# Peih bruk pasang iek dom bruk ngak lễ hội, kapul ngak bruk di Mentri Ilamo – Padhih saong rivang ma-in kayua Thứ trưởng Vương Duy Biên pal akaok kapul bahrau nao pasang iek bruk khik ramik saong peih ngak lễ hội pak dua tỉnh Yên Bái saong Lào Cai. Pak dua tinh ini, Kapul hu pasang iek tapak dom labik inem mek, lễ hội prong, bhian hu ralo tuai damuai mai tal dalam tukvak peih ngak lễ hội yau: kalan Đông Cuông (Yên Bái), Bảo Hà (Lào Cai). Kapul hu panuac kakei dua tinh ini  peih ngak njauk haong dom adat cambat tanarakun meng kan, oh caik ka lễ hội jeng bruk ngak mbang, duah jien.    

# Kapul ngak phim bom tấn “Kong: Skull Island” (sap Yuan lang lac: Đảo đầu lâu) meda quay dom cảnh di 3 labik dalam taneh ia Việt Nam nan lac: Ninh Bình, Hạ Long saong Quảng Bình dalam 1 bilan. Di Quảng Bình, kapul ngak phim daok quay dom cảnh quay akaok meti pak lòng hồ Yên Phú, xã Trung Hóa, huyện Minh Hóa; đèo Đá Đẽo, labik giáp ranh huyện Bố Trạch saong huyện Minh Hóa; thung lũng Cha Nòi dalam xã Xuân Trạch. Hang Takuh pak xã Tân Hóa, huyện Minh Hóa lac labik quay dom cảnh quan trọng abih dalam phim “Kong: Skull Island”. Di xã Tân Hóa, Kapul  ngak phim hu padang dom baoh kajang caik dom trang thiết bị, ngak labik mbang ndih ka labaih 120 urang di kapul dalam tuk quay.

# Nghệ sĩ bhap bani Đặng Thái Sơn meda mai veik palei negar saong parang me-in di sang daoh prong Hà Nội melam 9 saong 10.3 dalam danak dak parang me-in di Dàn nhạc Giao hưởng Việt Nam. Bruk njauk biai nan lac, dalam melam 10.3, urang hu thưởng thức bản concerto ka 2 cung Fa thứ brei ka piano di nhạc sĩ Chopin kayua nghệ sĩ Đặng Thái Sơn parang me-in. Ini lac kadha hu daong ka Đặng Thái Sơn gam mek hu giải nhất gam mek hu giải “Urang ma-in  Concerto gheih abih” di mbang pakacah Chopin pakat dunya mbang ka X di thun 1980.

#  Dalam dom bruk di mbang pakacah gilai buồm dunya Clipper 2015-2016, piah meyaih khan dom rup thaot hu yaom gah asal kadha saong nghệ thuật ka bruk pakacah di bal Đà Nẵng gheih mekre, Liên hiệp dom Hội Văn học-Nghệ thuật bal Đà Nẵng hu peih bruk pakacah rup thaot ka mbang pakacah. Tui nan, dom blah rup thaot tame pakacah brei mboh hu cambaih dom bruk phụ trợ di mbang pakacah pak Đà Nẵng meng harei 17 - 27.2. Taong abih dom urang thaot chuyên saong oh chuyên dalam saong langiu negar thaot ka mbang pakacah glai buồm dunya Clipper pak Đà Nẵng hu payua blah thaot tame pakacah.

#  Ủy ban bhap bani huyện Buôn Đôn tỉnh Đắk Lắk baharau tabiak jalan peih ngak harei pataom Ilamo meng kan di dom bangsa huyện Buôn Đôn  meng harei 12 – tal harei 14.3, dalam nan hu harei pataom Lamen. Tui nan, harei pataom lamen hu dom asal kadha yau: Lamen pakacah nduac, Lamen luai aia, Lamen caoh mbanh saong padang veik bruk pagui mek saong raong pato Lamen glai. Harei pataom ini hu huyện Buôn Đôn peih ngak yaok dua thun sa mbang dalam tukavk pahadar harei peih paha huyện Buôn Đôn saong harei Jayak Buôn Ma Thuột, peih paha tỉnh Đắk Lắk

#  Hội Liên hiệp Văn học- Nghệ Thuật pambuak haong Pasak Ilamo tỉnh Ninh Thuận bahrau peih melam cuak ariya “Nguyên tiêu Bính Thân 2016” ngan haong kadaha “Raok thun bahrau, uan Đảng”. Labaih 20 tác giả dalam tỉnh hu meyaih khan dom kadha ariya hu asal uan Đảng, uan thun bahrau, uan puk palei salih bahrau yau: Nguyên tiêu thun sak kra (tác giả Xuân Quang), Yau mehit taneh aia palei negar yava sap tame thun bahrau (tác giả Trần Đức Lực), Tết hadar Trường Sa (tác giả Trần Đình Thân…Danak melam cuak ariya pachreih hu ralo urang anit ranam ariya mai pang, alin hadiah bingu ngak jeng kadha bahrau dalam rai diuk ilamo di bhap bani tỉnh Ninh Thuận.