1 #  Patui veik danak dak mbang nyaom ka 9, harei ini (22/6), Quốc hội peih akaok adit ngak bruk puac abih. Peih akaok adit ngak bruk ini, Quốc hội Biểu quyết brei tapa Hukum patabiak văn bản quy phạm pháp luật. Ginum biai pak hội trường ka dự án Hukum pasiam veik, pabak dom paka di Bộ luật hàng hải Việt Nam saong dự án Luật thống kê (pasiam veik). Tui danak dak, harei suk, 26/6 Quốc hội nyaom mbang tamat.

2/ Kayua ribuk ka sa, harei kabroi 21/6 dom tỉnh gah kreih negar  hu hajan sit. Yaom lac oh langyah hu bruk kurang ia lavik harei min mbang hajan ni meda patrun pandiak hadei di dom harei pandiak bhang rah tabiak di gah kreik negar. Samar pacang ribuk ka sa, dom tỉnh, ban sit gha kreik negar hu harak pandar dom đơn vị puk palei peih ngak dom jalan pacang cakak ribuk. Trung tá Trần Xuân Lạn, Phó Tham mưu Trưởng Bộ đội Biên phòng tỉnh Quảng Trị brei thau:

  Hu tacei jalan ka dom đồn biên phòng tasik yaok iek, hu panuac ieu kapan gaiy taong chap ikan di angaok tasik pataok tame labik siam mekre. Yaom lac ribuk di atah min dok panuac khan ka urang song tacei ba ka dom đồn, pathau khan ka mik va, ka dua tra nan lac urang tong ikan di atah samar tame labik pataok siam mekre. 

3 #  Tukvak pahadar 90 thun Harei báo chí cách mạng Việt Nam, harei (21/6), pak bal Kon Tum, Kapul urang vak báo tỉnh Kon Tum peih bruk taom gaok, pok brei Kỷ niệm chương Kayua sự nghiệp báo chí Việt Nam saong Giải báo chí tỉnh Kon Tum mbang ka III thun 2014. Pok panuac di van taom gaok, ong Đào Xuân Quí, akaok Ủy ban Bhap bani tỉnh Kon Tum brei thau, pok meyaok dom kham merat di dom urang vak báo dalam bruk cakrok patagok kinh tế xã hội, dak padang Đảng, dak padang hệ thống chính trị saong grap tanat an ninh trật tự di puk palei. Ong Đào Xuân Quí lac:

Băng: “Dahlau abih lac pathau khan, ba mai dom thông tin chính thống di Đảng, di Karja. Hu trách nhiệm katung dui dư luận, định hướng, langyah samar drah. Taphia di nan jeng hoan nghênh dom thông tin báo chí brei thau dom tiêu cực xã hội biak cambaih laih piah ka dom jabat Karja hu trách nhiệm tuk taduan hu dom thông tin ini piah hu jalan xử lý siam jang.”

 4/ Kayua ngak siam dom danak dak patruh eik patrun kathaot, dalam dom thun tapa boh sang Chăm kan kathaot di palei An Nhơn xã Xuân Hải, huyện Ninh Hải, tỉnh Ninh Thuận hu patrun rilo. Meyah thun 2011, dalam palei hu 12% boh sang kan kathaot, ye urak ni dok 1%. Dom danak dak yau, y tế, sang bac, jalan mbak nao mai hu padang ngak siam. 

5 # Dom pakat Kapul urang nong tỉnh Quảng Trị hu pambuak bruk haong Gilang pariak Ngak nong saong Patagok palei pala, Gilang pariak Sarak karja padang 1000 tổ tín chấp mesre phun jien, tổ tiết kiệm saong mesre phun jien, tín chấp ka urang nong mesre labaih 700 tỷ đồng patagok bruk ngak mbang raong glang. Kalpul urang nong tỉnh Quảng Trị jeng peih yaok rituh tal pato pathram, panduan jao ilamu khoa học kỹ thuật, peih dom tal pato bruk ngak, dak padang dom mô hình ngak iek. Mai meng nan năng suất, sản lượng phun pala, anek athur raong tagok samar, nan ye baoh sang kathaot dalam tỉnh trun daok ala 10%, labaih 24 ribau baoh sang urang nong mek hu angan baoh sang ngak mbang naih jioy.

 6/ Dalam harei pataom boh kayua Nam bộ meng bloh, di mblang bein Suối Tiên hu rah tabiak mbang jao giải “Ilamu mbeik thaik boh kayau”  song mbang pakacah thaot binguk siam “Sambo màu Suối Tiên”. Danak dak pachreih hu rilo urang song tuai damuai mai hu mbaok. Harei pakacah ilamu mbeik thait boh kayau thun ni hu mbaok di rilo dom po bei, dom nghệ nhân di ban raya HCM song dom tỉnh dok di gah merong yau Bến Tre, Tiền Giang, Bình Dương… dOm tác phẩm hu ngak biak siam, hu asal kadha pok meyaom langik tasik, taneh ia palei negar, anek menuac, dalam nan hu tal 2/3 tác phẩm ndom tal palao tasik song 40 hu peih paha gah merong, yasa taneh ia. KQ, mban peih bruk hu jao giải vàng, bạc, đồng ka dom nghệ nhân, po bein naih gheih di abih.

7 # 6 bilan akaok thun ini, Đắc Lắc hu 22 urang njaom HIV bahrau, dalam nan hu 19 urang salih tapa AIDS. Kuhria tal tukvak ini, dalam tỉnh hu 2.069 urang njaom mbak HIV, dalam nan hu 934 urang hu salih tapa  AIDS saong 415 urang metai kayua AIDS. Tapa pasang iek hu mboh, umo njaom mbak HIV dalam tỉnh ini dak harei dak ralo urang daok ranaih saong njaom mbak ralo tapa jalan tiêm klauk ma tuý (meblah jaik 40%). Taong abih dom huyện, bal sit, bal prong dalam tỉnh pak halei jeng hu urang njaom mbak HIV/AIDS, dalam nan bal Buôn Ma Thuột hu urang njaom mbak HIV glaong abih, kuhria mboh 860 urang.

Patui di ni dom khau tin dunya:

8/ Dalam kham merat jhul pakhang talei pambuak bruk dok catang tagok, truyền thông HQ brei thau, urang dang akaok Japon song HQ hu mbaok dự tiệc chiêu đãi di Đại sứ quán 2 negar piah pahadar 50 thun harei bình thường hóa quan hệ ngoại giao. Tui nan 2 urang pang akaok meda dự tiệc chiêu đãi di Đại sứ quán 2 negar, tui kuhria hu peih ngak dalam harei ni 22/6.

9 # Manuac urang metai kayua ngộ độc alak pak bal Mum-bai di Ấn Độ meng puac adit tapa tagok tal 84 urang. Cảnh sát Ấn Độ iew ini lac mbang ngộ độc alak jhak di abih dalam labaih pluh thun tapa pak negar ini. Phaok ủy viên hội đồng bal Mum-bai Da-nan-jay Kun-ka-ni (Dhananjay Kulkarni) brei thau, hu 31 urang tame sang iek ruak hadei di tuk menyum alak lap jien pak sa labik daok di Ma-lát (Malad). Dalam nan hu 13 urng pren yava biak jhak, mbuan si metai.