# Page harei 23 bilan 5, danak dak “ Vinh quang Viet Nam” mbang 11 kayua Bao Lao động saong Rayo papar sap papar binguk VN pambuak bruk saong kapul nyaom, tui bruk tacei ba di Tổng Lao đoàn lao động Viet Nam saong Mban pakacah – pok meyaom Trung ương peih tabiak di Ha Noi. 11 kapul nyaom saong 19 urang hu pok meyaom di danak dak nan lac dom urang joi bruk ngak oh padeih  kham bac da-a yam tagok, hadah krah, thau sahaneng, khang hatai ngak dom bruk salih birau dom gah kinh tế, xã hoi, an ninh quốc phòng, ba mai jak jeng praong, daong ba bruk ngak kinh tế di taneh ia yam tapa truh kan kandah, khik salamat xa hoi, bruk ngak po an ninh taneh ia hu khang kajap.

# Bahrau ini, Phó Thủ tướng Hoàng Trung Hải dang akaok mbang nyaom taong yaom bruk brei harak Chứng  nhận quyền pandar taneh, quyền ngak pô sang daok saong drap ar karei pagam saong taneh. Hadei di tuk pang urang dak akaok mintri Tài nguyên saong Môi trường pathau khan, panuac brei thau di akaok dom mintri saong uy mban bhapbini ban ine Ha Noi hu mbaok dalam nyaom biai, Phó Thủ tướng Hoàng Trung Hải brei panuac lac : “ Dom puk palei njauk jhul khang bruk đo đạc lập bản đồ địa chính, brei, salih harak Chứng nhận, padang cơ sở dữ liệu taneh riya tui sarak ka 39 di Quốc hội. Dalam dua thun 2014 – 2015, njauk pataom pren yava tame  paih peih ngak saong ngak blaoh blai bruk brei, salih harak Chứng nhận di dom labik hu bản đồ địa chính, saong brei ngak blaoh blai bruk padang cơ sở dữ liệu taneh riya ka yaok tinh takik di abih sa labik pakat huyen piah ngak iek dahlau, piah bac megru bloh peih tabiak ngak praong dalam dom thun tal”

# 50 blah ao phao, ao cứu sinh, gam saong yaok rituh blah hala dok Negar, pandap mbang menyum piah caga nao tasik nan lac dom janih pandap ndung bak hatai anit ranam, klah rabha glaih glar di dom urang jakan, urang lin Cảnh sát tasik Hải đội 102 Bhum Cảnh sát tasik 1 saong urang jakar tỉnh đoàn Hà Tĩnh alin brei ka mikva urang nao tasik di tỉnh Hà Tĩnh.Thiếu tá Trần Hồng Quế, Chính trị viên Hải đội 102 Bhum Cảnh sát tasik 1 brei thau, ini lac danak dak kayua Tỉnh đoàn Hà Tĩnh pambuak saong Hải đội 102 bhum 1 Cảnh sát tasik saong Bol lin Biên phòng peih tabiak. Danak dak “Gam takai yam saong urang nao tasik” piah klak rabha, pachreih ba mikva sahanang hatai, jia tame bruk tacei ba di  đảng, hukum di karja, patui bruk nao tasik, taong chap ikan hadang, hu mbaok tame khik caga quyền ngak pô tasik pulao di negar. 

# Pasak roh duah khik ramik saong patagok ilimo bangsa Biet Nam pambuak bruk saong Sở ilimo – padhih saong du lich tinh Quang Ngai barau peih bruk ginum biai ka kadha “ Pham Van Dong saong ilimo bangsa”. Mbang ginum biai ini pachreih hu dom giao su, tien sy, dom urang alamu, urang roh duah ilimo dalam saong langiu tinh gam saong gauk gar aruah Thủ tướng Phạm Văn Đồng. Jaik 70 kadha tham luận di mbang ginum biai hu daong ngak cambaih dom pren yava praong di aruah Thủ tướng Phạm Văn Đồng dalam bruk dak padang ilimo Biet Nam mbak crak ndung bak ilamu bangsa. Tapa nan, pabak tame dom tài liệu, dom bruk roh duah barau abih ka aruah Thủ tướng Phạm Văn Đồng.

 # Di Pasak Thể dục – Thể thao tỉnh Bình Phước, birau peih mbaok giải  Vo địch dom Kalup kapul  Mu-ay pakat negar 2014. Ini lac mbang ka 2, tỉnh Bình Phước dang tabiak peih bruk pkacah giải Vo dich dom kalup kapul Mu-ay pakat negar. Giai pakacah thun ini hu 125 urang tame pakacah mai meng 22 kalup kapul lambaok vakil dom tỉnh ban dalam taneh ia. Pakacah giải rah tabiak meng harei 22 bilan 5 tal harei 27 bilan 5 saong 16 hạng cân. Ini lac bruk ngak piah pamaong tal Nyaom rayo padhih thể dục thể thao pakat negar mbang 7.

# Hadei di 6 bilan peih ngak iek dahlau ka pandap mbang jaln pho, urak ini ban raya Ho Chi Minh hu 190 labik saong 229 urang tame bruk ini. Kadha nan daok biar duk saong 16.400 labik pablei salih pandap mbang jalan pho dalam ban raya Ho Chi Minh. Meng bilan 8/2013, Chi cục An toàn hacih saat pandap mbang menyum ngan saong bruk pablei salih pandap mbang jalan pho, dalam nan hu padang 2 bruk ngak iek dahlau an toan pandap mbang menyum pandap mbang jalan pho di phường Tân Thành, quận Tân Phú saong phường 12, quận 4. Tapa bruk ngak ini, akaok sahaneng ka an toan hacih saat pandap mbang menyum di dom po co so dak harei dak paglaong. Cambaih laih : jaik 30% co so hu tapuk vak veik asal pandap mbang menyum, 67% co so hu kadung caik harek hacih saat, labaih 80% co so hu pandap mbang tathak hu gam sing, khik njauk hacih saat.

 #Sở Pato megru tỉnh Đak Lak birau peih bruk pok meyaom anke saih bac naih joi pakat negar thun bac 2013 -2014. Thun bac 2013 -2014, tỉnh Dak Lak hu 31 anke saih mek hu giải anke saih naih joi pakat negar THPT  ngan saong 4 gải nhì, 15 giải klau, 12 giải khuyến khích di 9 dalam 10 môn pakacah. Thun ini, yaom lac trun dua giai dut saong thun bac dahlau min hu rilo giải glaong, dang dhi 2 dalam 10 tỉnh cụm pakacah khu vực Duyên hải miền Trung – Tây Nguyên. Abih di nyu nan lac, hu 7 adei di dom sang bac THPT oh chuyen mek hu gải mon sarjarah dakrai, đại lý, hóa học, vật lý saong hu 3 anek saih bangsa takik mek hu giải.

Nhạc cắt

Khaw tin dunya

 # Javap chalei panuac tangi sua di nhật báo Mỹ Wall Street Journal, akaok mintri  Ngoại giao Indonesia Marty Natalegawa hu tah klak dom kadha hu Trung Quoc ba tabiak piah bien minh ka bruk meriak gauk saong Biet Nam di bhum pulao kaoh Hoàng Sa saong bhum đặc quyền kinh tế di Việt Nam. Ông brei thau lac, bruk praong urak ini di Biet Nam saong Trung Quoc gam lac bruk di dua gah, gam lac bruk di khu vuc. Daok tui dom urang glang iek, ngan saong labik dang lac taneh ia praong abih dalam ASEAN, Indonesia meda dang tabiak piah daong layah bruk giàn khoan Hải Dương 981.

# Gilang pariak Dunya birau hu panuac brei thau bruk brei tapa paok jien daong 1 tỷ 5 rituh triệu đola Mỹ ka 3 danak dak birau di Ucraina, piah daong taneh ia ini salih birau bruk praong saong padang ngak cơ sở hạ tầng. Tui Gilang pariak dunya, jaik meteh paok jien nan tui kuhria dahlau hu brei pandar dahlau ka danak dak salih birau yau pacang caga tham nhũng dalam bruk karja  saong salih birau bruk daong brei. Labiah 382 triệu dola piah ngak pasiam hệ thống khang sưởi saong 350 triệu dola daok veik piah pagalong dom bruk pabak ia saong ngak hacih nerak tachrauk./.

# Tổng thư ký Liên hợp quốc Ban Ki-mun pandar Hội đồng Bảo an samar ngak cip piah khik caga lac yaok trieu menuac urang Xyri daok gaok kan kandah kayua bruk mesruh gauk khang dalam taneh ia ini taduan hu bruk daong nhân đạo. Di sa pathau khan anak Hội đồng bảo an, Tổng thư ký  Liên hợp quốc brei thau, yaom lac dom urang di Liên hợp quốc kham merat dalam bruk daong nhan dao, min sarak 2139 jeng oh ba tabiak rilo bruk karei di gauk ka yaok trieu bhapbini Xyri. Dalam pathau khan di drei, ông Ban Ki-mun ndom lac, urak ini hu 241 rabau bhapbini Xyri daok diukrai dalam labik oh nhân đạo saong oh njauk hukum kayua methuh metak vil tam dar, labaih 3 trieu meteh bhapbini Xyri karei oh taduan hu bruk daong  nhan dao. Ông Ban Ki-mun jeng hu panuac lên án bruk pandar bom srau kadau di labik hu rilo bhapbini, ngak ka rilo uranaih njauk bala.