Khaw tin dalam taneh aia:

# Biar harei (24.3) tui tuk di Hà Lan, pak La Haye, Hà Lan hu peih pakak Nyaom biai pakat glaong An ninh hạt nhân mbang ka 3, hu mbaok di 53 negar saong 5 kapul dunya, dalam nan hu  40 urang pal akaok pakat glaong. Kapul Việt Nam kayua Thủ tướng Nguyễn Tấn Dũng ba akaok di nyaom biai saong hu kadha ndom puac biak prong dalam, brei thau ka jalan ngak di Việt Nam nan lac pandar năng lượng hạt nhân tame ka bruk sron mbon, grap tanat an toàn, an ninh saong hu trách nhiệm anak dunya; ủng hộ quyền di dom negar hu pandar năng lượng hạt nhân brei ka mục đích hòa bình, pachreih dom kham merat giải trừ saong oh pambak prong vũ khí hạt nhân. Dahlau di mbang Nyaom biai pakat glaong an ninh hạt nhân mbang ka 3 daok rah tabiak pak Hà Lan, melam kabroi tui tuk Việt Nam, Thủ tướng Nguyễn Tấn Dũng hu dom mbang taom gaok haong urang pal akaok negar jang yau urang dang akaok raja-ei dom taneh aia hu mbaok dalam nyaom biai, yau akaok negar Trung Quốc Tập Cận Bình, Tổng thống Hoa Kỳ B. Obama, Thủ tướng Nhật Bản Shinzo Abe, Akaok mentri Ngoại giao Nga..v..v.. Melam kabroi haong page mesup harei ini tui tuk Việt Nam, Thủ tướng Nguyễn Tấn Dũng gam haong dom urang dang akaok kapul hu mbaok dalam nyaom biai pakat glaong an ninh hạt nhân mbang ka 3 hu mbaok dalam Tiệc taduan raok saong payak di Patao Vua Hà Lan Willem Alexander.

# Harei kabroi 24/3) di jabat akaok negar, ong Trương Tấn Sang-akaok taneh ia hu taduan raok akaok Mintri Ngoại giao Belarus Vladimir Makei daok hu mbang ravang saong ngak bruk di Biet Nam. Akaok taneh ia ndom lac, Biet Nam caong khin mbang ravang di Tổng thống Lukashenko di anak tal meda daong ngak brei salih barau talei pambuak bruk di dua taneh ia.

# Tỉnh Phú Yên bahrau parabha 60,6 tỷ đồng piah peih ngak danak dak  bruk ngak di negar ka bruk padang ngak palei pala bahrau di tỉnh dalam thun ini. Dalam nan, labaih 4,6 tỷ đồng phun jien sự nghiệp saong 56 tỷ đồng phun jien trái phiếu Raja-ei, meda parabha ka 88 xã dalam 9 huyện, bal sit piah padang ngak palei pala bahrau. Phun jien ini brei ngak dahlau ka 50 xã kathaot, 20 xã điểm palei pala bahrau saong 6 xã mek hu meng 13 tiêu chí tagok.

 # Tỉnh Trà Vinh barau brei daong taneh daok ka labaih 1.300 sang kan kathaot saong yaom jien abih tih labaih 33,6 tỷ đồng. Tanut daong takik abih lac 100m2/sa sang. Piah hu sa candaih taneh daong sang kan kathaot, kadung jien karja tỉnh daong 25 trieu dong/sa sang; tuk halei yaom jien daong meng kadung jien karja tinh oh ginup piah brei sa candaih taneh/sa sang, ye puk palei brei jien brei nyim dahlau tui jalan xa hoi hoa.

 # Melam (24/3), pak bal raya Hồ Chí Minh, Harei pataom tapuk bal raya Hồ Chí Minh mbang ka 8- 2014 ngan haong angan “Tapuk – ilamo patagok” hu peih tabiak. Harei pataom tapuk mbang ini hu caik hatai gam tal chất saong lượng ngan haong labaih 500 gian hàng, rilo jang 10% dom gian hàng dut haong mbang dahlau gam haong bruk hu mbaok di 156 jabat ngak gah xuất bản saong patabiak tapuk. Harei pataom tapuk meyaih khan tal bhap bani labaih 200 ribau angan tapuk ralo janih rilo gah ngan haong labaih 20 triệu bản. Nyaom tapuk dui atah tal harei 30/3 .

 # Mintri ilimo – the thao saong du lich barau njauk hatai brei peih ngak harei pataom ilimo – the thao saong du lich bhum bhapbini Khơ me Nam bo mbang yaka 4 di tinh Hau Giang thun 2014. Mintri ilimo – the thao saong du lich jao ka Cuc ngak bruk gah Meraong pambuak bruk saong Vu ilimo bangsa, dom labik daok dalam mintri saong So ilimo – the thao du lich dom tinh bhum bhapbini Khơ me Nam bo peih ngak. Hu peih ngak yaok 3 thun sa mbang, payeng gauk di dom tinh dalam bhum, harei pataom rah tabiak piah yaih khan ilimo di bhapbini Khơ me Nam Bo.Taphia nan, daok lac harei piah karja, bhapbini Khơ me Nam Bo khik saong patagok ilimo bangsa gheih mekre di drei.

 Khaw tin dunya:

# Harei kabroi (24.3), lễ mboh tangin jao Dự án tổng thể pasiam gilac Muyim Kaysone Phomvihane ngan haong 18 hạng mục bahrau tamuh hu peih tabiak pak Vientiane, Lào. Công trình hu taong abih phun jien labaih 14 tỷ đồng kayua Muyim Hồ Chí Minh, Việt Nam ngak po đầu tư. Công trình hu patagok, pasiam meda grap tanat ka muyim ba pandar suai lavik, ngak ka basiam bruk khik ramik drap ar saong meyaih khan brei thau ka Chủ tịch Kaysone Phomvihane, tapa nan ngak ka samur gauk dom hạng mục di Muyim, njauk haong talei pambuak bruk biak karei di Việt Nam - Lào. Công trình hu padang ngak meng phun jien daong brei oh mek gilac di Raja-ei Việt Nam caik alin brei ka raja-ei Lào.

 # Trung Quốc pandar gah Malaixia khan brei thau taong abih kadha piah nao tal panuac lac sruh kapal haok MH370 nyu leik trun Nam Ấn Độ Dương saong brei thau taneh ia ini jeng daok duah sruh kapal haok lahik nan. Kadha brei thau lac kapal ahaok MH370 leik trun Ấn Độ Dương saong oh hu urang halei angaok kapal ahaok daok diuk ngak ka gauk urang nao sruh kapal ahaok ini biak pandik harao. Di sang padheih Lido- labik hu rilo gauk di urang Trung Quốc nao angaok kapal ahaok ini hu brei labik daok piah cang pang panuac brei thau, urang mehit rilo sap hia, tamrao. Dom urang daok jaleih njauk ba nao cap cuu. Min, dom urang jeng daok sahaneng lac panuac brei thau nan oh njauk, abih di nyu nan lac tuk nyu hu ba tabiak oh tui pasang iek meng bang chung cambaih laih hu duah mboh bo tok iek tui dom bruk langyah.

 # Harak pathau khan di Jabat Cao ủy Liên hợp quốc ka urang tị nạn (UNHCR) bahrau ba tabiak brei mboh số lượng harak ba-ar likau tị nạn saong nhập cư tame dom negar patagok angaok dunya dalam thun 2013 tagok 28%, kayua mbang mesruh metak dalam Syria dui atah luac 3 thun tapa saong oh ka hu dấu hiệu padeih. Tui harak khan brei thau, thun blaoh, 44 negar patagok taduan hu 612.700 harak likau tị nạn saong nhập cư, sa kỷ lục dalam 12 thun tapa. Harak khan brei thau, châu Âu nan lac palih ruah dang akaok di bhap bani negar langiu khin nhập cư, ngan haong 79% lượng harak ba-ar (samur haong 484.600 blah) likau nhập cư tame 38 negar di "lục địa taha" dalam

 # Mintri kadung jien karja saong khik ramik Philippine brei thau, meda brei 600 triệu peso (samu 13,4 triệu do la my piah peih bruk khik ramik jien padai pambuak bruk di rajaei dalam thun ini, pataom veik sa labik dom qui trinh khik ramik jien padai cong saong paglaong bruk tantu cambaih laih meng dom giao dich jien padai di rajaei. Hu ba tagok blah web saong hu cap nhat tui tukvak, dom kadha dalam he thong meda mbuan si pasang iek piah khik caga bruk dui pagam dom qui trinh khik ramik jien padai cong saong ba mbuan lagaih ka bruk khik ramik tu dong./.