# "70 bilan bingu” nan lac bản hùng ca hu padang ngak tui jalan bán sử thi ngan haong bruk hu mbaok di 500 nghệ sĩ. Tapa nan, jalan dak rai sajarah 85 thun di Đảng Cộng sản Việt Nam hu brei mboh veik meng dom rup binguk hu padang meng ralo janih nghệ thuật karei di gauk hu ngak ka urang mong mboh hu dom kadha bahrau. Ini lac danak dak nghệ thuật biak karei pahadar 70 thun Harei negar 2/9 kayua Mentri Ilamo – padhih saong rivang ma-in peih ngak di Pasak Nyaom biai Negar Mỹ Đình meng blaoh.

# Bruk pakacah Piano dunya Hà Nội mbang ka klau kayua Học viện Âm nhạc negar Việt Nam, Mentri Ilamo, Padhih saong Rivang ma-in pambuak haong  Hiệp hội Chopin Việt Nam peih ngak rah tabiak meng harei 4 tal harei 11-9. Bruk pakacah thun ini pachreih hu 55 thí sinh (umo meng 10 - 25) mai meng 9 negar saong bhum taneh yau: Việt Nam, Trung Quốc, Đài Loan, Singapore, Thái-lan, Indonesia, Ukraine, Nhật Bản, Hàn Quốc. Melam Gala mbang pakacah hu dom kadha trình diễn xuất sắc hu palih ruah meda rah tabiak di tukvak 20 tuk melam 11-9 pak Học viện Âm nhạc negar Việt Nam.

# Pak huyện Đồng Văn, tỉnh Hà Giang bahrau rah tabiak Harei pataom khèn Mông thun 2015 ngan haong ralo bruk ngak ilamo, daoh tamia, ma-in kadha ma-in bhap bani. Kadha praong dalam harei pataom nan lac danak dak daoh tamia melam peih mbaok ngan haong kadha “Daneiy yava meng patau”,  hu mbaok biểu diễn di labaih 80 nghệ nhân bhap bani. Danak dak brei mboh veik ilamo gheih mekre di bhap bani bangsa Mông daok pak Đồng Văn. Ini lac bruk ngak hu makna siam gheih di bhap bani dom bangsa takik daok pak huyện Đồng Văn saong bangsa Mông.

# Di Meyim Dakrai sajarah negar daok rah tabiak bruk parang iek “Dakrai – Ilamo Việt Nam”. Meng jaik 300 thaot binguk, tư liệu... parang iek brei thau tapa dakrai sajarah ilamo Việt Nam, meng dom inem mek di anek kra manuac hu mong yau ong kaok ong akei di manuac sia, hu duah mboh pak Thẩm Khuyên, Thẩm Hai (Lạng Sơn) atah di ini 500.000 thun, ilamo Chăm-pa, ilamo Óc Eo... tal dom jak jeng gah kinh tế xã hội di taneh aia dalam dom harei độc lập, tự do, nao tagok chủ nghĩa xã hội.

# Pak Muyim Hồ Chí Minh tỉnh Thừa Thiên - Huế bahrau peih bruk parang iek hu angan “Wa Hồ  haong gah Meraong, gah meraong haong Wa Hồ”. Parang iek meyaih khan tal bhap bani 350 tư liệu, thaot binguk, pandap panda tui klau asal kadha praong nan lac: gah meraong inem takai Wa; Wa Hồ haong gah meraong dalam bruk yasa taneh aia; ngak tui Di chúc di Wa Hồ - peih paha gah meraong, yasa taneh aia, kham merat dak padang sa negar Việt Nam sron mbon, yasa, độc lập, dân chủ saong kaya meda./.