# Salam uan Nyaom roya Kapul dam dara Việt Nam mbang ka VII, melam 28/12, pak Cung văn hóa Hữu nghị Hà Nội, Báo Thanh niên peih ngak danak dak nghệ thuật “Khát vọng trẻ” ngan haong kadha “Negar iew angan drei”. Thủ tướng Raja-ei Nguyễn Tấn Dũng saong urang dang akaok dom ban, ngành hu mbaok dalam danak dak.

# 2 xã bhum ceik barau ngak blaoh danakdak bruk negar padang palei pala barau di tỉnh biên giới Lai Châu lac xã Bình Lư, huyện Tam Đường saong xã San Thàng, ban sit Lai Châu. Ini lac 2 xã điểm saong jeng lac 2 xã akaok mereip di tỉnh Lai Châu mek hu tanut chuan ka pdang ngak palei pala barau. Dalam labaih 3 thun peih ngak dnakdak padang ngak palei pala barau di xa hu labaih 500 sang brei taneh ngak jalan, padang ngak dom cong triinh cong cộng; yaok rabau sang bhapbini rik daong jien, harei ngak piah padang cơ sở hạ tầng ye : jalan nao mai dalam palei, jalan tapeng kraong, ribong ia pruh ka phun pala.

 

# Tui Cục Đầu tư negar langiu, Mentri Kế hoạch saong Đầu tư, thun ini dalam negar pachreih hu 20 tỷ 230 triệu đôla Mỹ phun jien buh tame tapak meng negar langiu, samu 94% dut haong tukvak ini thun dahlau saong tagok 19% dut haong bruk ba tabiak dalam thun 2014. Dalam 60 negar saong bhum taneh hu dự án buh jien tame Việt Nam dalam thun ini, Hàn Quốc dang akaok ngan haong phun jien buh tame  7 tỷ 320 triệu đôla Mỹ (meblah  labaih 36%); patui di nan lac Hồng Kông (Trung Quốc); Singapore; Nhật Bản.

 

# Di labik du lịch palei Làng lụa Hội An, ban sit Hội An, Công ty Cổ phần tơ lụa Quảng Nam pambuak bruk saong Hiệp hội ngak tơ lụa Nhật Bản peih harei pataom ilimo tơ lụa Việt Nam-ASEAN piah yaih khan saong pok je pandap dom palei ngak tơ lụa hadah trah di VN saong Đông Nam Á. Harei pataom hu labaih 30 nghệ nhân di 7 palei ngak tơ lụa hadah trah dalam taneh ia ye : Vạn Phúc, Phùng Xá (Hà Nội), Mã Châu (Quảng Nam), Tân Châu (Lâm Đồng) palei Cam Mỹ Nghiệp (Ninh Thuận)...

 

 

# Harei (28/12), pak bal sit Phan Rang – Tháp Chàm, Ủy ban bhap bani tỉnh Ninh Thuận pambuak haong Pasak tư vấn patagok gah kreh negar peih nyaom biai “Định hướng patagok saong khang kajap kinh tế - xã hội tỉnh Ninh Thuận tal thun 2020 saong dom thun patui veik”. Hu mbaok dalam nyaom biai hu jaik 200 urang lambaok nan lac dom chuyên gia kinh tế, dom urang roh duah, lambaok dom doanh nghiệp prong dalam negar. 

# Di labik xã Quốc Oai, huyện Đạ Tẻh, tỉnh Lâm Đồng, sa sruh ridaih ô tô pajeng kayau lậu ginuh tame ngak metai ông Vũ Xuân Hải, akaok kapul Kiểm lâm cơ động ka 2, di Chi cục Kiểm lâm tỉnh Lâm Đồng tuk daok ngak bruk. Tui panuac khan, taduan hu panuac brei thau hu sa sruh radaih ô tô pajeng kayau lậu di labik xã Mỹ Đức, huyện Đạ Tẻh, tỉnh Lâm Đồng, ông Hải hu ieu phone ka urang dalam kapul saong khan brei thau Hạt Kiểm lâm huyện Đạ Tẻh thau piah pambuak bruk cap mek. Tuk mboh kapul kiểm lâm, radaih pajeng kayau ini peih nduac dauk.

 

# Hadei di 10 thun peih ngak, Sang mac thủy điện Ngòi Phát hu preih pakak saong hu ba tame pandar. Dự án thủy điện Ngòi Phát dapok daok dalam 2 xã Bản Xèo saong Bản Vược, huyện Bát Xát, tỉnh Lào Cai hu Thủ tướng Raja-ei mboh tangin meng thun 2005, kayua Công ty cổ phần đầu tư saong patagok điện Gah Barak 2 ngak po đầu tư, ngan haong phun jien labaih 2000 tỉ đồng.

 

Khaw tin dunya

# Quốc hội Hy Lạp harei ini 29-12 yam tame vòng buh phiếu ka 3 saong jeng lac mbang puac piah pilih ruah Tổng thống. Min, rilo panuac brei thau, vòng buh phiếu ini nyu yau 2 vòng dahlau nan saong Quốc hội Hy Lạp meda njauk giải tán piah peih jalan ka dom mbang pilih ruah dahlau di akaok thun tal.

 

# Raja-ei Nga bahrau tabiak bruk brei pabak dang patau saong điện ka Ucraina piah daong ka negar Đông Âu ini langyah bruk kurang năng lượng trak. Tui  nan, Nga meda pabak brei ka Ucraina yaok bilan jaik 500 ribau tấn dang patau bo oh  cang Ki-ép bayar jien dahlau. Bruk ngak hu mong yau thiện chí meng Nga ba tabiak sa harei hadei di tuk Ucraina cakak nguồn cung ứng điện ka pulao kaoh Crưm, blaoh padei dom dịch vụ radaih apui, radaih bus tal labik hu sáp nhập  tame Nga meng bilan 3 dahlau nan.  

         

# Dalam dom kham merat peih ngak sarak “ ngak bruk gah timul” (Act East policy) di rajaei Ấn Độ, Ngoại trưởng taneh ia ini Sushma Swaraj (Xu-sma Xoa-rai) hu nao ravang Hàn Quốc piah jhul khang talei pambuak bruk dua taneh ia. Tui kuhria dalam mbang nyaom ini, dua gah pataom tame ginum biai ka talei pambuak bruk dalam dom gah năng lượng hạt nhân, đầu tư saong quốc phòng, abih di nyu nan lac bruk ngak kapal./.