# Ủy ban T.Ư mặt trận Negar Viet Nam birau peih họp báo brei thau ka Nyaom roya Mat tran negar Viet Nam mbang ka 8. Nyaom roya hu peih ngak meng harei 25 tal harei 27 bilan 9 di Ha Noi ngan saong kadha “Jum pataom-dân chủ-salih birau- cakrok patagok”. Hu mbaok dalam nyom roya nan hu labaih 1.000 8 urang. Dalam nan hu 8 urang lac urang Viet Nam daok di negar langiu; urang lambaok vakil ka bhap bini, dom bangsa dom agama nan lac 112 urang, daok veik lac dom urang kayua nyaom roya dom tỉnh ban palih ruah, urang kayua Kapul akok Uỷ ban T.Ư Mặt trận negar Viet Nam palih ruah ba tame.

 # Oh ka thau hu menuac metai lihik halei oh, min jaik 1 rabau ha padai vu mua jaleih, dom tinh, ban hu ia dauk di dom labik praong, dom kapal long be raong kaya dalam ia khat lahaik tuk ribuk ka 3 tuh tame. Ini lac bruk hu khan brei thau dalam mbang nyaom di jabat mban tacei pato pacang caga ribuk ia sua Trung uong rah tabiak harei ini 17/9 di Ha Noi. Tinh Quang Ninh lac tinh gaok trak ngan saong 5 sang par tabung, 3 be ikan kram, rilo phun kayau saong dom gang menhek ha the di ban sit Mong Cai jeng jaleih, jaik 1 rabau ha padai jaoh jaleih. Di ban sit Hai Phong 1 kapal ikan di tinh Nghe An hu angan NA9968 tuk tame nao palaih  ribuk njauk bala kayua klaoh talei neo, dalam melam bloh Bo doi Bien Phong Hai Phong hu ba urang bi thuong nao cap cuu saong dui katung tame ar. Hajan kayua ribuk ngak ka rilo labik dalam tinh Nam Dinh gaok ia dauk praong.

#Hadei bruk talah kuang padang ia nerak di Sang mac ngak tapung bei blom Đỗ Phủ di Công ty trách nhiệm hữu hạn sản xuất - thương mại - xuất nhập khẩu Đỗ Phủ Tây Ninh pak palei 6, xã Suối Ngô, huyện Tân Châu, tỉnh Tây Ninh, piah pasiam veik dom kan kandah nan karaj palei daok tacei ba bruk ngak. Di labik  njauk ia nerak tachauk nan, ia thu jaik abih min rilo baoh sang mikva gluh baok daok kandaong.  Công ty Đỗ Phủ Tây Ninh hu daong jien, brah saong pabah ia hacih piah pandar ka bhap bini, karaj palei brei kuhrai hu hadom baoh sang njauk khut khat kayua bruk nan piah hu jalan daong, bayar ka mikva samar hu tani tanat raidiuk.

# Meng hu dom sarak daong di Dang saong Karja, labaih 3.700 sang bhapbini bangsa takik dalam huyen Tri Ton, tinh An Giang hu mesraiy jien labaih 27 ty dong piah patagok pala drak di tukvak 2009 – 2014. Jaik 12.800 urang ngak hu pato bruk saong duah brei bruk ngak. Rilo sang bhapbini hu brei taneh daok, sang daok, taneh pala drak…jien mek tame kuhria tui akaok menuac dalam bhapbini bangsa takik di huyen meng 18triue thun 2009 tagok 28 trieu thun 2013.

# Ủy ban bhap bini tỉnh Long An birau ginum biai saong gah mbao ka Nyaom pakacah dom kapul pathau khan luu ndong ka bruk Salamat angok jaln mbak thun 2014 di bhum taneran kraong Cuu Long, rah tabiak meng ini tal harei 19 bilan 9. Kapul pakacah kayua Mentri Thông tin saong Truyen thong pambuak saong Uy ban Salamat ngaok jalan mbak pakat negar saong Ủy ban bhap bini tỉnh Long An peih ngak. Tapa bruk pakacah nan piah pathau khan ka sarak, jalan tacei ba di Đảng saong Karja ka bruk ngak ngaok jalan mbak hu salamat  piah paglaong jalan sahaneng saong ngak njuak tui hukum tuk nao ngaok jalan mbak, dak padang ilamu jalan mbak dalam bhap bini.

          # Meng jien trung uong buh brei saong phun jien pacang caga sua ribuk tinh labaih 25 ty dong, tinh Tien Giang daong cakak hu siam labik glut jaleih di kraong Tien daok di cồn Tân Long, ban sit Mỹ Tho. Bruk dak padang ke caga glut janlei daong ka bhapbini cồn Tân Long tani tanat raidiuk. Ông Nguyễn Thiện Pháp, Chánh Văn phòng mBan tacei pato pacang caga sua ribuk, trun takik khat lahik tinh Tien Giang ndom lac: “ Bruk xu ly glut jaleih anek meta tinh tok xu ly labik glut jaleih tabung cồn min. Bruk glur jaleih urak ini oh hu daok tra, bhapbini biak sahanang hatai. Ini lac bruk ngak biak rilo makna. Meyah hu phun jien daong veik di TW kol dahlak jeng kham merat ngak veik di labik gah likuk tabung cu lao, dahlak sahneng lac an toan angaok bruk glut jaleih kayua bien doi khi hau.”

          # Tui taong yaom di Mban tacei ba bruk jak ba “Urang Viet Nam pandar pandap Viet Nam” tỉnh Sóc Trăng, urak ini hu meng 70 tal 80% urang pandar pandap Viet Nam, tagok 20% dut saong dahlau diah oh hu bruk jak ba ini saong 90%  dom dich vụ cửa hàng dalam tỉnh pablei pandap Viet Nam hu asar siam. Tỉnh kham merat peih ngak rilo bruk pablei salih, nyaom darak pasar, yaih khan ka pandap Viet Nam saong bhap bini, abih di nyu nan lac dom bhuma tah bayah, bhum urang bangsa takik.

Khaw tin dunya

# Đại hội đồng Liên nghị viện Hiệp hội dom taneh ia Đông Nam Á mbang yaka 35 (AIPA-35) hu peih tabiak dalam praong prang di ban ine Vieng Chan, Lao. Kapul urang jakar pakat glaong Quoc Hoi taneh ia drei kayua akaok QH Nguyen Sinh Hung dang akaok. Pataom mbaok harei peih pakak AIPA – 35 daok hu lambaok vakil 10 taneh ia taphia saong 8 taneh ia quan sat vien, Phó Tổng thư ký ASEAN saong tuai damuai di taneh ia po sang gam 400 urang jakar pataom mbaok.

 # Jabat padai brah negar Philippines birau tabiak quyết định blei tame 200.000 tấn barah  janih 25% mekuac meng Viet Nam tui bruk sanya di dom Rajaei. Dahlau di nan, Viet Nam saong Thai Lan dau thau saong gauk piah pablei 500.000 tấn barah ka Philippines. Ban đấu giá di Jabat padai brah negar Philippines  brei thau meda blei tame 300.000 tấn di Thai Lan, gam da-a Viet Nam pablei 200.000 tấn daok veik. Tui kuhria, brah nan hu meda jao brei meng harei 15 bilan 10 tal 15 bilan 12 thun 2014.

# Ngan saong kadha “ daong gauk padang ngak jalan to lua di tasik abap 21, harei kabroi 16/9 nyom darak Trung Quốc – ASEAN mbang yaka 11 (CAEXPO) saong nyaom biai thượng đỉnh ka pablei salih saong dau tu Trung Quốc – ASEAN (CABIS) hu peih tabiak dalam praong prang di ban sit Nam Ninh (Quảng Tây, Trung Quốc), hu mbaok di akaok taneh ia po sang saong dom taneh ia ASEAN. Kapul nyaom Biet Nam kayua pho Thu tuong, akaok mintri Ngoại giao Phạm Bình Minh par akaok hu pataom tame dom bruk ngak di mblang darak saong nyaom biai ini./.