# Danak “Điện ảnh học đường” kayua hãng Phim Trẻ di Thành đoàn bal raya Hồ Chí Minh daok chiếu pachreih hu labaih 35.000 mbang anek saih - sinh viên pak dom sang bac trung học phổ thông, đại học, cao đẳng dalam bal raya Hồ Chí Minh. Dom phim hu chiếu dalam mbang ini, lac dom phim điện ảnh pathau khan, pato pakai hatai ranam taneh aia palei negar, ba tabiak jalan gheih mekre, nghệ thuật tapa dom dalikan, biak hu makna, kein laghaih yau: Thầu chín daok pak Xiêm, Juai cuh, Diuk haong dakrai, sajarah, Mùi hareik khuah, Dom urang vak huyền thoại ....

# Cục Điện ảnh, Mentri Ilamo – Padhih saong rivang ma-in brei thau, adit phim salam uan Harei pataom phim Việt Nam mbang ka 19 meda hu peih tabiak meng harei 1 tal harei 5-12 pak Hà Nội, Đà Nẵng. Tui nan, 20 phim hu palih ruah piah chiếu dalam adit phim nan lac dom phim hu palih ruah tame angan dom Phim truyện hu mbaok tame pakacah Harei pataom Phim Việt Nam mbang ka 19 di 16 hãng phim. Taphia di nan, dom phim hu chiếu dalam adit phim daok hu ralophim hu mong yau kadha praong di điện ảnh dalam tukvak tapa yau: Dahlak mboh bingu kanjik katam angaok hareik hijao - hãng phim Thiên Ngân; Pah seok di kreh langik…

# Nhà xuất bản Trẻ, Ban Văn bản “Truyện Kiều” di Kapul Kiều học Việt Nam bahrau tabiak mbaok baoh tapuk “Truyện Kiều” in dua dua akhar Quốc ngữ saong akhar Nôm bahrau abih kayua Ban Văn bản “Truyện Kiều” langyah. Ini jeng lac baoh tapuk pahadar 250 thun harei menek đại thi hào Nguyễn Du.

# Sở Du lịch bal raya Hồ Chí Minh brei thau, Harei pataom pandap mbang bingi dom negar mbang ka 10 thun 2015 meda hu rah tabiak meng harei 3 tal harei 6/12 pak Mblang bein 23/9. Harei patom mbang ini hu labaih 80 gian hàng di dom nhà hàng, khách sạn lambaok ka bruk mbang huak di 22 negar, bangsa saong bhum taneh, dom sang bac đại học, cao đẳng… hu khoa ẩm thực, du lịch. Ini lac bruk rivang ma-in ilamo pandap mbang menyum, ngan haong ralo bruk ngak di tuk puac thun piah pachreih tuai damuai dunya mai haong bal raya saong duh ka tuai damuai dalam negar gam haong bhap bani Bal raya Hồ Chí Minh.

# Meng harei 8 tal  harei 18.12, Mentri Ilamo – Padhih saong Rivang ma-in meda peih bruk ba kapul văn nghệ sĩ urang bangsa takik nao sáng tác tapak di bhum tapein negar, bhum pulao tasik. Mbang nao tapak piah pachreih dom văn nghệ sĩ roh duah, sáng tạo, paneh tabiak ralo kadha văn học, nghệ thuật hu yaom glaong gah jalan saneng saong nghệ thuật glaong; brei mboh labik dang, vai trò, trách nhiệm di kapul văn nghệ sĩ dom bangsa takik dalam bruk paneh kadha ndom tal bangsa bhum ceik, bhum tapen negar, pulao tasik.

# Nghệ sĩ nhạc meng kan naih gheih di Israel Tal Kravitz bahrau parang me-in pak Hà Nội, Huế, Bắc Giang. Ini lac bruk ngak daok dalam “Adit ilamo Israel pak dom sang bac đại học Việt Nam". Taphia di nan, nghệ sĩ Tal Kravitz jeng hu mai rivang, alin brei pandap saong parang me-in, daoh ragu daoh bangsa ka labaih 100 adei sit dalam palei uranaih Birla Hà Nội. Langiu di bruk parang me-in dom alat ragam bangsa meng kan di Israel, sa kadha biak chreih chrai di danak dak nan lac Tal ma-in đàn bầu saong daoh kadha daoh quan họ Bắc Ninh "Bèo dạt mây trôi./.