# Patui veik mbang nyaom ka 27, biar harei kabroi (21/4), tui tacei ba di Phaok akaok Quốc hội Nguyễn Thị Kim Ngân, Ủy ban thường vụ Quốc hội brei panuac ka dự án Hukum Doanh nghiệp pasiam veik. Brei panuac ka dự thảo, jaik abih urang quốc hội njauk hatai ka bruk pasiam veik Hukum doanh nghiệp mbang ini, abih di nyu nan lac ba  bình đẳng ka dom doanh nghiệp. Piah brei thau cambaih jalan pandar  Hukum doanh nghiệp yau đạo luật gốc ka bruk khik iek doanh nghiệp, dom urang quốc hội pandar pasiam veik adat ini tui dom asal kadha ka bruk dak padang, bruk khik iek di yaok janih doanh nghiệp hu tính bắt buộc áp dụng chung hu quy định thống nhất. Tok áp dụng quy định di Hukum chuyên ngành meyah hu bruk karei di gauk gah tổ chức quản lý kayua tính chất đặc thù. Brei panuac tamat mbang nyaom, Phaok akaok Quốc hội Nguyễn Thị Kim Ngân pandar Ban soạn thảo taduan mek panuac di dom urang quốc hội piah pasiam Dự thảo hukum, abih di nyu nan lac njauk patui veik roh duah, pasiam pabak dom điều, khoản ka nyu laik haong dom hukum daok pandar jang yau Hukum negar.

# Rilo doanh nghiep pablei brah tabiak negar langiu brei thau, brah pablei tapa negar Trung Quoc tagok gilac saong tui kuhria mboh dahlau meda tagok khang di anak tal. Tui langyah di dom urang ilamu, VN daok jaik TQ, yaom pajeng ba abih takik jang ba tal brah di VN lap jang, nan ye hu TQ pilih ruah dahlau di abih piah blei.. Kuhria taeng jien pajeng ba, yaok tấn brah di Viet Nam abih takik jang Thai Lan labih 10 dola My. Hu thau, Trung Quoc nan lac darak pasar praong di abih di Viet Nam dalam quy 1, meblah labaih 40% brah pablei tabiak negar langiu.

 # Urak ini, Ban khik iek dom labik inem krung dak rai sajarah – ilamo di tỉnh Quảng Ngãi hu kuhria caga blaoh blai piah taduan raok tuai damuai mai rivang ma-in tukvak padeih lễ 30/4 saong 1/5. Ban khik iek Khu chứng tích Sơn Mỹ, tỉnh Quảng Ngãi hu pasiam labaih 1.200 hiện vật daok khik piah, dalam nan meyaih khan jaik 350 pandap daok parang iek duh ka tuai damuai mai mong iek. Thun ini, huyện Lý Sơn peih bruk brei ka tuai damuai pah sang mikva daok tui jalan homestay, duah thau ka bhumme di “Đội hùng binh Hoàng Sa” saong rai diuk di bhap bani pak ini. Daok pak Mu-yim Ba Tơ bahrau roh duah hu gilac 10 kỷ vật, patagok labaih 400 pandapt nan lac sa bàn, thaik binguk, harak ba-ar tư liệu ka mbang mesruh metak Ba Tơ saong Đội du kích Ba Tơ.

# Birau ini, hu bruk daong 150 trieu dong di Kpaul Urang nong Ha Lan saong 100 trieu dong phun jien di Kapul Urang nong tinh An Giang, kapul pambuak bruk dulich palei Cam xa Chau Phong, ban sit Tan Chau, tinh An Giang hu padang tabiak, tapa nan nyu meda ngak pachreih tuia damuai mai rivang saong ba jien tame tani tanat ka pelei ngak khan bai Cam palei Chau Giang, xa Chau Phong. Kapul pambuak bruk dulich palei Cam xa Chau Phong hu padang tagok meng dom kadha hu bloh, yau ye: Pasiam veik palei menyim khan bai , jik pet di urang Cam hu angan je meng kan mai di palei Bhum Xoai, xa Chau Phong; pasiam veik saong pasram dom kapul daoh tamia urang bangsa Cam.

 # Tal tukvak ini, tỉnh Trà Vinh hu labaih 40 uranaih njauk pandiak tamuh ban medhil lac ruak sởi, dalam nan hu 10 urang mboh dương tính haong ruak sởi; jeng daok biar dut haong mbang jit 2009 – 2010. Yau nan min kadha njauk ndom nan lac dom urang njauk ruak sởi mboh ralo pak uranaih oh ka klauk vắc xin pacang caga ruak sởi atau klauk jru pacang caga oh ka ginup. Yaok bilan Trà Vinh hu meng 2.800 tal 3.000 uranaih klauk mũi 1 saong mũi 2, yau nan min dahlau diah tok hu meng 70 tal 80% uranaih dalam umo nao tal labik y tế klauk jru pacang caga. Anak bruk ruak sởi tamuh tabiak ralo, taphia bruk klauk jru vắc xin định kỳ ka uranaih dalam umo, tỉnh daok jak ba hu saong klauk jaik 3.000 mũi, meblah jaik 80% số uranaih oh ka klauk ginup liều.

# Meng akok thun mbiah tal ini, tinh Ba Ria – Vung Tau hu 17 mbang urang ruak soi, ralo meng mboh di ban Vung Tau saong huyện Tân Thành. Ini lac dua palei hu ralo uranaih saong rilo baoh sang meng dom tỉnh, ban karei panduan mai daok saong ngak mbang diukrai. Dom uranaih ruak soi nan lac dom uranaih oh ka hu klau jru vaccin caga ruak soi. Yoam lac, BaRia- Vung Tau oh tamuh jit ruak min kayua langik pandiak gam saong ruak soi tamuh di dom tỉnh jiak taphia nan lac jalan mbuan pambak jit ruak.

# Dalam 3 bilan akaok thun 2014, Kapul nyaom ilamu tatua jalan Bến Tre saong dom chi hội ndih dalam pambuak haong urang dang akaok dom huyện, xã jak ba hu labaih 17 tỉ đồng (dalam nan hu 15 tỉ đồng jak ba dom urang ngak pahla, 2 tỉ đồng kayua bhap bani rik daong), peih bruk padang ngak 36 baoh tatua saong 12 km jalan bê tông tui quy hoạch padang ngak palei pala bahrau, ngak brei palagaih ka bhap bani nao mai pajeng ba kaya nong mbuan lagaih. Hu thau, tukvak tapa, Kapul nyaom ilamu tatua jalan Bến Tre hu peih bruk pasang iek jalan mbak nao mai dalam palei piah thau cambaih laih jang ka jalan mbak, tatua abih di nyu lac bhum atah bayah, labik căn cứ cách mạng dahlau diah, meng nan jak ba urang ngak pahla daong brei jien saong pandap panda, jak ba mikva rik daong jien, alin brei taneh… pasiam veik saong ngak bahrau tatua, jalan mbak nao mai dalam palei.

Khaw tin dunya:

# Tân hoa xã ba tin Gah khik caga takai tasik Hàn Quoc brei thau, urang metai kayua bala kram gilai Sewol di bhum tasik Tay Nam Han Quoc, kuhrai mbiah tal melam kabroi tagok tal 87 urang. Tui nan, dom urang njuk ia hu tame tal khoang tuia damuai ndik di tal klau saong tal 4 di kapal njauk bala nan. Duah hu 22 rup pabhap urang metai. Yau nan daok 215 urang oh ka duah mboh . Gah khik caga takai tasik saong bol lin Hàn Quốc daok patui bruk brei urang njuk ia tame dom khoang urang ndik di kapal Sewol dalam dom harei anak tal.

 # Thứ trưởng Ngoại giao Malaixia Ham-da Dai-nu-đin (Hamza Zainudin) page ini (22/4) tagok jalan nao Bắc Kinh piah ginum biai haong dom urang jakar Trung Quốc ka bruk duah sruh kapal haok MH370 di Malaixia najuk lahik. Dua gah njauk ginum biai dom jalan ngak patui veik dalam tukvak sa mbang ribuk nhiệt đới daok nao tal gah Meraong Ấn Độ Dương meda ngak kan kandah tal bruk roh duah. Thứ trưởng Ham-da Dai-nu-đin lac: "Dahlak caong khin mboh jalan ngak patyui veik, caong khin hu sa danak dak bruk ngak bo Malaixia saong Trung Quốc meda pambuak hu haong gauk. Dahlak caong khin hu sa mbang ginum biai haong gah Trung Quốc dahlau di tuk ba tabiak sa panuac khan brei thau ka bruk ngak nan”.

# Tổng thống Iran Hassan Rouhani brei thau, tukvak ka dua di bruk salih birau jaln trợ cấp di Iran hu peih tabiak dalam dom harei ank tal. Tukvak camereip di puac thun 2010, Rajaei hu buh tabiak labih 14,3 tỷ dola My piah bayar ka dom urang ngak kong yau jien bayar ka bruk padeih trợ cấp. Tukvak ka 2, Rajaei brei bayar jjien ka dom urang tut angan saong pabak ginup bruk ba tabiak./.