# Pak tỉnh Yên Bái daok rabiak Adit ilamo, du lich Labik mekre Pakat negar hamu kanyan thun 2015. Ini lac bruk ngak biak siam piah pok glaong Labik makre Pakat negar hamu kanyan saong yaom ilamo di bhap bani dom bangsa daok di Mù Cang Chải. Tapa nan, pasiam talei pambuak bruk khang kajap patagok bruk du lịch di dom bhuam taneh dalam Tây Bắc. Ngan haong kadha “Bilan kanyik angaok hamu apuh”, Adit ilamo, du lich hamu kanyan thun 2015 hu pakacah khèn Mông, peih bruk par dù lượn pak đèo Khau Phạ; nyaom darak bhum glaong.

# “Trường Sa, Hoàng Sa di Việt Nam: dom bằng chứng dakrai sajarah saong pháp lý” nan lac angan iew di Parang iek bahrau rah tabiak pak bal Vũng Tàu kayua Mentri Thông tin Truyền thông pambuak haong Ủy ban bhap bani tỉnh Bà Rịa - Vũng Tàu peih ngak. Parang iek hu ralo harak, ba-ar, pandap panda, ấn phẩm saong jaik 100 bản đồ. Nan lac pataom veik dom tư liệu hu brei thau bloh meng dahlau mai di dom urang roh duah, học giả daok dalam negar saong angaok dunya pambuak pagam tal chủ quyền di Việt Nam angaok dua baoh pulao Hoàng Sa, Trường Sa.

# Tuk menuac sia daok sangka biak ralo tal gah pato megru, Sang tabiak tapuk Dunya saong Thái Hà Books hu tabiak mbaok baoh tapuk “Kẻ trăn trở” di Tiến sĩ Lương Hoài Nam ngan haong panuac yaih khan di Giáo sư Ngô Bảo Châu. Baoh tapuk pataom veik dom kadha vak hu đăng angaok harak  báo dalam jaik 5 thun tapa, lac jalan piah ka tác giả klah rabha dom hatai saneng di drei ka biak ralo kadha di pato megru Việt Nam.

# Thun bac 2015-2016, gah pato megru tỉnh Kon Tum daok peih pato sap Ba Na saong Gia Rai ka 50 tal ngan haong labaih 1.000 anek saih urang bangsa takik di 14 sang bac Tiểu học dalam dom huyện Sa Thầy, Kon Rẫy saong bal sit Kon Tum. Meng bruk hu bac sap “amaik menek” 4 tiết yaok adit, anek saih pakat sa bangsa takik Ba Na saong Gia Rai dalam tỉnh hu pathram saong paglaong ilamu pang, ndom, vak sap amaik menek di drei.

# Katê thun 2015 di bhap bani Cam Bình Thuận rah tabiak meng harei 11 – 12/10 (njauk tame akaok bilan 7 saka Cam) di Bimon Pô Sah Inư, bal sit Phan Thiết. Meng makna khik ramik yaom ilamo meng kan saong pabak bruk pamere ka tuai damuai mai rivang ma-in,  Katê 2015 hu ralo bruk ngak adat cambat saong kadha ma-in biak chreih chrai. Dom adat cambat di harei Katê kayua dom halau janeng urang Cam huyện Hàm Thuận Bắc dang tabiak ngak tui njauk tanarakun meng kan di urang Cam. Dalam tukvak rah tabiak lễ hội daok hu dom bruk daoh tamia, meyaih khan pandap mbang menyum, ngak iek gok glah lan am, menyim jih dalah, ma-in dom kadha ma-in bhap bani, pakacah ndua aia nao tapa chướng ngại vật, pabum baoh kruac aik nao tal labik, chat bao bố, yuk Saranai, pah Paranưng...

# Ong Ngô Văn Triển, Akaok mBan Bangsa Bal raya Hồ Chí Minh brei thau, taphia dom sarak daong ka bhap bani dom bangsa takik daok hu peih ngak, anak tal bal raya caik hatai tal bruk khik ramik saong patagok ilamo di bhap bini; pataom tame peih ngak sarak pato pakai văn nghệ sĩ ka bhap bani dom bangsa piah hu manuac urang patui veik, khik ramik ilamo meng kan di bangsa. Bal raya urak ini hu 9/18 hội quán hu xếp hạng inem mek pakat negar, labaih 40 kalan di urang Lo njauk hu khik ramik.