Khaw tin dalam taneh aia:

# Page harei 24/3, Kapul ngak bruk di Ủy ban Tư pháp di Quốc hội kayua Phó Chủ nhiệm Nguyễn Công Hồng dang akaok Kapul hu van ngak bruk haong dom gah ngành chức năng tỉnh Quảng Nam, ka bruk pasang iek bruk ngak njauk tui adat hukum tố tụng hình sự. Lambaok dom jabat tư pháp tỉnh Quảng Nam hu pok panuac tagok Kapul pasang iek ka dom kan kandah yau kurang menuac, kurang pandap, kurang labik brei ka bruk ngak. Taphia di nan, ralo quy định dalam Bộ luật hình sự, Bộ luật tố tụng hình sự daok ralo cuang kandah, tavak tave ngak kan kandah tal bruk pasang iek, duah thau, truy tố, xét xử njauk pabak, pasiam veik.

 # Harei24/3, di ban sit Đà Lạt tinh Lâm Đồng, mBan tacei jalan pakat negar hu peih nyaom biai pataom iek veik 3 thun peih ngak danak dak pakat negar padang ngak palei pala bahrau bhum Đông Nam bộ, Nam Trung bộ saong Tây nguyên. Phó thủ tướng Vũ Văn Ninh hu panuac tacei dom urang dalam nyaom biai pataom tame ginum biai, ngak brei cambaih laih dom cuang kandah tavak tavaiy saong ba tabiak dom jalan ngak piah pasiam veik di anak tal.

 # Harei 24/03, Sở Ngoại vụ bal Đà Nẵng pambuak haong Ủy ban bhap bani huyện pulao Hoàng Sa, Muyim Đà Nẵng peih bruk parang iek “Pulao kaoh Hoàng Sa - Chủ quyền di Việt Nam” pak sang bac  Đại học Đông Á.  Tukvak tapa, dom jabat, urang roh duah ilamu, urang Việt daok pak negar langiu oh padeih bruk roh duah dom harak ba-ar dak rai sajarah hu yaom, chứng cứ pháp lý brei thau ka chủ quyền di Việt Nam ngan haong dua baoh pulao Hoàng Sa saong Trường Sa. Bal Đà Nẵng hu peih ngak ralo bruk piah khik iek chủ quyền pulao kaoh Hoàng Sa di Việt Nam. Labaih 70 thaik binguk harak binguk biak hu yaom dalam mbang parang iek ini piah khan brei ka manuac sia thau ka chủ quyền di Việt Nam ngan haong pulao kaoh Hoàng Sa. Harei akaok mereip, mbang parang iek hu mboh ralo gru pato, anek saih sinh viên di dom sang bac dalam bal Đà Nẵng mai mong iek.

 # Page harei 24/3 di ban sit Nha Trang, tỉnh Khánh Hòa, Rayo sap ndom VN pambuak bruk haong Rayo papar sap papar binguk tỉnh Khánh Hòa peih vòng sơ khảo Harei pataom papar sap pakat negar mbang yaka 11 bhum kreh negar saong Tây Nguyên. Mai pataom mbaok, hu ong Vũ Hải, Phó Tổng Giám đốc Rayo sap ndom VN. Vòng sơ khảo bhum kreh negar saong Tây Nguyên hu 41 kadha di 15 đơn vị payua tame pakacah. mBan giám khảo brei pilih ruah tabiak dom skadha gheih di abih piah tame vòng chung khảo Harei pataom papar sap pakat negar mbang yaka 11 hu peih tabiak di bilan 4 tal di bvan sit Đà Lạt, tỉnh Lâm Đồng. Brei panuac di tuk peih harei pataom, ong Vũ Hải, Phó Tổng giám đốc Rayo sap ndom VN brei thau: Hadei di Vòng sơ khảo di 3 gah Bắc, Trung, Nam, kol dahlak caong hu taduan raok taong abih gauk mai hu mbaok dalam Harei pataom papar sap di Đà Lạt, Lâm Đồng. Dalam dom harei rah tabiak Vòng Chung khảo, hu 3 mbang ginum biai tal dom bruk pandiak di gah papar sap urak ini, nan lac ilamu bharau dalam saman phát thanh số, Tổ chức toà soạn dalam jabat truyền thông đa phương tiện saong jalan piah patagok papar sap bangsa.

Patui bruk ini, dom urang dang akaok rayo sap ndom VN hu alin kỷ niệm chương ka bruk papar sap brei ka dom urang dang akaok tỉnh Khánh Hòa.              

 # Hadei di 5 thun padang tabiak, kadung jien daong ka bruk njauk bala meng langik tasik gah kreh negar jak ba hu jaik 165 tỷ đồng meng dom kapul nyaom. Labik pablei Salih dalam saong langiu negar, padang ngak hu 70 công trình sang bac, sang plaih aia ndik, trạm y tế xã, sang ilamo bhap bani… Ralo công trình hu padang ngak pak dom xã, huyện pulao  yau Cù Lao Chàm, Hội An (Quảng Nam), Lý Sơn (Quảng Ngãi), Phú Quốc (Bình Thuận). Kadung jien daong brei dom thiết bị áo phao cứu sinh, gilai, loa papar sap…saong pato pathram ka 60 kapul xung kích daong duah urang njauk bala pak puk palei, xã labik bhian njauk rabuk meng langik tasik  pak 15 tỉnh, bal gah kreh negar, Pokk brei 10.000 pok pandap ka bhap bani njauk khat lahik trak dalam dom mbang ribuk.

 # Harei 24/3, huyện Đắc Hà, tỉnh Kon Tum hu peih bruk pahadar 20 thun padang huyện (24/3/1994- 24/3/2014) saong taduan mek Huân chương lao động hạng nhất. Hadei di 20 thun, meng 4 xã di tuk camerreip saong labaih 29 nghìn menuac, tal harei ini huyện hu 11 xã, ban sit saong hu jaik 68 ribau menuac. Meng rilo sarak saong jalan ngak njauk, kuhria rah tapa, bruk patagok ngak mbang dalam 20 thun tapa di Đắc Hà daok di tanut glaong labaih 15%; jien mek tame kuhria tui akaok menuac thun 2013 hu labaih 26 triệu đồng, lac labik dang akaok tỉnh Kon Tum ka bruk patagok ngak nong ilamu glaong saong lac điển hình di Tây Nguyên dalam bruk padang ngak palei pala bahrau.

 # Harei (24/3), Tỉnh đoàn Sóc Trăng pambuak haong sở Thông tin saong Truyền thông peih mbang pakacah duah thau ka chủ nghĩa Mác Lê nin, tư tưởng Hồ Chí Minh saong lý luận chính trị trực tuyến angaok mạng Internet. Mbang pakacah meda rah tabiak meng ini tal bilan 5 anak tal, hu ralo urang jakar, urang đoàn, dam dara anek saih saih tui bac pak dom sang bac trung học thông, trung cấp chuyên nghiệp saong cao đẳng dalam tỉnh tỉnh hu mbaok tame.

 Tin dunya:

# Akaok negar Trung Quốc Tập Cận Bình harei 23-3 hu mbang taom gaok Tổng Thư ký Liên hợp quốc Ban Ki Mun (Ban Ki-moon) di Nô-uých (Noordwijk, Hà Lan), piah klah rabha hatai sahneng  ka bruk srau kadau daok rah tabiak di Ucraina. Dalam mbang taom gaok nan, Tổng thư ký Liên hợp quốc Ban Ki Mun hu khan brei ong Tập Cận Bình thau dom kham merat di LHQ dalam langyah bruk di Ucraina. Caong hu sa jalan siam mekre ka bruk srau kadau di Ucraina tapa ginum biai, ong Ban Ki Mun ndom lac, Trung Quốc, sa negar thường trực di Hội đồng Bảo an Liên Hợp Quốc, daok hu labik dang praong dalam bruk pachreih patagok sa jalan chính trị ka bruk ini. Ong Ban Ki Mun jeng brei thau, ong halan hatian khik talei taom gaok  ndom biai nao mai haong gah Trung Quốc ka bruk Ucraina.

# Hàn Quốc bahrau tapa mbaok Nhật Bản piah jeng sa negar ngak tabiak chip điện tử prong dang ka 2 angaok dunya. Mentri Thương mại, Công nghiệp saong Năng lượng Hàn Quốc  brei thau, dom labik ngak tabiak chip điện tử saong bán dẫn di negar ini meblah 16,2% thị phần darak pasar di dunya thun 2013, dangka 2 hadei Mỹ, meblah 52,4%. Ini lac mbang akaok metti Hàn Quốc tapa mbaok Nhật Bản, tuk thị phần di  Nhật Bản meng 17,5% thun 2012 trun daok 13,7% di thun blaoh.

 # Karja Thổ Nhĩ Kỳ bahrau brei thau, bol bala di taneh ia ini harei 23-3 cuh laik sa sruh kapal haok di Xyri hadei di tuk sruh kapal haok ini tame bhum lingik di Thổ Nhĩ Kỳ. Dom urang ngak praong di Tho Nhi Ky brei thau, hu mboh dua sruh kapal haok mesruh di Xyri, saong hu brei panuac ka dom sruh kapal haok nan tuk mboh nyui mai jaik jalan negar Tho Nhi Ky. Sa dalam dua sruh kapal haok nan di Xyri nyu tame dalam bhum lingik di  Thổ Nhĩ Kỳ njauk cuh laik saong nyu laik dalam bhum taneh di negar Xyri. Thủ tướng Thổ Nhĩ Kỳ Tay-íp Éc-đô-gan (Recep Tayyip Erdogan) ndom lac, gah halei lih tame bhum lingik di Thổ Nhĩ Kỳ ye njauk taduan dom kan kandah. Min gah rajaei Xiry hu panuac lên án bruk Thổ Nhĩ Kỳ cuh laik kapal haok di Xyri, lac ini sa bruk yau Yuan lac “gây hấn trắng trợn”./.