# Melam kabroi (25/8), di pasak Nghệ thuật Âu Cơ, Hà Nội, rah tabiak danak dak daoh tamia “Hadah hadai Việt Nam”. Ini lac bruk ngak pahadar 70 thun Cách mạng Bilan 8 saong Harei negar 2/9. Hu mbaok dalam melam parang me-in nan, Thiếu tướng Phạm Văn Huấn, Tổng Biên tập báo Quân đội Nhân dân ndom lac: Kadha praong nan nyu ngak Hadah  mbaok meta Việt Nam, lac haniem phol, lac tự hào, lac hatai jia piah ka bangsa drei patui veik jalan bo  Đảng saong Wa Hồ, bhap bani drei hu palih ruah. 70 thun nao gam haong taneh aia hu oh thau hadom kadha daoh cách mạng diuk miat haong thun bilan, hu jeng pren khang piah pachreih yaok triệu urang Việt Nam sa hatung sa hatai nao tagok.

# Thủ tướng rajaei hu tacei mintri ngak nong song pataogk palei pala dong brei (oh mek jien) vắc xin jit ruak pabui; ia jru sát trùng di gilang khik piah pakat negar ka 5 palei piah pacang cag jit ruak nan lac Sơn La; tỉnh Nghệ An; tỉnh Quảng Trị; tỉnh Bình Thuận song tỉnh Quảng Nti3nhBruk dong brei, khik caga song pandar hóa chất ni hu ngak tui adat hukum utak ini.  

# Tỉnh Quảng Nam hu peih bruk padang ngak baoh tatua pagam xã Cẩm Kim haong bal klaak Hội An. Dự án hu jien buh tame 32 tỷ đồng. Tui kuhria, tatua atah labaih 42 mét, praong 4,5 mét, glaong piah ka gilac nao mai jaik 7 mét, pajeng trak ala 3 tấn; tui kuhria meda ngak salah blaoh dahlau di tuk Tết thun 2016. Bruk padang ngak tatua pabak hatai caong khin nao mai di jaik 10.000 urang Cẩm Kim saong dom xã di huyện Duy Xuyên, Thăng Bình tỉnh Quảng Nam.

# Akaok UB bhap bini ban sit Đà Nẵng bahrau brei buh jien tabiak padang ngak, pasiam veik dom jalan mbak piah duH ka adit pakat glong APEC 2017. Tong abih dom jalan prong atah tui kuhria hu pasiam labaih 100 km dalam nan hu jalan Nguyễn Văn Linh, Võ Văn Kiệt, Hoàng Sa, Võ Nguyên Giáp-Trường Sa... Abih tih phun jien buh tabiak labaih 212 tỉ đồng.

# Meng dom kham merat pathau khan ka bruk pala glai dalam tukvak tapa, tal tukvak ini pulao Phú Quý (Bình Thuận) hu patagok bruk pacang taong abih pulao tagok labaih 45%, ngan haong taong abih mblang taneh pacang labaih 800 ha. Bruk iek glang, khik caga saong pacang cakak apui khuah glai tuk halei jeng hu caik hatai. Ngak hu yau nan mai meng huyện hu ngak siam bruk pala dom janih pajaih phun glai laghaih di bhum taneh ini piah duh ka bruk pala glai yaok thun, patrun jien ndo pajeng ba phun pajaih meng taneh haluk tabiak.

          # Ban sit Cần Thơ bahrau peih nyaom roya pakacah gauk anit ranam taneh ia mbang ka 4 (2015 – 2020). Dalam 5 thun tapa, Đảng bộ, karja song bhap bini ban sit Cần Thơ hu peih ngak siam rilo bruk pakacah gauk anit ranam taneh ia di tong abih bruk ngak, di dom jabat, dom pakat, ba chreih chrai , daong ngak ka dom tanut kinh tế - xã hội thun hadei glong jang thun dahlau.

# Dalam 5 thun padang ngak, patagok jalan mbak nao mai dalam palei (2010 – 2015), karja dom pakat, dom ngành saong bhap bani dalam  tỉnh Bến Tre jak ba hu labaih 2.600 tỉ đồng padang ngak palei pala bahrau, paglaong 4.500 km jalan huyện, jalan pambuak dom xã, ấp, jalan nội đồng; padang ngak bahrau saong pasiam veik 1.200 baoh tatua angaok jalan huyện, xã, ấp. Bhap bani dalam tỉnh abih drei alin brei taneh piah padang ngak tatua, jalan palei pala, abih labaih 52 tỉ đồng saong 185 ribau harei ngak.

# Bruk pala jamriak kalu ala phun  tràm dok hu rilo urang nong  huyện Long Mỹ, tỉnh Hậu Giang peih ngak song tuk cemereip ba mai siam lagaih. Tui rilo urang nong, Long Mỹ meng lavik mai dok hu dom bhum taneh njom likum, njom mbak glong, ngak padai oh kein liba, meda pala phun tràm. Meng jalan ngak ni hu ba kein liba gah jang dut song dom thun dahlau. Ong Huỳnh Thế Anh - Hạt trưởng Hạt Kiểm lâm dua huyện Long Mỹ - Vị Thanh brei thau: Dom thun dahlau taneh pala tràm yaok thun nyu tru, min dom thun jiak di ni taneh pala tràm tagok, abih di nyu nan lac phun tràm, phun amriak kalu  urak ni urang nong daok  tagok khang. Pala tràm meng 5 tal 6 thun tok mek hu phun tràm. Dok meyah pala jamriak kalu ala phun tràm yau nan meda patagok kein laba jalan ngak ni./.