Khaw tin biar harei suk 18-4-2014

  # “Dom Mentri, dom palei pala njauk brei pakhang bruk ngak di dom urang, đơn vị saong urang pan kaok jabat hành chính karja dom pakat dalam peih bruk salih birau hành chính, paglaong bruk ngak saong bruk ngak hu siam lagaih meng salih birau hành chính”. Nan lac panuac tacei pato di Ủy viên mentri Chính trị, Phó Thủ tướng Nguyễn Xuân Phúc di mbang ginum biai ka sa di Mban tacei jalan salih birau hành chính di Rajaei harei kabroi 17/4 di jabat Rajaei. Brei panuac tamat nyaom biai, Phó Thủ tướng Nguyễn Xuân Phúc, Akok Mban tacei jalan salih birau hành chính di Rajaei ndom: Dom urang dalam mban tacei jalan njauk  sahaneng ka nyu cambaih, hu jalan ngak saong danak dak bruk ngak cambaih laih ka bruk salih birau hành chính di ngành, di đơn vị drei. Saong brei patui bruk pato pakai, paglaong jalan sahaneng di urang jakar, công chức ka bruk salih birau hành chính.

 #  Patui mbang nyaom yaka 27, harei kabroi 17/4, Ủy ban thường vụ Quốc hội brei panuac ka quyet toan kadung jien karja 2012 saong patabiak sarak ka bruk ngak mbang casino. Phó akaok Quốc hội Nguyễn Thị Kim Ngân dang akaok mbang nyaom. Brei panuac tame bruk ini, dom urang QH caong khin rajaei njauk langyah cambaih jang bruk thu chi kadung jien karja, abih di nyu nan lac njauk ngak cambaih makna saong jalan xu ly sraiy saong that thu kak je, suai damuai dalam bruk bayar jien kak je gia tri gia tang, lahik meng kak je doanh nghiep hu jien taneh ia langiu buh tame, blei saong tablei tabiak taneh ia langiu atau bruk boi chi di gah y te, pato megru, lahik di bruk xay dung co ban …Ong Nguyen Van Giau chu nhiem uy mban kinh te di Quoc Hoi duh hatai ka dom tavak tavaiy, dom bruk ngak suan di gah thu, chi kadung jien karja thun dahlau dreih yau thun hadei saong meda trak jang bo oh ka hu jalan langyah siam lagaih. Di mbang nyaom, akaok mintri jien padai Dinh Tien Dung njauk hatai saong dom panuac ba tabiak di uy mban thuong vu Quoc Hoi saong brei thau lac brei pabak, pasiam veik harak pathau khan saong ngak ka nyu ginup jang.

# Thủ tướng Rajaei tacei Mentri Y tế brei buh tabiak oh mek jien 12 mac suak yawa chức năng glaong meng pandap piah caga di negar brei ka klau sang iek ruak piah cấp cứu, iek ruak ka urang njom jit ruak jeng yau dut iek ruak ka bhap bini. Tui nan, 3 sang iek ruak nan lac Sang iek ruak Uranaih Trung ương, Thanh Nhàn, Đống Đa, yaok labik brei 4 mac suak yava. Thủ tướng Rajaei hu brei pabak 80, 875 tỷ đồng ka Mentri Y tế  meng phun kadung jien karja thun 2014 piah blei tame dom pandap panda ka dom sang iek ruak Nhiệt đới Trung ương, Bạch mai, Nhi Trung ương saong blei jru Gamaglobulin piah pacang caga jit ruak.

# Harei kabroi 17/4) Thủ tướng rajaei hu công điện số 482 payua Uỷ ban An toàn jalan mbak negar; dom mintri : Công an; Giao thông vận tải; pato megru; thong tin saong truyen thong; ilimo, padhih saong du lich; uy mban bhapbini dom tinh, ban di trung uong; thong tan xa Biet Nam; rayo papar binguk Biet Nam; rayo sap ndom Biet Nam ka bruk pabak bruk nao mai ka bhapbini saong khi caga trat tu, an toan jalan mbak di harei padheih le 30/4 saong 1/5; Lễ pahadar 60 thun jayah Điện Biên Phủ; dom mbang pakacah salah sang bac pakat 2, tuyển sinh Đại học, Cao đẳng saong mbang padheih hè thun 2014.

# Labaih 700 triệu đồng nan lac yaom jien di ban sit Đà Nẵng buh brei ka bruk pacang caga apui khuah glai dalam bilan bhang pandiak. Yaom jien biak takik tok ginup padang ngak 1 kuang padang ia saong 10 mac yuk hangin pacang caga apui khuah glai dalam bilan pandiak bhang thun ini. Chi cục Khik iek glai ban sit Đà Nẵng brei thau, jien buh brei yaok thun hu takik nan ye mbiah tal urak ini, ban sit bahrau ngak hu 3 kuang padang ia di bhum ceik Hải Vân, blei 23 mac yuk hangin, 9 mac tagaik meng tangin saong dom pandap padam apui karei. Yaom lac, dom kuang padang ia hu padang ngak min pandar oh hu lagaih kayua kurang ia.

# UB bhapbini tỉnh Bình Định barau hu harak caong khin rajei daong labaih 56 ty dong pacang caga tua riya ka bruk pala drak saong ia pandar ka bhapbini. Tui kuhria, anak tal, labaih 18 rabau hecta padai saong nyam patam bilan he thu dalam tinh Binh Dinh mbuan si kurang ia pruh di akaok bilan. Jaik 7000 sang di dom huyen Phù Cát, Phù Mỹ, Hoài Nhơn, Tây Sơn meda kurang ia pandar trak. Urak ini, tinh Binh Dinh hu jaik 3000 héc ta padai saong nyam patam daok dang anak mbuan si kurang ia pruh, dalam nan jaik 800 hecta lahik mbon.

# Daok rah tabiak dalam kan kandah saong mbuan ba tal metai kayua ruak sởi dalam taneh ia, di tỉnh Đắc Lắc mboh hu yaok pluh  uranaih ruak sởi ba tame sang iek ruak, dom uranaih  medil lac ruak sởi dak harei dak rilo. Meng hadei Tết nguyện đán mbiah tal ini, hu labiah 30 uranaih ruak brei ba tame sang iek ruak medil lac ruak sởi. Dom uranaih birau ba tame sang iek ruak hu mek darak dut iek. Dalam tuk sang iek ruak quá tải yau urak ini tal 200%, kayua tamuh rilo janih ruak dalm tuk salih bilan yau: ruak tangin - takai-cambuai, aih caraoh, tagok baoh ia…Sang iek ruak Đa khoa tỉnh Đắc Lắc kham merat caga dom bruk piah pacang cakak jit ruak, brei parabha labik iek ruak ka uranaih ruak sởi saong pandiak tagok baoh di khoa Pasang iek nyom ruak vi khuẩn.

Khaw tin dunya

# Harei kabroi 17/4 di mbang họp báo thường kỳ di mintri Ngoại giao, caloi tangi sua ka phan ung di Biet Nam anak bruk harei 16/4 sa phà pajeng tuai damuai Han Quoc karam dalam tasik gah meraong taneh ia ini, ngak ka jaik 300 urang metai saong lahik, urang brei panuac mintri ngoai giao Lê Hải Bình ndom cambaih : Kol dahlak biak sang ka saong duh hatai tuk mehit lac phà di Han Quoc kram harei 16/4/2014 ngak rilo urang metai saong lahik. Biet Nam likau klah rabha pandik harao tal sang dom urang njauk bala, metai saong caong lac dom bruk kham maret roh duah, daong di rajaei Han Quoc samal daong duah mboh dom urang njauk bala daok lahik.

 # Tổng thống Hàn Quốc Pắc Cưn Hê harei kabroi (17/4) hu taom gaok dom baoh sang, dom urang njauk bala  kram kapal Sê-uôn, sanya lac rajaei Hàn Quốc kham merat abih drei piah daong ka yaok rituh menuac daok lihik. Amuk Pắc Cưn Hê hu nao tal Gin-đô, labik daok peih bruk duah urang njauk bala. Di labik ini, Tổng thống Hàn Quốc hu panuac sanya haong gauk gar di dom urang gaok bala samar brei thau ka bruk  sraong duah .

# Nga barau pok sap chỉ trích sarak di Mỹ ka bruk oh brei thi thuc ka Đại sứ bahrau di Iran di Liên hợp quốc, taphia nan ndom lac, bruk ngak ini ngak suan dom sanya di My di labik dang lac taneh ia po sang di Liên hợp quốc. Tui thỏa thuận ka bruk dak padang trụ sở praong di Liên hợp quốc thun 1947, Mỹ di labik dang lac taneh ia po sang hu ngak bruk brei thi thuc ka dom urang ngoai giao taneh ia langiu mai ngak bruk di jabat ini./.