Khaw tin harei but, 27/8/2015, tuk 6h30
Thứ năm, 00:00, 27/08/2015
Jasi
Jasi
# Pak Hà Nội, Kadung jien Ilamo - Sở Ilamo, Padhih saong Rivang ma-in HN pambuak haong Kadung jien daong saong Khik ramik Inem mek ilamo Việt Nam – Kapul Inem mek Ilamo Việt Nam peih bruk pakacah “Roh duah dom inem mek dunya pak Việt Nam saong dom negar dalam ASEAN”. Bruk pakacah hu peih ngak meng harei ini tal harei 23/11 piah salam uan bruk pahdar 20 thun harei Việt Nam tame dalam ASEAN saong salam uan bruk cộng đồng kinh tế ASEAN si hu padang tagok di puac thun 2015.
# Hadei di sa thun Nghị định 67/NĐ-CP di rajaei ka dom sarak patagok kaya ikan hu ba tabiak ngak tui, di tỉnh Khánh Hòa phun jien brei mesraiy tui sarak ni hu dong ka urang tong ikan ngak bahrau song pasiam veik kapan tong ikan piah tabiak tasik. Urak ni, dom gilang pariak di tỉnh Khánh Hòa hu mbaoh tangin tame harak brei ka 4 urang tong ikan di ban sit Nha Trang mesraiy jiak 23 tỷ 800 triệu đồng puah ngak bahrau kapan ikan. Ủy ban bhap bini tỉnh bahrau brei ka 5 urang tong ikan hu ginup điều kiện mesraiy jiak 26 tỷ 500 triệu trie65upiah ngak sa kapan kayau, sa kapan composite song pasiam veik 3 boh kapan.
# Harei (26/8), Thành ủy Cần Thơ peih bruk pataom iek veik 10 thun peih ngak Sarak ka 48 di Bộ Chính trị ka jalan padang ngak saong pasiam hệ thống pháp luật Việt Nam tal thun 2010, jalan ngak tal thun 2020. Urak ini, Cần Thơ oh caik rah tabiak bruk patabiak harak quy phạm pháp luật ngak ka bhap bani oh njauk hatai, oh caik rah tabiak bruk oan sai, bồi thường án.
# Dok dalam dom bruk ngak piah salam uan 70 thun CM bilan 8 song harei negar 2/9. Tỉnh đoàn Bình Phước hu peih bruk pok meyaom 62 kapul nyaom, menuac urang “Dam dara ngak mbang naih joi” thun 2015. Hadei di 2 thun peih ngak, bruk dam dara Bình phước pakacah gauk ngak mbang naih joi hu pambak praong, pachreih hu rilo dam dara urang đoàn pataom mbaok tame.
# Ủy ban bhap bani Bal raya Hồ Chí Minh bahrau pataom iek iek danak dak pasang iek taong abih dom sarak ưu đãi ka urang ngak bruk cách mạng dalam 2 thun 2014 – 2015. Urak ini, Bal raya daok raong 342 Amaik Việt Nam Anh hùng daok diuk saong yaom jien biar di abih nan lac 2 triệu đồng sa bilan.
# Urak ni tỉnh Đồng Tháp rong labaih 5 triệu drei ada, dang ka 3 dalam taneh ia. Tui kuhira yaok thun rilaow da pabak ka darak pasa labaih 5,4 ribau tấ, labaih 216 triệu boh da. Kayua rong palao lingiu mblang hamu, nan ye rilaow da pahe, bingi jang rilaow da rong công nghiệp, boh siam jang nan ye darak pasa dalam song langiu negar biak takre.
# Urak ini, yaom baoh thanh long pak tỉnh Tiền Giang trun khang daok ala 4.000 đồng sa kg. Dom baoh thanh long ca-ai, oh siam atau njaom ruak yaom labaih kurang 1.000 đồng sa kg. Tui gah chuyên môn di tỉnh Tiền Giang, yaom thanh long trun biar kayua baoh thanh long bilan hajan oh siam. Njauk caik hatai nan lac ruak đốm nâu daok tamuh samar angaok phun thanh long. Kỹ sư Nguyễn Ngọc Vinh, Akaok balai khik caga phun pala huyện Chợ Gạo, tỉnh Tiền Giang lac: Urak ini, ruak đốm nâu oh ka hu jru đặc trị, kayua ruak mai meng langik tasik. Langiu di bruk glang iek, buh khak ye urang nong njauk ramik siam bein thanh long, pataom mek dom dhal njauk ruak, baoh ruak ba nao am cuh klaak piah plaih njaom mbak saong patagok ruak đốm nâu angaok phun thanh long hadei ini.
# Chi cục khai thác saong khik caga kaya ikan tỉnh Cà Mau pambuak bruk song UB bhap bini xã Khánh Lộc song xã Khánh Bình Tây Bắc di huyện Trần Văn Thời peih bruk palao dom janih kaya ikan tame mblang hamu ia taba. Ong Lưu Minh Nhật, Akaok ủy ban bhap bini huyện Trần Văn Thời brei thau, bruk palao ikan tabiak mblang hamu gam hu makna jak ba menuac urang hu mbaok tame khik caga kaya ikan, gam dong pasiam veik dom janih kaya ikan dalam ia taba./.
Viết bình luận