# Page 22/9, ala tacei ba di Akok Quoc hoi Nguyễn Sinh Hùng, Uỷ ban Thường vụ Quốc hội pieh nyaom biai mbang ka 31 ngan saong rilo asal kadha praong caga ka mbang nyaom 8, Quoc hoi mbang 13 kuhria peih tabiak di puac bilan 10 anak tal. Di mbang ginum biai ini, Ủy ban Thường vụ Quoc hoi brei panuac ka 15 danak dak hukum; brei panuac tame harak pathau khan di Rajaei ka kol toi phạm saong vi phạm pháp luật, bruk pacang caga tham nhũng thun 2014; brei panuac ka bruk patabaik Sarak di Quoc hoi ka bruk salih birau danak dak tapuk pato bac phổ thông. Akok Quoc hoi Nguyễn Sinh Hùng kakei lac: Kadha njauk pabak dalam hukum mbang ini nan lac kadha halei hu dalam hukum negar min dalam hukum klak oh ka hu ndem cambaiac ye mbang ini njauk quy định veik quyền sở hữu, quyền dân chủ ngak mbang, pablei salih tui hatai, bruk di tòa án lac jabat hukum. Lac dân sự ye bruk di dua gah yau nan ye bhap bini langyah hu ye klah ba tabiak tòa. 

# Mentri Y tế birau tabiak Thông tư tacei pato jalan peih ngak Sarak 14/2013/QĐ-TTg ka bruk salih gauk ngak bruk hu tukvak ngan saong urang ngak bruk di labik iek rauk. Tui nan, urang brei salih gauk ngak bruk hu tukvak takik di nyu 6 bilan sumu 132 harei ngak bruk; ralo di nyu 12 bilan sumu 264 harei nagak bruk. Tukvak salih gauk nao ngak bruk nan lac tukvak hu mbaok ngak bruk di labik iek ruak tuyến ala di urang ngak bruk ini.

 # Anak bruk ruak pandiak tabiak drah saong pandik meta bhong daok raha tabiak dalam kan kandah di dom palei, ban sit Đà Nẵng hu peih ngak rilo jaln pacang caga dom jit ruak ini. Meng kok thun mbaih tal ini, ban sit Đà nẵng hu 1.300 mbang urang njom ruak tagok baoh ia, 600 urang ruak sởi, 400 urang ruak tangin takai cambuai. Daok ruak pandiak tabaik darah birau dauh mboh 140 urang, trun ralo dut saong tukvak ini thun dahlau.

# Ủy ban bhap bini tỉnh Phú Yên birau mbaoh tangin brei tabiak harak Quyết định ka jalan pacang cag ribuk ia sua ka bhum taneran kayua tathuak ia dalam binek, atau calah binek Sang mac Thủy điện Sông Hinh thun 2014. Tui nan, dom gah, đơn vị saong karja palei brei pambuak bruk pataom mek thông tin saong duah thau ka  ribuk, ia sua; brei thau bruk tathuak ia, brei thau meng còi tadet di  binek ia saong sang mac; brei thau bruk tathauk ia meng dom pandap cảnh báo ribuk ia sua meng atah.

# Sở Pato megru tỉnh Khánh Hòa brei thau, meng thun 2010 -2014, tỉnh hu brei labaih 233 tỷ đồng piah peih ngak Danak dak pato megru pakat mầm non. Danak dak pataom tame padang ngak sang bac, daong pabak dinh dưỡng piah trun takik uraniah lavang lavaih. Ngan saong uranaih bangsa takik hu patagok bruk pato sap Việt piah caga ka uranaih dahlau si tame bac tal 1. Meng nan, Khánh Hòa jak ba hu 99,8% uranaih nao bac, hu 139/ 140 xã, phường, dalam nan hu dom xã di huyen kaoh pulao Trường Sa mek hu tanut chuẩn ka bruk pato phổ cập mầm non.

# Chi cục Hải quan pabah lam nge Bai Gon khu vực 1 di Cục Hải quan ban raya Ho Chi Minh birau brei thau, đơn vị ini birau duah mboh jaik 3.852 pa-op tapung ia tasau uranaih saong thực phẩm chức năng dom janih, tui yaom jien jaik 250 trieu dong, oh khai báo hải quan dalam lô pandap phế liệu blei meng negar langiu tame. Lô pandap nan kayua C.ty TNHH Bình Nguyên nagk harak blei tame.  Dalam nan, lô pandap mai meng negar Nhật Bản hu yaom jien labaih 30 trieu dong.

 # Tỉnh Sóc Trăng urak ini hu 73 dalam 105 xã, phường, ban sit hu urang đảng  bangsa Khmer. Kadha njauk uan tabuan nan lac dom uarng đảng bangsa Khmer nan jeng hu trach nhiem dalam bruk ngak, rilo urang lac urang jakar ngak praong di palei. Urang đảng bangsa Khmer ngak bruk khik iek, ngaok praong di dom jabat đảng, karaj di palei dak harei dak rilo. 

Khaw tin dunya:

# Gilang pariak Bhap bini Trung Quốc daok hu jalan buh tame 500 tỷ nhân dân tệ sumu 81,35 tỷ đô la Mỹ ka dom gilang pariak praong di Trung Quốc, Akok Gilang pariak Dak padang Trung Quoc khan yau nan. Gilang pariak Bhap bini Trung Quốc kuhria buh tame 5 gilang pariak praong di taneh ia ini tui jalan brei mesre dalam 3 bilan.  Bruk nan piah pabak jien caga  kurang jien bayar dalam dom gialang pariak Trung Quốc. 9 # Xiêra Lêôn harei 22/9, brei padeih bruk kareik pabah mbang 3 harei piah pacang bruk pambak jit ruak Êbôla. Dalam 3 harei kareik pabah mbang, Xiêra Lêôn hu 22 urang tra njom ruak Ebola. Dom urang nan daok iek ruak di dom pasak y tế.

# Birau ini, yaok rituk ribau urang di 160 taneh ia di dunya ba gauk trun jalan pacang bien doi khi hau. Bruk nan rah tabiak di rilo ban raya yau Niu Yoóc negar Mỹ, Luân Đôn negar Anh, Pa-ri di Pháp…Dom bruk trun jalan hu peih ngak piah pagalong jalan sahaneng di anek manuac anak bruk bien doi khi hau./.