Khaw tin dalam taneh aia:

# Biar harei 24/3, pak jabat raja-ei, Uỷ viên Bộ Chính trị, Phaok Thủ tướng Nguyễn Xuân Phúc pan akaok nyom biai ngak iek bruk pasram urang jakar pal akaok, khik iek. Đề án ngak iek bruk pasram urang jakar pal akaok, khik iek nan lac jalan thể chế hoá Sarak di Ban Chấp hành Trung ương, Kết luận di Bộ Chính trị ngan haong bruk dak padang urang jakar piah caga pal akaok, khik iek dalam bruk peih ngak chiến lược urang jakar tal thun 2020; quyết định di Thủ tướng Raja-ei brei peih ngak đề án “Jhul pakhang bruk salih bharau chế độ công vụ, công chức”, rik daong salih bahrau bruk urang jakar. Yau nan min, mbiah tal urak ini bahrau hu Mentri Ngoại giao peih bruk pasram urang jakar pal akaok, khik iek meng pakat thứ trưởng tal pakat vụ saong mek hu rilo siam mekre tapa bruk padang hu urang jakar piah caga pal akaok, khik iek hu ilamu glaong.

# Biar harei 24/3, di Hà Nội, Ủy viên mintri Chính trị, akaok uy mban Trung ương MT negar Việt Nam Nguyễn Thiện Nhân dang akaok nyaom biai patabiak quy chế pambuak bruk saong peih  ngak yau gauk di dom lkapul daok dalam uy mban mat tran negar, jalan pambuak bruk saong dom jabat  báo chí, pathau khan di Ủy mban Trung ương MT negar Việt Nam saong  Trung ương dom kapul nyaom chính trị xã hội.. Ông Nguyễn Thiện Nhân caong khin lac, gam saong bruk pathau khan di dom yaok jabat báo chí, di dom kapul chính trị xã hội saong dom bruk bo menuac urang caik hatai sangka, dom jabat báo chí di dom kapul chính trị xã hội njauk pataom tame pathau khan praong dalam saong khang kadang jang.

# Gilang pariak Karja Việt Nam bahrau brei adat ka 13 gilang pariak  thương mại brei mesre blei padai, brah khik piah vụ Đông - Xuân thun 2013-2014 ngan haong yaom jien jhung glaong abih 7% dalam thun. Bruk nan hu brei thau dalam harak ka 1748/NHNN-TD ka bruk brei mesre blei khik piah padai, brah vụ Đông - Xuân thun 2013-2014 bo gilang pariak Karja bahrau patabiak. Meyah hu cuang kandah tavak tave tapa thẩm quyền, dom gilang pariak nan khan brei ka gilang pariak Karja thau piah pasang iek, langyah.

# Harei 25/3, di labik inem krung sajarah cách mạng Nước Oa, xã Trà Tân, huyện Bắc Trà My, Tỉnh đoàn Quảng Nam peih pakak labik taom gaok truyền thống Thanh thiếu nhi Nước Oa. Labik nan hu padang ngak meng bilan 4/2012 saong yaom jien labaih 30 tỉ đồng,  saong taneh padang labaih 8 ha. Urak ini, labik inem krung mengkan daok taduan hu rilo harak, thaot binguk, pandap sajarah. Ini lac labik Khu ủy Khu V saong dom jabat, mban, nganh, kapul nyaom padang labik ngak bruk, tacei pato bruk methuh cách mạng. Dalam nan, hu jabat Khu đoàn V, lac labik padang Tổng đội dam dara halan hatian nao dahlau di bhum kreih negar saong Tây nguyên. Ông Vũ Trọng Kim, Phó akaok gam ngak Tổng thư ký Ủy ban Trung ương Mặt trận negar Việt Nam, Bí thư ka sa Trung ương Đoàn brei thau:

(Băng: Dahlak saneng lac, dam dara harei ini saong harei hadei njauk patagok ilamu siam mekre di bolbala bhapbini Biet Nam anh hung, di dom kapul nyaom dam dara halan hatian nao dahlau di Biet Nam anh hùng saong di bhapbini urang lin dalam taneh ia, jeng ye bhum taneh gah kreih negar ini hu raong ba dom urang anek paraong tagok saong buh pren yava ka taneh ia. Dom harei taom gaok yau ini kol drei njauk patagok ilamu nan. Abih di nyu nan lac rairah harei ini saongharei hadei.)

# Dalam dom bruk di Dự án “Pasiam vệ sinh cộng đồng meng jalan taom gaok maong tui kết quả đầu ra” kayua kapul  Đông Tây hội ngộ daong brei pak 83 xã dalam 10 huyện di tỉnh Tiền Giang tukvak 2012 – 2015, dalam thun ini Kapul urang kamei tỉnh Tiền Giang jak ba hội viên urang kamei kathaot padang ngak hu 10.170 sang jaman dalam bruk kham merat daong ka adei sa-ai kumei peih talaih kan kandah, pasiam veik bruk vệ sinh môi trường, khik caga pren yava tui njauk tiêu chí di bruk jak ba padang ngak sang "5 oh, 3 hacih" kayua Trung ương Kapul urang kamei Việt Nam ba tabiak.

# Biar harei 24/3, di ban sit Cần Thơ, jabat Thường trực mBan tacei pato Tây Nam Bộ saong rayo sap ndom Biet Nam peih bruk mbaoh tangin tame Harak pambuak bruk pathau khan. Mai pataom mbaok, hu ong Nguyễn Đăng Tiến, Tổng Giám đốc rayo sap ndom Biet Nam; Nguyễn Phong Quang, Phó mban Thường trực, mBan tacei pato Tây Nam Bộ.  Tui danakdak hu mbaoh tangin tame nan, jabat Thường trực mBan tacei pato Tây Nam Bộ ba mbuan lagaih ka urang vak di rayo sap ndom Biet Nam ngak bruk tui qui dinh di adat hukum; samal khan brei ka rayo sap ndom Biet Nam thau dom kadh apambuak tal dom bruk cakrok kinh te, ilimo, xa hoi bhum Tây Nam Bộ.

# Labaih 500 anek saih tal 12 di dom sang bac pakat III dalam bal sit Bạc Liêu bahrau hu mbaok tame danak dak tacei pato bilan pakacah thun 2014 kayua Mentri Pato megru, Báo Thanh niên pambuak haong Sở Pato megru saong Tỉnh đoàn Bạc Liêu peih ngak. Pak van tacei pato, dom chuyên gia hu tacei pato abih hatai, langyah ginup abih dom panuac sua tangi di dom adei ka: jalan cih vak hồ sơ tuyển sinh, quy chế tuyển sinh, sarak ưu tiên bahrau dalam tuyển sinh, urang hu pilih ruah tapak, jalan pakacah saong công nhận bac tamat pakat III thun 2014; dom salih bahrau, sarak bahrau ka tuyển sinh Đại học, Cao đẳng; sarak tuyển sinh di dom sang bac, quy chế pakacah, jalan duah hu bruk ngak hadei di tuk bac tamat.

Khaw tin dunya:

# Urang brei panuac di Lầu Năm góc Giôn Cơ-bai (John Kirby) harei kabroi brei thau, Mỹ barau pilih ruah dom urang jakar, saong brei peih ngak sa hệ thống định vị hu dui gah likuk kapal (towed pinger locator), sa sruh ridaih nduac eng ala ia tal Ôx-trây-li-a piah duah baoh hop jhuk di sruh kapal ahaok lahik tauk angan MH370 di hãng kapal ahaok Malaixia. Thiết bị định vị ini hu pandar piah brei thau labik hop jhuk di kapal ahaok lahik, dalam tuk nan ridaih nduac eng ala ia Bờ-lu-phin 21 hu hệ thống định vị pandap ala ia meng âm atau siêu âm barau, meda brei thau cambaih labik di dom pandap pacah di tuk kapal ahaok njauk bala. Jeng dalam harei nan,, Thủ tướng Malaixia Na-gíp Ra-dắc (Najib Tun Razak) bất ngờ peih bruk họp báo khan brei thau lac, tui dom urang pasang iek, sruh kapal ahaok MH370 di hãng kapal ahaok Malaixia nyu laik trun Ấn Độ Dương.

# Phaok Giáo sư Muneko Nishijo Đại học Y Kanazawa Nhật Bản bahrau brei thau bruk duah mboh bahrau tui nan jru mek kalik kruac dioxin nyu mbuan ba tal ruak tự kỷ di uranaih. Phaok Giáo sư Nishijo hu roh duah  153 adei sit Việt Nam, taneh aia njauk kandok ralo jru hareik hu pagam dioxin bo bol lin Mỹ proi trun Việt Nam meng thun 1960 tal thun 1970. Ini lac mbang akaok meti angaok dunya hu sa bruk roh duah brei thau ka talei pambuak gauk di jru mek kalik kruac dioxin saong ruak tự kỷ.

# Dom urang pasang iek mboh lac, Tổng thống Hàn Quốc Park Geun-hye daok dang anak bruk kateik greik biak praong ka bruk peih mbang gaok thượng đỉnh klau gah Mỹ - Nhật – Hàn saong Tổng thống Mỹ Barack Obama saong Thủ tướng Nhật Bản Shinzon Abe lingiu nyaom biai thượng đỉnh ka An toàn hạt nhân rah tabiak di La Hague (Hà Lan) meng harei 24 tal  25/3 . Washington daok biak maong akaok Nhật Bản saong Hàn Quốc, dua đồng minh jaik taphia saong lac nhan to praong, oh kurang hu dalam bruk mbaiy tapa tapa châu Á di Mỹ, pasiam talei pambuak bruk dua gah daok klaih klaoh dalam tukvak tapa kayua dom bruk sajarah./.