# Biar harei kabroi, 22/4, akaok negar Trương Tấn Sang hu taduan raok Kapul urang lambaok Hội truyền thống Trường Sơn - Jalan Hồ Chí Minh Việt Nam, di tuk daok pamaong tal bruk pahadar 55 thun harei ilamu Bộ đội Trường Sơn (19/5/1959-19/5/2014). Labaih 60 urang hu mbaok di mbang taom gaok nan lac dom urang dahlau diah ngak bol lin, urang dahlau diah ngak thanh niên xung phong saong dân công hỏa tuyến Trường Sơn meng kan brei mboh hatai drut droi tuk hu taom gaok ndom biai haong akaok negar. Akaok negar brei thau, Đảng - Karja tuk halei jeng thau saong taong yaom glaong bruk rik daong praong di dom lực lượng angaok mblang taneh Trường Sơn, thau hadom manuac urang van klak rup drei ka độc lập, yasa taneh aia. Jalan Trường Sơn jeng lac brei mboh hatai khang di dakrai sajarah bangsa brei ka hòa bình yasa taneh aia.

 # Di mblang bein nghia trang A1 ban sit Điện Biên Phủ, tỉnh Thanh Hóa birau peih bruk jao brei saong ba tame pandar danak dak: Pahadar dom anh hùng liet si Dien Bien Phu ka tỉnh Dien Bien. Danak dak nan tui yaom jien jaik 5 tỷ đồng, nan lac taong abih patau tauk di mblang bein nghĩa trang liet si A1 ngan saong taneh praong 5.700 met vuong, hu ngak meng patau glai hu pajeng meng Thanh Hóa mai Dien Bien. Taong abih danak dak kayua dom  ky sư, họa sĩ thiết kế saong Doanh nghiep di tỉnh Thanh Hóa dang tabiak ngak dalam labaih meteh bilan tapa. Danak dak nan lac hatung hatian di Đảng bộ, karja saong bhap bini tinh Thanh Hoa dar phor tal dom anh hùng liệt sĩ Dien Bien Phu.

           # Piah paglaong ilamu pato tacei di kapul nyaom giảng viên, dalam klau harei, meng harei 22  tal harei 24 bilan 4, Tỉnh ủy Kon Tum peih Nyaom pakacah giảng viên lý luận chính trị naih jioi pakat tỉnh thun 2014. Hu mbaok dalam Nyaom pakacah hu 28 thí sinh hu palih ruah meng dom mbang pakacah pakat cơ sở, nan lac giảng viên chuyên trách saong oh chuyên trách mai meng 12 Đảng bộ dalam Tỉnh ủy Kon Tum. Dom thí sinh njauk tapa klau janih pakacah nan lac: ngak giáo án thuyết trình, pakacah thuyết trình saong javap jaleiy tapak panuac tangi sua di Ban giám khảo.     

 # Pandiak bhang dui atah ngak ka ia di dom binek dalm tỉnh Quảng Ngãi trun daok biar dut saong tuk vak ini thun dahlau. Di huyện Đức Phổ, labih 1000 hecta padai bilan hè thu anak tal brei salih tapa pala phun karei. Dom palei hu tacei pato mikva yauk padai đông xuân tal halei ngak taneh pala drak  phun dang hu di taneh thu tal nan. Ong Phan Thanh Hiền, ngak bruk di binek Liệt Sơn, huyện Đức Phổ, tỉnh Quảng Ngãi brei thau: “ Ia dalam 1.300 hecta binek Liệt Sơn oh ginup pruh tal labik  atah. Yau nan ye, khol dahlak hu panuac pok tagok huyện brei peih bruk ginum biai dom Hop tac xa di labik mbang ia meng binek Liet Son ye khol dahlak brei padeih ba ia ka dom taneh di Hop tac xa daok atah…”

 # Melam kabroi (22/4), di bal sit Phan Thiết, tỉnh Bình Thuận, Nyaom darak parang iek Công thương bhum kinh tế Đông Nam Bộ hu tamat blaoh hadei di jaik sa adit rah tabiak.  Tui Ban tổ chức, dalam 6 harei rah tabiak, Nyaom darak parang iek Công thương bhum kinh tế Đông Nam Bộ pachreih hu labaih 100 ribau mbang urang mai mong iek, blei pandar. Taong abih yaom jien pablei pandap di Nyaom darak hu labaih 50 tỷ đồng, hu 25 harak pambuak bruk hu mboh tangin ngan haong yaom jien labaih 10 tỷ, ralo harak sanya pambuak bruk hu mboh tangin. Bruk khik caga an ninh trật tự hu siam mekre, bhap bani chreih chai mai blei pandar. Nyaom darak nan lac bruk ngak piah pahadar 39 thun harei peih paha gah meraong, yasa taneh aia (30/4/1975-30/4/2014), pachreih tui bruk jak ba “Urang Viet Nam dahlau di abih njauk pandar pandap Việt Nam” di Bộ Chính trị.

 # Tỉnh Đồng Nai daok jhul pakhang bruk peih taneh, bayar jien boi thuong, daong jien pandaun nao daok labik birau di danak dak padang ngak tatua Dong Nai birau saong jalan tagok dua akok tatua nan. Toang abih taneh njauk brei mek veik piah peih ngak danak dak labaih 163 ribau met vuong, nao tapa Phường An Bình saong Long Bình Tân, ban sit Biên Hòa. Dalam nan, hu 16 đơn vị, kpaul nyaom saong labaih 140 baoh sang njauk giải tỏa meneing taneh daok pandar. Min, urak ini bruk bayar jien peih taneh daok gaok kan kandah kayua daok cang bruk pasang iek yaom taneh di Sở Tài chính ka dom kapul, đơn vị. Uy ban bhap bini tỉnh Dong Nai tacei pato pasak patagok kadung taneh ban Bien Hoa njauk brei ngak lagaih dalm bruk bayar jien, saong dom dơn vị pambak tal bruk nan samar ngak brei salah ho so pok tagok mbaok tangin brei bayar jien, payua tal Uy ban bhap bini tinh dahalu di harei 15/5.

 # Piah pacang caga ruak sởi, meng akaok thun, pasak y tế dự phòng tỉnh Kiên Giang hu peih bruk pato pasram ka taong abih urang jakar di pasak y tế huyện saong dom balai y tế xã, phường. Taphia di nan daok pambuak bruk haong dom pasak y tế saong sang iek ruak đa khoa huyện di 15 huyện thị pasang iek ruak sởi. Dalam bruk klauk jru pacang caga ka uranaih umo meng  9 bilan tal 12 bilan, Kiên Giang ngak hu labaih 67%, daok jaik 700 uranaih oh ka klauk jru. Urak ini daok hu labaih 5 huyện daok peih ngak, kham merat ngak salah blaoh dahlau di harei 29/4 ini.

 Khaw tin dunya:

# Kuhrai mbiah tal kreh melem ka broi 22/4, dom urang metai kayua kapal gilai Han Quoc kram tagok tal 121 urang, tuk dom urang njuk ia tame kham duah dalam kapal. Yau nan, kuhrai tal tukvak ini, dalam 476 tuai damuai di kapl, hu 174 urang daong diuk, 121 urang metai saong 181 urang oh ka duah mboh.

           # Urang vak di Rayo sap ndom Việt Nam daok di negar Lào brei thau, Thủ tướng Lào Thong-sing Tham-ma-vông (Thongsing Thammavong) hu panuac pachreih dom urang jakar dalam raja-ei njauk duah tabiak dom jalan ngak piah pasiam veik bruk ngak mbang saong pachreih urang buh jien tame ngak mbang. Dalam mbang nyaom raja-ei tamat di harei 21/4, Thủ tướng Lào hu tacei tabiak dom kadha cambaih laih njauk lang yah di anak meta. Nan lac: Njauk patabiak sa sarak nhập khẩu ưu đãi pambuak pagam haong bruk ngak mbang di dom urang buh jien tame ngak; ba mbuan lagaih ka doanh nghiệp saong urang buh jien tame ngak hu tame bruk jien padai, darak pasar, năng lượng, urang ngak gam haong bruk ưu đãi gah kak je. Bruk langyah sraiy nan lac kadha pandiak di abih di raja-ei Lào dalam tuk kadung jien karja daok gaok biak rilo kan kandah yau urak ini.