# Mentri ilamo – Padhih saong rivang ma-in bahrau brei adat peih bruk pakacah “Hoa hậu tasik Việt Nam 2016” piah meyaih khan saong pok meyaom bruk siam binai di urang kamei Việt Nam. Urang kamei siam binai  mek hu angan Hoa hậu Tasik Việt Nam 2016 hu taduan mek giải thưởng lac vương miện saong 200 triệu đồng, Á hậu 1  hu 150 triệu đồng, Á hậu 2 hu 100 triệu đồng. Langiu di nan, daok hu dom giải phụ yau ye: Urang siam binai naih gheih, Urang siam binai thân thiện, Urang siam binai gah du lịch…

# Meng hatai caong khin brei mboh pren khang bahrau di ilamo bangsa dalam ilamu bharau, Mban khik ramik Bal yao klak Hà Nội bahrau peih ngak danak dak Sắc 16 di jalan Đào Duy Từ, Hà Nội. Dalam dom bruk di danak dak daok hu parang iek Lan am pambuak haong thư pháp Việt hu angan “Sen đêm” di nghệ nhân Trần Đức Tâm mai meng Bát Tràng; parang iek thư pháp di klup kapul thư pháp Việt Tâm Bút di thư họa gia Kiều Quốc Khánh (meng harei 2 tal harei 9/4) di Pasak Giao lưu ilamo bal yao klak, 50 Đào Duy Từ.

# Di Jalan tapuk Bal raya Hồ Chí Minh (jalan Nguyễn Văn Bình) bahrau rah tabiak Adit Ao atah hu angan iew lac “baoh tatua ilamo” di urang thiết kế Trịnh Hoàng Diệu (adei kumei di aruah nhạc sĩ Trịnh Công Sơn). Yaok bộ sưu tập ao atah di urang thiết kế Trịnh Hoàng Diệu bhian tabiak meng asal dom kadha di sa-ai likei. Dom bộ ao atah hu asal praong pambuak tal bruk diuk pasang anit gauk, hu brei mboh tapa dom thiết kế bahrau pamong tal urang likei. Tapa nan, gauk gar saong ayut sahabat hu peih melam nhạc Trịnh Công Sơn..

# Pak Muyim Urang kamei Việt Nam bahrau rah tabiak Harei pataom tapuk Mùa Xuân 2016. Harei pataom hu meyaih khan tal urang puac dom baoh tapuk padang mbang ngui, ngak mbang pablei salih yau: sêri padang mbang ngui meng A tal Z đơn giản angaok sa blah khan ba-ar (Alex), Cafe book, 3 jalan samar di abih piah ngak kaya meda.  Jalan nao tal jak jeng meng bruk siam hatung hatain (Inamori Kazuo)  saong Pato anek pandar jien - (Adam Khoo)…

# Di Hà Nội saong Huế meda rah tabiak mbang parang iek rup thaot Hà Nội saong Huế tuk melam di nhiếp ảnh gia urang Pháp Sebastien Laval. Mbang parang iek meda meyaih khan 30 blah thaot hu Sebastien Laval thaot veik dalam tukvak takik mboh bo sa-ai hu ba abih hatung hatai piah thaot hu pak Hà Nội saong Huế dalam tukvak meng 18tuk harei dahlau tal 6tuk page mesup harei hadei. Nan lac dom thaot binguk biak di dom canah jalan sit jua lange, di dom jalan radaih apui dalam melam la-ar atau dom cửa hàng hadah tanjak gom điện, taong abih hu Laval thaot veik meng mac thaot kỹ thuật số saong oh pabak tame ánh sáng nhân tạo halei.

# Campuchia bahrau taduan mek rup patau Khmer abap 10 njauk co klaik dalam saman mesruh metak hu mai veik hadei di 3 pluh thun daok dalam muyim Mỹ.  Rup patau sa thạch Rama lahik akaok saong tangin takai glaong 157cm ini hu pok bayar veik dalam sa van ngak lễ pak Phnom Penh, hu mbaok di dom urang ngak prong dalam Raja-ei Campuchia, Đại sứ Mỹ saong urang dang akaok Muyim Nghệ thuật Denve. Yim Nolson, sa urang jakar ngak gah ilamo Campuchia brei thau, rup aptau Rama njauk cok klaik dalam mbang mesruh metak dom thun 1970 saong hadei di nan hu ba nao tal Mỹ.

# Mbang akaok meti, sa muyim prong yau Muyim Leipzig (Đức) pambuak bruk haong Viện Goethe saong Muyim Mỹ thuật Việt Nam peih sa mbang parang iek pak Muyim Mỹ thuật Việt Nam dalam harei 6-4 anak tal. Parang iek hu angan “Urang dak dalikan”, brei thau ka nghệ thuật đương đại meng Leipzig. 50 tác phẩm di 11 nghệ sĩ thị giác hu ba mai ka urang mong iek baoh tapuk nhật ký yaok harei meng thị giác./.