# Thủ tướng Raja-ei bahrau mboh tangin tame phê duyệt asal kadha dự thảo Hiệp định tín dụng cambaih laih ka 6 di Raja-ei Cộng hòa xã hội chủ nghĩa Việt Nam saong Gilang pariak UniCredit Áo piah daong ka  Dự án Blei mac pasang iek chất lượng cầu đường saong mac điều hòa patau ba-lát jalan pasei. Thủ tướng raja-ei brei adat ka urang dang akaok Mentri Jien padai lambaok ka Raja-ei Việt Nam mboh tangin tame Hiệp định angaok nan haong lambaok hu thẩm quyền di Gilang pariak UniCredit.

# Bair harei 24/4, Đại tướng Phùng Quang Thanh, Ủy viên mintri Chính trị, akaok mintri Quốc phòng Việt Nam hu taduan ong Tét- O-xi-ớt (Ted Osius), Đại sứ đặc mệnh toàn quyền  Hợp chủng quốc Hoa Kỳ di Việt Nam. Đại sứ Tét- O-xi-ớtc brei thau rajaei Hoa Kỳ kham merat tagok dua mbang ngân sách duah phá bom mìn daok kandon hadei mbang mesruh ka VN di tukvak tal saong kham merat gam saong VN pamaong tal sa harei hadei  siam mekre jang

# Phó Thủ tướng Hoàng Trung Hải jao ka mintri ngak nong saong patagok palei pala dang akaok, pambuak bruk saong dom labik, puk palei pambuak tal peih ngak tui tacei pato di thủ tướng rajaei ka patagok phun mắc ca.  Phó Thủ tướng jeng pandar mintri ngak nong saong patagok palei pala dang akaok, pambuak bruk saong dom labik, puk palei pambuak tal paglaong dom bruk khik ramik ka chất lượng pajaih; tacei pato urang pala drak pambuak bruk saong dom doanh nghep dau tu, peih ngak sản xuất pambuak pagam saong chế biến, pablei, khik caga patagok phun mắc ca tui jalan samal, khang kajap.

# Taduan panuac daa di Mentri Ngoại giao Việt Nam, Kapul Mentri Ngoại giao negar Cộng hòa Pa-ra-goay kayua Quyền Thứ trưởng Lu-ít Phê-rơ-nan-đô A-va-lô (Luis Fernando Avalo) ba akaok mai rivang Việt Nam meng harei 22 tal 27/4. Akaok Mentri Ngoại giao dua negar khang panuac lac patui veik patagok bruk pambuak gauk nao mai, daong ba gauk pak dom kapul nyaom dunya; pambuak haong dom kapul nyaom peih ngak dom bruk pahadar 20 thun harei padang talei rohim pambuak bruk nao mai di dua negar (30/5/1995 - 30/5/2015).   

# Melam 24/4, pak bal sit Đông Triều, tỉnh Quảng Ninh rah tabiak bruk brei thau Sarak di Ủy ban Thường vụ Quốc hội padang bal sit Đông Triều saong taduan raok angan Huyện Palei pala bahrau di Thủ tướng Raja-ei. Piah hu jeng bal sit, Đông Triều hu pambuak pagam danak dak padang ngak palei pala bahrau saong danak dak patagok đô thị, buh jien tame ngak hệ thống hạ tầng, kinh tế xã hội ngan haong phun jien buh tame jaik 5000 tỷ đồng. Tốc độ patagok bình quân tukvak 2011-2014 hu 13,9%.

# Ủy ban bhapbini tỉnh Thừa Thiên Huế saong  jabat pambuak bruk dunya Hàn Quốc di VN barau peih nyaom biai “ Quy hoạch chi tiết dua gah takai kraong Hương- bruk ngak saong jalan ngak" ngan saong bruk pataom mbaok di dom chuyen gia, urang roh duah, khik ramik dalam taneh ia saong dunya. Tui nan, phạm vi quy hoạch lac tapeng kraong Hương atah 16 km, quy mô labaih 850 héc ta, dalam nan 2/3 taneh ia ngak lac mbaok ia angaok sông Hương. Danakdak hu jien ngak 6 triệu đô la Mỹ meng phun jien ODA viện trợ oh bayan lãi di rajaei Hàn Quốc. 

#  Sở Ilamo padhih saong rivang ma-in tỉnh Đắc Lắc bahrau peih Giải bóng chuyền kamei dalam tỉnh, salam uan 40 thun peih paha gah Meraong, yasa taneh aia. Giải đấu rah tabiak meng ini tal abih harei 27/4, ngan haong bruk hu mbaok di 16 đội, 158 vận động viên, mai meng 15 huyện, bal sit, bal prong saong gah Công an tỉnh Đắc Lắc. 16 đội meda parabha jeng 4 bảng, pakacah tui vòng tròn 3 hiệp, janeh 2. Dom kapul  dang akaok bảng meda tame pakacah bán kết tui yau (gu) saong palih 2 kapul patui veik tame pakacah vòng chung kết. 

Khaw tin dunya

# Dalam dom bruk pambuak gauk gah quốc phòng di Campuchia saong Việt Nam, harei 24/4, di tỉnh Căm-pốt (Kampot), mintri Quốc phòng Campuchia hu peih pakak danaok Sở chỉ huy Tiểu đoàn 112 di Lữ đoàn can thiệp ka 11, hu padang meng phun jien daong di mintri  Quốc phòng Việt Nam. Ini lac công trình ka 7 hu dak padang meng jien daong di mintri Quốc phòng Việt Nam bo bol bala Campuchia ba tame pandar kuhria meng akaok thun 2015.

# Raja-ei di Thủ tướng Xin-dô A-bê (Shinzo Abe) daok pamaong tal bruk ba Nhật Bản jeng sa negar năng động jang ka gah an ninh quốc phòng dalam khu vực saong dunya. Ini lac panuac di dom chuyên gia phân tích dalam tukvak Thủ tướng A-bê  caga hu mbang nao rivang Mỹ dalam adit anak tal. Urak ini Nhật Bản saong Mỹ daok yam tal bruk jul patagok bruk cập nhật saong điều chỉnh dom nguyên tắc pambuak bruk quốc phòng dua gah.

# Cảnh sát Italia harei 24/ 4 peih brukl cap mek dom urang tình nghi lac menuac di kol khủng bố pakat dunya An Kê-đa bhian tabiak bruk tấn công di Áp-ga-ni-xtan saong Pakixtan. Tui cảnh sát, kapul khủng bố ini hu rilo phao ndao saong chiêu mộ hu biak rilo tangin phao halan hatian peih ngak dom mbang tấn công di Pakixtan saong Áp-ga-ni-xtan, blaoh hadei nan gilac mai Italia. Dalam 18 urang tình nghi hu takik abih dua urang dahlau thiah pataom tame kapul khik caga trùm khủng bố Ô-xa-ma Bin La-đen dahlau thiah./.