# Tui kuhria mboh di Thường trực Jabat mBan tacei pato pacang cag ribuk ia sua T.Ư – Uỷ ban pakat negar duah daong urang njauk bala: Ribuk ka 3 daok khang di pakat 12 tuk tame Vịnh Bắc bộ. Biar harei 16/9, ribuk tame jiak takai tasik dom tỉnh gah Barak, tui kuhria mboh dahlau ribuk tuh tame taneh dom tỉnh meng Hai Phong tal Quảng Ninh di tuk 21 tal 22 tuk melam 16/9, atau suai jang hasit di tuk kreh melam 17/9. Dalam nan, tui kuhria mboh dahlau, Quang Ninh meda lac labik gaok kan kandah di abih tuk ribuk ka 3 tuh tame.

# Jeng dalam harei 15/9, Thủ tướng Nguyễn Tấn Dũng hu taom gaok Tổng thống Ấn Độ Pranab Mukherjee daok ravang saong ngak bruk di Biet Nam. Thủ tướng Nguyễn Tấn Dũng ndom lac: Rajaei Việt Nam tuk halei jeng pok praong saong caong khin gam saong An Do kham merat ba talei pambuak bruk taong abih gah di Biet Nam saong An Do cakrok dak harei dak dalam, siam lagaih, ba mai kein laba ka bhapbini dua taneh ia.

# Labaih 210 ribau uranaih umo meng 1 tal 14 thun di ban sit Đà Nẵng hu klauk jru vaccin caga ruak Sởi- Rubella. Urak ini dom bruk kuhria caga ka mbang klauk jru nan hu sap pagap blaoh blai. Bruk klau jru caga ruak Sởi- Rubella di ban sit Đà Nẵng  hu peih ngak dalam kalau mbang: Mbang Camereip hu peih ngak di bilan 9 saong bilan 10, klauk brei saoh ka uranaih umo meng 1 tal 5 thun; mbang ka 2 di bilan 11, bilan 12 thun 2014, brei ka uranaih umo meng 6 tal 10 thun; saong mbang ka 3 di bilan 1 tal bilan 2 thun 2015, klau jru ka uranaih umo meng 11 tal 14 thun.

# Nyaom biai patom iek veik bruk giai phong mat bang, tai dinh cu saong khik caga an toan jalan mbak pabak ka dom danakdak peih praong jalan roya 1A saong jalan HCM tapa Tay Nguyen rah tabiak di tinh Khanh Hoa kayua phaok Thủ tướng Nguyễn Xuân Phúc dang akaok. Ini lac dua danakdak praong, atah 1.500km nao tapa 22 tinh, ban dalam taneh ia. Hu labaih 84.000 bhapbini mbang tui, dalam nan hu jaik 5.400 sang njauk nao daok pak labik karei piah peih ngak dom danakdak ini. Di nyaom biai, phaok Thu tuong Nguyen Xuan Phuc pandar dom tinh, sang thau ginum biai tapak, cambaih saong bhapbini, khik caga trat tu an toan jalan mbak saong hacih saat alam moi truong. Phaok Thu tuong pandar dom mintri, nganh, tinh ngak tui qui dinh ka hukum taneh riya, khik caga quyen loi ka bhapbini. 

# Gilang pariak Công thương Việt Nam iew lac VietinBank birau peih bruk jao brei 100 baoh sang saong 100 drei limo binai pajaih ka baoh sang urang kan kathaot, urang bangsa takik dalam tỉnh Kon Tum. Langiu di nan, paok jien daong tani tanat raidiuk yaom labaih 4 tỷ đồng jeng hu VietinBank alin brei dalam mbang ini. Viettinbank daok hu padang danak dak pahadar anh hùng liệt sĩ di dom xã bhum cách mạng; daong ka dom xã kan kandah padang ngak sang bac.

# Dom harei tapa, bhapbini tinh Tra Vinh ba gauk nao trivang iek, blei pandap Biet di ban sit Duyen Hai, huyen Duyen Hai. Ini lac darak “pandap Biet mai palei pala” ka 132 kayua pasak roh duah pablei salih saong daong doanh nghiep BSA pambuak bruk saong tinh peih ngak, piah ba mai ka urang blei dom pandap chat luong siam, yaom mbiah lap saong dom doanh nghiep hu jalan taom gaok, yaih khan pandap di labik tapeng tasik.

 # Peih ngak Sarak 67 di Rajaei, urang nao tasik dalam tỉnh Kiên Giang hu brei mesre phun jien piah ngak birau 95 gaiy gilai taong ikan saong 10 sruh gilai dich vu taong chap ikan labik tasik atah hu prein khang meng 400 ma luc tagok. Ub bhap bini tỉnh Kiên Giang hu panuac iew dom gah, dom palei brei pasang iek dom labik ngak gaiy gilai birau, pasiam veik gaiy gilai tui quy định ba tabiak ka sang xưởng, pandap panda piah palih ruah tame ngak birau gaiy gilai tui Sarak 67. Gam tacei apto dom po gaiy gilai ngak njauk tui quy định brei tut angan gilai, tut angan urang peih gilai, likau adat taong chap ikan… piah bruk taong chap iakn hu khang kajap suai lavik. 

Khaw tin dunya

# Harei 15/9, Đại sứ quán Biệt Nam di Lào peihh bruk ginum biai “ jhul pakhang tukvak peih ngak saong paglaong kein laba daom danakdak đầu tư di Biet Nam tapa Lao. Labaih 100 urang jakar, lambaok vakil ka dom doanh nghiep Biet Nam buh jien tame ngak mbang di Lao; Tổng lãnh sự quán Biệt Nam di 3 bhum, Hiep hoi dom urang dau tu di Biet Nam tapa Lao, dom jabat lambaok vakil Biet Nam di Lao pataom mbaok tame.

# Thái Lan birau peih bruk ngak brei pagalong jalan sahaneng ka HIV saong bruk ndih daok di likei kumei hu siam mekre piah patrun patakik bruk njom ruak HIV ka urang birau, abih di nyu nan lac dam dara. Tui  pathau khan di Quỹ Nhi đồng Liên hợp quốc ba tabiak di bilan 8 meng blaoh, 41% dom urang nyom ruak HIV birau di Thai Lan nan lac urang đồng tính likei. Dam dara di Thai Lan urak ini hu labaih 70% urang njauk dom janih ruak njom tapa jalan tinh duc, dalam nan urang đồng tính nam  umo meng 15 tal 21 thun hu labaih 21% dom urang birau  njom HIV.

# Karja Phi-líp-pin hu kakei brei patagok tanut cảnh báo di 22 tinh ban gaok kan kandah di ribuk Kan-me-gi. Bhapbini hu panuac brei thau dahlau ka bruk mbuan hu ia sua, glut jaleih taneh saong riyak glaong di dom bhum tapeng tasik. Yaok thun, Phi-líp-pin njauk gaok jaik 20 mbang ribuk. Jaik di ini abih, dalam bilan 7 meng blaoh, ribuk Ram-ma-xun (Rammasun) hadei di tuk tuh tame Philippin ngak ka 98 urang metai saong 5 urang lahik di dom tinh taphia ban ine Ma-ni-la (Manila)./.