# Salam uan pahdar 70 thun harei Negar Cộng hòa xã hội chủ nghĩa Việt Nam (2/9/2015), Pasak roh duah Việt Nam saong ASEAN dalam Viện Viễn Đông - Viện Hàn lâm Khoa học Nga hu brei tabiak sa baoh tapuk bahrau hu angan iew lac “Việt Nam harei ini”. Baoh tapuk ini kapal labaih 350 blah saong di yaok chủ đề, kapul urang vak brei thau tapa saong pabak tame dom roh duah bahrau di abih brei mboh dom jak jeng saong dom kadha daok rah tabiak pak Việt Nam urak ini. Baoh tapuk hu taong yam lac sa công trình khảo luận di sa kapul nyaom roh duah Việt Nam pak Nga.

# Melam ini (2/9), di pasak Nyaom biai pakat negar Mỹ Đình, Hà Nội rah tabiak danak dak daoh tamia  hu angan lac “Việt Nam-saman Hồ Chí Minh”. Asal kadha dalam danak dak brei thau ka sa saman dakrai sajarah mesruh metak cách mạng glaih glar, rambah rambup min jeng biak tự hào di bangsa ala bruk pal akaok ba jalan di Đảng Cộng sản Việt Nam. Danak dak daoh tamia hu padang ngak tui jalan meteh sử thi, hu daoh- tamia- nhac tổng hợp pambuak haong nghệ thuật điện ảnh, phim tài liệu, nghệ thuật âm thanh…Danak dak hu mbaok 500 nghệ sĩ mai meng 10 đơn vị nghệ thuật trung ương saong bol lin daok dalam bal ien Hà Nội.

# Meng bilan 9 thun 2015, di labik inem mek Kim Liên, tỉnh Nghệ An meda peih parang ma-in dom kadha biak karei di daoh ragu Ví, giặm ngan haong kadha “Parang ma-in ragu daoh Ví, giặm Nghệ Tĩnh – inem mek ilamo oh mboh di meta di manuac sia dunya” piah pamere tuai damuai mai rivang ma-in. Tui kuhria kapul daoh chuyên nghiệp di Khu inem mek Kim Liên meda hu meng 7 tal 10 urang. Tukvak peih ngak bruk ini di dua harei puac adit, van page meng 7 tuk 30, yaok van hu dua danak dak, yaok danak dak dui atah 30 mi-nit.

# Tukvak pahadar harei negar 2/9, meng ini tal harei 6/9, Ban khik iek Palei Ilamo – rivang – ma-in dom bangsa Việt Nam hu peih danak dak “Sambai Tết Độc lập” ngan haong ralo asal kadha. Dom bruk hu peih ngak nan lac: darak bhum glaong meyaih khan, pablei dom janih pandap biak karei di puk palei yau khan bai, alat ragam, pandap kaya thu..; brei mboh veik “Tết Độc lập” di darak bhum glaong; padang ngak veik dom adat cambat tanarakun meng kan: adat tame sang bahrau di bangsa Mảng; Adat ngak yang palei di bangsa La Hủ ; Adat ngak yang kakuh phun Đu dalam Tết bilan hajan di bangsa Hà Nhì; ndam lakhah di bangsa Si La; dam danak dak daoh tamia kadha daoh bhap bani, ma-in dom kadha ma-in meng kan di bangsa di labik vin taom dhar Darak bhum glaong...

# Tukvak ini, di Pasak parang iek Hòa Bình, bal sit Đà Lạt, Sở Ilamo – padhih saong rivang ma-in tỉnh Lâm Đồng peih parang iek “Taneh aia tapa 70 thun khik caga, dak padang saong patagok”. Parang iek hu meyaih khan tal bhap bani labaih 350 janih pandap, thaot binguk saong tư liệu ka dom bruk dakrai sajarah dalam bruk mesruh metak peih paha bangsa, dak padang saong khik caga taneh ia, vaktu 1945 - 2015. Parang iek rah tabiak tal harei 5/9.

# Tui Ban Khik iek inem mek song rivang ma-in Mỹ Sơn, tukvak pahadar 70 thun harei negar 2/9, labik inem mek Mỹ Sơn hu peih pabah mbang ka tuai damuai tame mong iek saoh bimon kalan. Bruk oh mek jien harak  hu peih ngak tui panuac caong di Cục Di sản dalam Mentri Ilamo, padhih saong rivang ma-in ngan haong dom inem mek dunya di Việt Nam. Urak ini harak tame rivang iek Mỹ Sơn yaom 60.000 sa tuai damuai dalam negar saong 100 ribau đồng sa tuai damuai dunya dalam nan hu dom dịch vụ tacei ba saong mong iek daoh tamia bhap bani Cam. Tui kuhria dalam tukvak ini hu jaik 1.000 tuai damuai mai rivang ma-in inem mek./.