# Urang pal akaok Mentri Ilamo Padhih saong rivang ma-in pandar Ủy ban bhap bani dom tỉnh, bal tacei pato Sở khik iek du lịch saong dom gah chức năng, dom puk palei pambuak pagam tal patagok bruk khik iek dom labik, dom bruk du lịch mạo hiểm dalam tỉnh, bal di drei. 2 mbang bala khang ngak brei 4 urang tuai negar lingiu metau di puac bilan 2 meng blaoh, pak dom kali aia dalam tỉnh Lâm Đồng brei mboh bruk khik iek labik rivang ma-in oh ka siam, meyah oh hu dom jalan ngak piah pasiam veik chip ye bala daok mbuan rah tabiak, abih di nyu lac dom janih du lịch mạo hiểm, du lịch khám phá kali aia.

# Di labik pahadar aruah Thủ tướng Phạm Văn Đồng pak xã Đức Tân, huyện Mộ Đức, tỉnh Quảng Ngãi, tỉnh Quảng Ngãi bahrau peih ngak dalam prong prang bruk pahadar 110 thun Harei menek cố Thủ tướng Phạm Văn Đồng. Cố Thủ tướng Phạm Văn Đồng nan lac anek saih naih gheih, urang thân thiết di Chủ tịch Hồ Chí Minh. Bruk njauk biai di ong nan lac sa nhân cách prong glaong, abih hatung hatai brei ka taneh aia, brei ka bangsa, brei ka cách mạng. Dalam tuk dang akaok Raja-ei, Thủ tướng Phạm Văn Đồng tuk halei jeng sangka tal kein laba di bangsa.

# Mentri Ilamo Padhih saong Rivang ma-in bahrau tabiak Quyết định ka 567 brei adat ka Công ty FLC Samson Golf & Resort peih bruk pakacah “Hoa hậu Bản sắc Việt toàn cầu 2016”. Bruk pakacah piah pok meyaom dom yaom glaong đức - trí - thể - mỹ di urang kumei siam binai Việt Nam angaok dunya. Tui nan, bruk pakacah hu pataom mbaok urang siam binai Việt mai meng ralo negar angaok dunya. Vòng sơ khảo bruk pakacah meda rah tabiak meng harei 1 tal harei 30.5 pak Vĩnh Phúc saong Bình Định; vòng bán kết rah tabiak dalam dua harei 12.6 pak  Bình Định saong 19.6 pak Vĩnh Phúc; vòng chung kết meng harei 4 tal harei 10.7 pak Thanh Hóa. Yaom giải thưởng di bruk pakacah tagok tal 2 tỉ đồng, dalam nan giải thưởng brei ka Hoa hậu lac 1 tỉ đồng.

#  Việt Nam hu mbaok dalam nyaom biai “Dom labik bấm máy 2016” peih pakak pak bal Mumbai, labik pasak điện ảnh Bollywood di Ấn Độ. Nyaom biai ini kayua Hội đồng Phim du lịch dunya Ấn Độ (IIFTC) saong Liên đoàn Điện ảnh Ấn Độ pambuak gauk peih ngak. Việt Nam hu dom labik njauk caik ka dom labik ngak phim Bollywood. Nan lac dom mbuan ceik, kraong danao tự nhiên biak mekre saong biak praong oh ka hu ralo manuac urang thau tal dalam dom bhum khí hậu đa dạng; dom inem kraung saong công trình ilamo hu xếp hạng dunya yau Vịnh Hạ Long, Hang động Sơn Đoòng, dom mbalng tasik Nha Trang, Đà Nẵng, kraong aia hữu tình Chùa Hương…

# Harei pataom Ao atah 2016 hu rah tabiak pak Văn Miếu - Quốc Tử Giám (Hà Nội) ngan haong bruk hu mbaok di 19 urang thiết kế dalam negar. Dom bộ sưu tập mek ý tưởng meng dom janih bingu saong bruk trình diễn hu padang ngak tui jalan dak sa dalikan ka janih bingu nan. Kadha praong di harei pataom Ao atah mbang ini, lac dom urang ngak mẫu nan lac dom urang taha, dom uranaih ginup umo, urang jaoh jo di pasak Nghị Lực Sống, dom nghệ sĩ hu ngak ka urang kan var hu, dom  Đại sứ saong Phaok Đại sứ pak Việt Nam…..

#  Ủy ban bhap bani Bal Hà Tĩnh bahrau hu quyết định brei ngak Đề án khik ramik saong patagok yaom glang dân ca Ví, giặm Nghệ Tĩnh dalam bal meng ini tal thun 2020. Đề án ba tabiak 5 bruk ngak saong 7 jalan ngak praong piah khik caga saong patagok dân ca Ví.  Phun jien peih ngak đề án jaik 4 tỉ đồng, dalam nan kadung jien karja di bal lac 1.450 triệu đồng, daok veik hadom la jien mikva rik daong./.