# Hadei di 5 thun peih ngak, kadung jien bac Nhân Thiện (Kapul dong urang ruak kan kathaot, urang jaoh jo, uranaih metui medar tỉnh Bến Tre) hu brei jiak 15.000 pok jien bac, yaom jiak 18 tỷ đồng song rilo pandap bac megru karei karei ka urang hu rai duik kan kandah, anek saih, SV kan kathaot yam tapa kan kandah. Kadung jien jeng hu taduan labaih 200 kapul nyaom, menuac urang rik dong jien ndua, pandap panda ba gauk daong ka anek saih, SV kan kathaot hu nao bac daa./.

# Thun bac bahrau 2015 -2016, gah pato megru tỉnh Quảng Nam daok jhul pakhang bruk salih barhau tong abih bruk pato megru piah pabak ka bruk CNH, HĐH song mbeik drei tame dunya yau urak ni di taneh ia. Ngan song pato megru phổ thông, gah pato megru peih bruk salih bahrau jalan pato pakai samu gauk song salih bahrau bruk pakacah, pasang iek tong yaom bruk bac daa, peih ngak siam danak dak sap Anh tui Đề án “Pato song bac ngoại ngữ dalam bruk pato pakai pakat negar tukvak 2008- 2020”.

# Ủy ban bhap bani tỉnh Bình Định peih ngak lễ khởi công dak padang Công trình ba aia hacih khu Đông Nam, xã Hoài Xuân huyện Hoài Nhơn ngan haong phun jien labaih 99 tỷ đồng. Công trình hadei di tuk ngak salah blaoh dalam bilan 8/2016 meda pabak hatai caong khin ba aia hacih mai ka labaih 47.000 urang di 4 xã Hoài Xuân, Hoài Hương, Hoài Hải saong Hoài Mỹ di huyện Hoài Nhơn.

          # Dom labik ngak kapan di tỉnh Khánh Hòa dok ngak 7 boh kapan kanduh pasei ka urang tong ikan di gah kreik negar. Ni lac dom kapan hu mesraiy phun jien tui sarak 67 di rajaei. Urak ni công ty ngak kapan Cam Ranh dok ngak 3 kapan kanduh pasei ka urang tong ikan tỉnh Bình định, yaom abih tih jiak 45 tỷ đồng, tui kuhria hu jao ka po kapan dalam bilan 9 ni.

# Meng harei 28/8 tal harei 3/9, Sở Công thương tỉnh Đồng Nai meda peih ngak Adit pandap Việt Nam. Adit pandap Việt Nam thun 2015 meda hu ralo danak dak, bruk ngak ini piah jhul pakhang pathau khan, jak ba urang blei pandar dalam tỉnh pandar pandap Việt Nam. Langiu di nan tal harei 8/9 tỉnh jeng peih ngak nyaom darak Pandap Việt mai palei pala pak 6 huyện, thị dalam tỉnh.

          # Tỉnh Đồng Tháp dok patom tame bruk ieu pachreih urang buh jien tame ngak mbang gah ngak nong. Tỉnh hu mbaoh tangin pambuak bruk roh duah, pala bingu kiểng công nghệ glnog song dom DN Hà Lan, pambuak bruk pato pakai urang patagok brku ngak nong song tỉnh Ibaraki di Nhật Bản song pambuak bruk dong ba di kapul ngak nong song patagok palei pala Hàn quốc (KRC) song gilang pariak dunya dalam brku ngak nong.

# Thun 2015, gah ngak nong tỉnh Vĩnh Long hu peih ngak 2 dự án tái cơ cấu thủy sản, dalam nan dự án “Daong padang ngak mô hình raong hadang ginraong hijao dalam danao haluk” saong “Daong mô hình raong pala kaya ikan dalam aia”. Dalam dua thun (2014 - 2015), Ủy ban Bhap bani tỉnh hu buh tabiak labaih 116 tỷ đồng peih ngak 32 danak dak salih cơ cấu, padang ngak mô hình saong paglaong hạ tầng duh ka Đề án.

# Meng hadei di harei taneh aia yasa tal ini, dom pakat Kapul urang dahlau diah ngak bol lin pak tỉnh Quảng Trị abih hatai dalam bruk nao duah ayut sahabat. Pagap yau Kapul duah pataom halar hatian Kapul urang dahlau diah ngak bol lin bal sit Khe Sanh, huyện Hướng Hóa, meng thun 1989 tal ini duah pataom hu jaik 1.550 talang liệt sỹ. Đại tá Lê Văn Chiến, Akaok Kapul urang dahlau diah ngak bal lin tỉnh Quảng Trị brei thau: Ini lac sa mệnh lệnh di baoh hatai. Urang jakar, hội viên Urang dahlau diah ngak bol lin dalam tỉnh ngak hagait nan ka phong trào nao duah ayut sahabat hu prong dalam jang saong sa tangin, rik daong pren yava haong xã hội. Gam nao duah thông tin, duah kabo liệt sĩ piah ba ayut mai haong baoh sang, haong bhum palei, mai tal dom nghĩa trang liệt sĩ.