem y te glaong jang yaom jien buh tabiak, njauk caik veik 20% piah patagok tram y te xa. Ong Tô Văn Tám, urang QH kapul tỉnh Kon Tum brei panuac lac: Paka 35 parabha kadung jien, dahlak jeng njauk hatai bruk hach toan tame quỹ dự phòng bảo hiểm y tế piah parabha ka tinh, ban di trung uong hu yaom jien bao hiem y te mek tame glaong jang yaom jien buh tabiaki. Dahlak mboh bruk ini kan rah tabiak di tinh kan kathaot. Anak meta mboh lac, bhapbini pak ini, di bhum atah bayah, bruk nao mai kan kandah, yau nan ye, ralo tuk ruak kik jeng takik nao iek ruak di labik iek ruak, yau nan ye, ini jeng lac makna ba tal labaih jien bao hiem y te saong yau nan gilac parabha ka pul palei karei dahlak mboh oh ka lagaih.  

# Kapul urang ngak nong ban sit Nha Trang, tỉnh Khánh Hòa birau peih mittinh cagar veik bruk Trung Quoc ba padang giam khoan Hai Duong 981 suan hukum dalam bhum tasik Viet Nam. Dalam mittinh, jaik 100 urang nao tasik lac po gilai saong dom urang nao tasik hu panuac lên án khang bruk Trung Quoc lih tame bhum tasik di Viet Nam; iew Trung Quoc ba gian khoan Hai Duong 981 saong dom gilai karei karei daok ngak bruk di tasik tabiak nao truh tasik Viet Nam. Urang nao tasik ban sit Nha Trang jeng brei mboh hatai khang tabiak tasik taong chap ikan hadang lavik harei, pambuak saong dom gah khik iek tasik Viet Nam khik caga bruk ngak po kaoh pulao tasik palei negar.

# Thun ini dalam taneh ia hu labaih 910.000 anek saih tame pakacah  tamat pakat 2, dalam nan he pho thong hu jaik 824.000 anek saih, he pato megru gam gam hu labaih 87.000 anek saih. Ban ine Ha Noi lac labik hu anek saih pakacah rilo di abih ngan saong labaih 76.000 anek saih, patui di nan lac ban raya Ho Chi Minh. Mon sap negar langiu saong mon sajarah lac dua dalam 6 mon pakacah eng drei pilih ruah hu thi sinh pilih ruah takik di abih. Mbang pakacah tamat pakat 2 thun ini hu salih barau tui jalan daok 4 mon pakacah, dalam nan hu 2 mon njauk pakacah lac katih saong ngu van, dua mon eng drei pilih ruah dalam 6 mon pakacah lac : vật lý, hóa học, sinh học, địa lý, sajarah, sap negar langiu. Mbang pakacah tamat pakat 2 thun ini peih tabiak meng harei 2/6, var pagaiy pakacah Ngữ văn, var biar harei pakacah sajarah saong vật lý. Harei 3/6, var pagaiy pakacah katih, biar harei pakacah địa lý saong hóa học. harei 4/6, pagaiy pakacah sap negar langiu saong sinh học.

# Di ban raya Ho Chi Minh birau peih Nyaom biai Sản phụ khoa Việt – Pháp- Châu Á – Thái Bình Dương mbang ka 14.

Labaih 1.000 kadha pathau khan ilamu di dom giao sư, bác sĩ, urang ilamu gah sản –phụ khoa- uranaih anek kumar, chu sinh dalam saong langiu negar hu yaih khan di nyaom biai, dalam nan pataom ralo tame dom kadha yau: blaic raic noi soi, dut eik dahlau si ndih tapui, iek ruak anek kumar, blaic raih thẩm mỹ, pasiam veik sàn chậu, suai hu anek- oh hu anek, cấp cứu uranaih anek kuman…Ini hu iek yau dom tư lieu y hoc birau saong lac ilamu iek ruak kik hu ba tame pandar saong daok ngak tui mboh hu siam lagaih. Hu 60 harak pathau khan ilamu tui dom jalan sahaneng y học birau ka dom kadha daok kamlah gauk dalam bruk ndih tapui- phụ khoa hu langyah saong ginum biai dalam nyaom biai ini. 

# Di ban sit Gia Nghĩa, tỉnh Đắc Nông, harei pataom daoh ru, daoh ragu bhap bini mbang yaka 1 di tinh tỉnh Đắc Nông hu salah blaoh. Harei pataom pachreih hu labaih 100 nghệ nhân, diễn viên bhapbini di 8 huyện, thị xã saong  2  kapul di tapon nyom bol pan phao kraong mai pataom mbaok. Dom kadha parang me-in brei thau bruk da dang di dom ragu daoh bhap bini di 3 gah : gah barak – gah kreh negar – gah mraong ngan saong kadha pok glaong hatai anit bhum palei, taneh ia saong hatai di bhapbini dalam taneh ia pamaong tal tasik pulao bhum palei. Ông Lê Khắc Ghi, Phó akaok Sở ilimo – padhih saong Du lịch tỉnh Đắc Nông brei thau :“Ini lac bruk kham merat praong di dom dien vien, urang pataom mbaok, abih di nyu nan lac bruk pataom mbaok di dien vien bhapbini bangsa M’nông, Mạ, Ê đê bản địa. hu dom tiet muc ngak jaik jeng alamu chuyen nghiep, kadha nan oh glaong min glaong abih lac bruk takre, anit ranam dom ragu daoh bhap bini bhum palei. Ngan saong bruk ngak lac rik daong gam tuh pren khik caga dom kadha daoh bangsa hu caik veik ka rilo rairah tal harei ini.

 # Akok Uy ban bhap bini tỉnh Tây Ninh birau mbaok tangi brei padang Mban khik iek pabah mbang dunya Mộc Bài saong mban khik iek pabah mbang dunya Xa Mát. Bruk di mban khik iek nan brei khik ramik dom bruk ngak di gah chức năng chuyên ngành di pabah mbang negar; dom dich vu daong bruk pablei salih pak pabah negar; dang tabiak pambuak bruk saong karja palei saong gah khik iek pabah mbang negar di Campuchia langyah dom bruk tamuh tabiak hu pambak tal bruk ngak di pabah mbang negar yau: khik kajap an ninh, salamat an taon xa hoi, pabak điện, pabak ia, tathuak ia, khik hacih saat moi truong sinh thai labik pabah mbang negar saong dom bruk karei karei.

Nhạc cắt

Khaw tin dunya

# Di OOc-lần (Auckland), ban praong abih di Niu Di – lân, sinh viên Việt Nam daok bac megru pak ini tabiak jalan phan doi bruk Trung Quoc ba gian khoan Hải Dương-981 tame dalam bhum tasik di Việt Nam. Kapul  tabiak jalan hu nao takai tui phố Quin (Queen), di ban sit, yar glaong dom bieu ngữ meng sap Yun, sap Lo, sap Anh saong dom asal kadha ye : pandar Trung Quoc ba giàn khoan Hải Dương – 981 tabiak truh bhum tasik Việt Nam, padheih bruk ngak khiêu khích di bhum tasik Đông Nam Á, iek praong hukum tasik dunya, pachreih tui rajaei Việt Nam khik caga chủ quyền taneh ia, tasik pulao kaoh. Mbang tabiak jalan rah tabiak trat tu saong hoa binh, brei thau hatai anih taneh ia di dom urang anek Biet Nam daok atah negar, pachreih hu bruk sangka di rajaei saong bhapbini pak nan.

# Urang brei panuac di Mentri Ngoại giao Mỹ brei thau, Mỹ daok tui iek bruk di Thai Lan,  mboh biak haduh hatai ka bruk sarwa kadau chính trị di taneh ia ini. .Mỹ iew dom gah di Thai Lan brei iek praong hukum dân chủ, jeng yau iek praong bruk brei panuac tui hatai; gam caong khin bruk bol lin tạm thời brtei ngak tui hukum thiết quân luật piah pacang caga bruk mesruh gauk. Mỹ jia lac dom gah di Thai Lan pambuak bruk ndem biai nao mai piah duah jalan ba taneh ia yam tagok. Bruk ngak ini sa mbang tra brei mboh veik bruk njauk brei palih ruah piah mboh cambaic laic dom caong khin di bhap bini Thai Lan.

# Yaok thun dom taneh ia Chau Au palai pajoa jaik 90 trieu tan pandap mbang menyum, dalam nan hu makna lac kayua tukvak pandar pandap mbang menyum oh cambaih laih. Urak ini, dom taneh ia ye : Đức, Hà Lan, Thụy Điển…daok caong khin sa van kien piah paglaong bruk khik ramik tieu chí ka tukvak pandar pandap mbang menyum piah patrun patakik bruk palai pajoa.