# Urak ini, Liên doanh Nhà thầu Prysmian - Thái Dương saong dom gah thi công hu ngak salah bloh bruk dui talei cáp ngầm angaok tasik, pambuak pagam hu bloh dom hệ thống điện angaok pulao Lý Sơn, caga peih điện di anak tal. Angaok công trường, dom gah thi công jeng daok ngak dom hạng mục khik caga cáp ngầm ala mbat tasik. Bruk ngak ini piah khik caga talei cáp, plaih bruk gaok tavak di dom kapal gilai taong ikan, khik caga siam mekre bruk pabak điện ka huyện pulao Lý Sơn.

# Urang pala ca cao di Tây Nguyên daok uan tabuan kayua yaom pablei tagok mit, dalam tuk daok tame bilan paik ngan saong chat luong tagok saong nang suat tani tanat. Dalam sa bilan ini mai, yaom ca cao thu di Tay Nguyen trun tagok meng 58 rabau dong tal 64 rabau dong/1 kg, glaong jang duk saong dom bilan ini thun dahlau. Tui dom doanh nghiep ngak mbang gah ca cao, makna praong ba tal ca cao tagok yaom lac san luong di dunya trun. Ini lac bruk siam ka urang nong di Tay Nguyen kayua chat luong ca cao pak ini hu tagok rilo saong san luong jeng khik hu tani tanat.

# Kapul urang kumei tỉnh Bình Phước bahrau peih nyom pakacah “akaok dhar kapul urang kumei naih joi” pakat tỉnh thun 2014. Hu 33 urang tame pakacah nan lac akaok dhar kapul urang kumei naih joi mai meng 10 huyện, ban sit. Hadei di 3 binah pakacah, mban peih bruk pilih ruah hu 10 urang gheih di abih tame pakacah langyah bruk rah tabiak. Ini lac binah pakacah brei mboh vai trò, trách nhiệm di akaok dhar kapul urang kumei dalam bruk ngak di kapul, langyah dom kadha rah tabiak dalam raidiuk. Giải nhất hu pok brei ka sa-ai Nguyễn Thị Yến mai meng xã Thanh An, huyện Hớn Quản.

# Tui So Tài nguyên - môi trường tỉnh Đồng Nai, urak ini, dom So nganh, puk plei jeng njauk gauk brei pok tagok uy mban bhapbini tinh phe duyet danakdak daong tani tanat raidiuk ka dom sang bhapbini njauk karja mek veik taneh ngak nong piah peih ngak danakdak. Jien daong tani tanat raidiuk hu biyan sa mbang bloh ka urang hu daong. Bruk tacei tabiak dom urang njauk mek taneh ngak nong hu mbang jien daong kayua bhapbini xa, phuong, thi tran peih ngak.

 # Di ban sit Tân An, tỉnh Long An, Mintri Thông tin saong Truyền thông hu peih harei pataom pakacah dom kapul pathau khan lưu động ka An toàn giao thông bhum taneran kraong Cửu Long. Hu 300 urang ba tal harei pakacah yaok rituh kadha daoh, tamia saong tiểu phẩm ngan saong kadha “Khik iek catang bruk ngak mbang gah pajeng ba saong pasang iek tải trọng radaih pajeng”. Dom kadha nan kayua dom urang ngak gah pathau khan lưu động di dom puk palei eng drei paneh tabiak, padang ngak tui jalan tấu hài mbuan thau, mbuan kanal.

# Kayua gaok hajan ribuk ka 3, di tinh Hau Giang hu hajan praong gam saong ngin ribuk ngak jaleih saong par tabung 11 baoh sang saong 1 geng menhek di huyen Long My. Kayua hajan praong gam saong ia sua di gah angaok daok tuh trun ngak ka ia dalam mblang hamu tagok samal, ngak kan kandah ka bruk paik, yuak jaik 50.000 ha padai thu dong, phun tabau saong dom janih njam patam karei.

# Di Bạc Liêu hajan khang ngak ka rilo mblang padai hè thu jaik yuak di dom huyện Vĩnh Lợi, Phước Long, Hòa Bình saong labaih 1.000 ha padai thu đông di huyện Phước Long bahrau drak njauk khut trak. Urak ini dom palei dalam tỉnh Bạc Liêu daok jak ba bhap bini bơm njuk ia tabiak piah khik caga padai  thu đông bahrau tam drak.

Khaw tin dunya

  # Ủy ban Châu Âu harei kabroi tabiak panuac lac, brei tagok vien tro nhan dao ka Mali veik 5 trieu ơ ro su mu 6,48 trieu do la my piah daong dom urang njauk bala gaok kan kandah kayua kurang pandap mbang menyum saong kan kandah kayua dom mbang methuh barau rah tabiak di gah Brak taneh ia ini. Yaom jien daong ini pandar piah blei pandap mbang menyum chip ka labaih 1 trieu urang di Mali, dom urang njauk klak sang danaok kayua dom mbang srau kadau barau saong urang ti nan Mali di dom taneh ia jaik taphia.

# Takik di abih 15 uraniah metai hadei di tuk klauk vác-xin sởi di labik kayua gah đối lập khik iek di Xyri. Dalam dom uraniah nan, hu dom anek kamar mboh yau sốc jru hadei di tuk hu klauk vác-xin sởi di tỉnh Tây bắc Idlip. Dom urang ilamu gah y tế urak ini oh ka thau cambaih makna ngak brei dom uraniah nan metai, min dom urang ilamu gah vác-xin brei thau, taong abih dom uraniah jeng hu dom  triệu chứng dreih gauk. Ini lac mbang akaok meti mboh hu dom kadha yau nan hadei di tuk klauk jru.

# Kadung jien dunya (IMF) brei thau, meda daong veik paok jien 127 trieu do la ka 3 taneh ia lac Ghi-nê, Li-bê-ri-a saong Xi-ê-ra Lê-ôn piah dom taneh ia nan pacang cakak jit Ê-bô-la. Tui nan, Ghi-nê taduan hu 40 triệu đô la, Li-bê-ri-a 48 triệu đô la saong Xi-ê-ra Lê-ôn 39 triệu đô la. Tui Kadung jien dunya, urak ini patagok kinh te di Li-bê-ri-a saong Xi-ê-ra Lê-ôn daok trun khang kayua gaok jit ruak di dom gah ngak nong, khai khoang saong dich vu di dom taneh ia ini.