# Anak bruk jit ruak sởi rah tabiak dalam kan kandah ngan saong rilo uranaih njauk ruak trak brei ba tame sang iek ruak, Phó thủ tướng Vũ Đức Đam hu ngak bruk saong Mentri Y tế saong nao dauh thau bruk pasiam ruak sởi di sang iek ruak Uranaih Trung ương. Tui Cục Y tế caga ruak ( Mentri Y tế), meng akok tuk rah tabiak jit ruak mbiah tal ini hu 108 mbang urang metai kayua ruak sởi saong barah phổi, gam hu daom janih ruak karei tra, dalam nan hu 103 mbang di Sang iek ruak Nhi Trung ương; 4 mbang di sang iek ruak Bạch Mai saong 1 mbang di sang iek ruak nhiệt đới Trung ương. Phó Thủ tướng caong khin dom sang iek ruak kham merat ngak brei trun takik abih dom mbang urang ruak metai kayua sởi; Gam kakei lac, oh brei kurang jru iek ruak sởi.

# Dalam dom bruk di Festival Huế 2014, pagaiy harei 16/4, di ban sit Huế, mintri ilimo padhih saong du lich pambuak bruk saong uy mban bhapbini tinh Thua Thien Hue saong Hiep hoi du thuyền Châu Á peih ginum biai jalan patagok cong nghiep du lich kapal tasik Biet Nam. Ginum biai hu pang 19 tham luan dalam taneh ia saong dunya pataom tame dom bruk ka cong nghiep du lich, jalan patagok dulich meng kapal tasik di VN. Urak ini, yaok thun VN raok labaih 200 rabau mbang tuai damuai du lich kapal tasik saong tuai damuai du lich mai Biet Nam meng kapal dak harei dak rilo. Min, gah cong nghiep du lich di kapal tasik Biet Nam daok rilo tavak tavaiy duk saong dom taneh ia dalam khu vuc ye : co so ha tang, pandap du lich, bruk yaih khan daok biar saong kurang. Biet Nam hu 39 cum cang tasik hu qui hoach min anak meta mboh lac, labik bhian pandar kapal du lich dunya biak takik, dom cảng rilo meng raok tuai damuai du lich kapal tasik jeng pandar gam saong kapal pajang pandap, kapal container.

# Mban tacei jalan khik ramik hacih sa-at pandap mbang menyum ban sit Đà Nẵng birau peih tabiak Bilan ngak brei ka bruk hacih sa-at pandap mbang menyum thun 2014. Bilan ngak brei ka bruk hacih sa-at pandap mbang menyum thun ini hu ngan lac “ Hacih sa-at pandap mbang jalan mbak” tui dua bruk ngak praong nan lac: pathau khan khik ramik hacih sa-at pandap mbang menyum; Patagok pasang iek bruk ngak tui dom harak hukum khik ramik hacih sa-at pandap mbang menyum. Di var peih bruk jak ba nan, taong abih dom doanh nghiệp ngak pandap mbang, menyum, pablei pandap mbang menyum hu tut anagn sanya brei ngak siam njauk tui hukum ka bruk khik ramik hacih sa-at pandap mbang menyum.

 # Anak bruk caong pandar pajaih padai chat luong glaong dak harei dak glaong, Lien minh hợp tác xã tỉnh Trà Vinh barau peih tabiak sa hop tac xa piah ngak saong pabak padai pajaih hu chat luong ka puk palei. Hop tac xa ini hu padang tagok meng co so ngak padai pajaih Chín Táo, xã Song Lộc, huyện Châu Thành saong hu 14 urang pataom tame, kadung jien dieu le abih tih lac 100 trieu dong. Urak ini, hop tac xa hu 40 ha taneh pala drak, yaok thun ba tabiak darak pasal labaih 700 tan padai chat luong glaong saong daok kuhria peih praong tuk taneh ngak padai chat luong glaong di Tra Vinh daok hu peih praong. Hop tac xa tabiak rai piah pabak ginup pajaih padai chat luong glaong ka urang nong dalam tinh saong yaom lagaih, rik daong paglaong chat luong athar padai pabak ka bruk pablei tabiak negar langiu.

# Di Cần Thơ, Học viện Chính trị hành chính Quốc gia Ho Chi Minh birau peih bruk ginum biai “Khik ramik saong patagok yaom glaong ilamu bangsa Khmer saong Phật giáo Nam tông Khmer bhum Đông Nam bộ tal thun 2020, pamaong tal thun 2030”. Di nyaom biai, dom urang lambaok vakil mboh lac, bruk taom gaok ilamu di dom bhum palei, jeng yau dom khu vực saong dom agama urak ini di dunya daok rah tabiak khang. Yau nan ye, dom ilamu meng muk kei di urang Khmer daok dang anak dom cuang kandah praong njauk brei hu dom jalan ngak piah khik ramik saong patagok dom yaom glaong ilamu meng muk kei.

# Tỉnh Bến Tre jaik peih bruk rok baoh tanum mengkan daok di khu phố 2, ban sit Chợ Lách, huyện Chợ Lách. Ini lac baoh tanum hu urang lac labik dar urang pambuak tal patao rai Nguyen di tukvak Nguyen Ánh tame gah meraong dauk plaih nghĩa quân Tây Sơn. Labik rok nan praong 100 mét vuông, kayua tỉnh pambuak bruk saong sang bac Đại học Khoa học Xã hội saong Nhân văn di sang bac Đại học Quốc gia ban raya Hồ Chí Minh peih ngak. Baoh tanum mengkan ini hu meng labaih 200 thun min oh hu angan je saong oh hu gauk gar pasang iek.

# Di sang pakacah Phú Thọ, ban raya Ho Chi Minh, Kapul doanh nghiệp Pandap Việt Nam chất lượng glaong birau peih Nyaom darak pasar Pandap Việt Nam chất lượng glaong thun 2014. Ini lac mbang 18 Nyaom darak pasar Pandap Việt Nam chất lượng glaong hu peih tabiak di ban raya Ho Chi Minh. Hu mbaok 230 doanh nghiệp ngan saong 700 gian pandap. Urang blei mai tal nyaom darak pasar meda blei pandap chất lượng glaong tapa rilo danak dak palei lap, trun meteh yaom pablei saong hu taom gaok, ndom biai tapak haong doanh nghiệp, urang langyah ka pandap. Jeng dalam nyaom darak pasar, mbang akok meti hu danak dak pasram peih bruk padang mbang ngui hu mbaok di rilo urang ranaih umo naih gheih di 8 tỉnh, ban sit dalam taneh ia. Nyaom darak pasar daok hu rilo bruk ngak ngan saong kadha “ Salih birau piah cak roh patagok khang kajap” yau: Parang iek bruk jak jeng dalam salih birau di doanh nghiệp, darak pambuak công nghệ, ndem biai ka bruk dui katut panak meng bilik ngak iek tal sang mac ngak  pandap. Nyaom darak pasar dui tah tal harei 20 bilan 4.

Nhạc cắt  

Patui danakdak lac khaw tin dunya

# Trung Quốc kuhria brei tapa sa hukum barau, brei adat ka dom gah chuc nang di taneh ia ini hu rilo quyền jang dalam bruk kreik pambang dom sang mac ngak nerak saong taong phat dom urang pambuak tal bruk nerak nan. Tui nan , harak pasiam hukum khik caga moi truong hu ba tabiak di thun 1989 di taneh ia ini tui kuhria hu ngak blaoh di puac thun ini, daong kla mintri khik caga moi truong hu rilo quyền jang dalam bruk xy ly urang ngak nerak tachauk.

 # Jabat Khik iek Bala meng langik tasik saong darah samar  Thổ Nhĩ Kỳ brei thau, dom urang tị nạn Xyri di Thổ Nhĩ Kỳ yam tapa 900 ribau urang, dalam nan hu 224 ribau urang ddaok dalm trại tị nạn. Jabat nan iew dom taneh ia di dunya brei patagok bruk daong ka urang tị nạn Xyri daok diuk rai pak Thổ Nhĩ Kỳ. Kuhrai mbiah tal urak ini, Thổ Nhĩ Kỳ hu caik tabiak 2 tỉ meteh đôla Mỹ piah daong ka urang tị nạn Xyri.

# Hàn Quốc daok kham merat ngak dom bruk piah daong hadei di bruk sa sruh kapal pajeng tuai damuai karam di bhum tasik gah tay nam taneh ia ini. Angaok kapal hu 476 tuai damuai, dalam nan hu 325 anek saih, 14 gru bac di sang bac pakat 2 di Ansan, dalam tỉnh Kyongki-do  gah barak Hàn Quốc, jaik ban ine Xơ-un. Dom gru pato saong anek saih daok nao du lich meng cảng Incheon nao tal pulao Jeju di gah Tây Nam Hàn Quốc. Langik siam saong tasik gindang jua ba mbuan lagaih ka dom bruk daong. Jaik 160 tuai damuai hu daong an toan saong dom kapul daong jeng duah mboh 2 urang metai. Han quoc daok jak ba abih kapul nyaom piah daong dom tuai damuai di kapal.